#عشق_الصعيد بقلمي شيماء الديب
#السادس_عشر 🎲
مايا بغضب //بتحبها ياادم …صح بتحبها
ادم بغضب //انتي اتخبلتي في مخك ولا ايه
مايا بغضب//انت اللي اتخبلت في مخك ياادم …انت مبتشوفش نفسك بيجرالك ايه لما بتيجي سيرتها …مبتشوفش نفسك لما بشتمها ولا اتكلم عليها باسلوب وحش انت بيحصلك ايه …انت بتتغير 360 درجه …انا مش مصدقه نفسي …انت ادم الرفاعي اللي عمره ماهزته واحده ست
ادم بغضب//بقولك ايه بلاها حديتك الماسخ ده …انا لا بحبها ولا بعرف احب من الاساس
مايا بغضب وحده//لا ياادم للاسف انت حبيتها …للاسف اكلت عقلك وسيطرت علي مشاعرك …وبكره تمرمطك وراها
ادم بغضب مسكها من شعرها //هي مين اللي تمرمطني ياواكله ناسك انتي …طب يمين بالله لاكون قا*تلك وقا*تلها
مايا باانهيار //انت ممكن تقت*لني اه …لكن هي صعب …وصعب اوي ياادم
ادم بزهق ساب شعرها وسابها ونزل بغضب ركب عربيته ومشي علي بيتهم
في بيت عشق وكل العيله قاعده علي سفرة العشاء
محمد //مالك ياعشق يابنتي سرحانه في ايه
عشق //هه …لا مفيش حاجه يابابا
هناء //لا والله شكلك مشغوله بحاجه …وحاجه كبيره اوي كمان
مروان بمزح //اللي واخد عقلك يتهنا بيه يادكتوره
عشق //بس يارخم انت …مفيش حاجه ياجماعه والله …شويه مشاكل في الشغل بس
محمد //في حد مزعلك ولا ايه
مروان //قولي بس وانا اروح افر*مه
عشق بزهق //ياجماعه مفيش حاجه …وقامت من علي الاكل
هناء//اي دا انتي حالا مااكلتي ياعشق
عشق //اه الحمدلله شبعت …هدخل انام بقي تصبحو علي خير
محمد //وانتي من اهل الخير يابنتي …مالها بنتك ياهناء
هناء//والله مانا عارفه يامحمد …شكلها مش عاجبني من ساعة مارجعت من الشغل
مروان //انا خايف لا يكون اللي مايتسمي ده لسه بيضايقها
محمد //تقصد ابن العمده
مروان //هو فيه غيره
هناء//سيبوها بس ترتاح وبكره انا هتكلم معاها علي روقان كده وافهم منها في ايه
عشق دخلت اوضتها وقعدت علي طرف السرير وفكت التوكه من شعرها ومقدرتش تمسك نفسها ودموعها نزلت //هو ايه اللي بيحصل ده …انا ايه اللي عملته في نفسي ده …كنتي في حالك ياعشق ومرتاحه في مصر …ايه اللي جابك هنا …جيتي برجلك لوجع القلب والمشاكل …ياتري ياادم عاوز مني ايه …وياتري هيوصل بينا الحال علي ايه …انا تعبت من المشاكل وابويا مش قد الناس دي …خايفه يأذي حد من عيلتي …دا انا ممكن اموت فيها …لا …مالك ياعشق خوفتي من تهديده ليكي ولا ايه …لا اجمدي وبينيله انك اقوي من انك تخافي من واحد زيه …وحطي في بالك ان صاحب الحق قلبه جامد …مسحت دموعها بقوه …انا لازم اكون اقوي من الاول …وقامت غيرت هدومها وغسلت وشها ونامت
