#عشق_الصعيد بقلمي شيماء الديب
#الرابع_عشر 🎲
الدكتور احمد بعصبيه //مش تفتح ياحمار انت
ادم فتح باب عربيته ونزل بكل غرور ورافع حاجبه// انت بتتحدت اكده مع مين ياواكل ناسك …وانتي ازاي ماشيه تتحدتي مع واحد غريب اكده وبتضحكي وكان ولا حدا هامك
الدكتور احمد //بتكلم معاك انت …هو في حد متخلف غيرك …وبعدين انت ازاي تدخل علينا بالعربيه كده …ومال اهلك عشق ماشيه مع مين تكونش وصي عليها
ادم ايده في جيوب جلابيته وبغرور //انت عارف انا مين …ولا اعرفك بنفسي
عشق بسخريه//اوف يااحمد انت متعرفش ادم بيه الرفاعي ابن العمده بجلالة قدره وطبعا لازم يهتم بالناس اللي عايشه في الكفر…معلش ياادم بيه اللي مايعرفك يجهلك
احمد بعصبيه//واي يعني انا مبتهددش …ابن عمده ولا ابن وزير مادام عمل الغلط يبقي لازم يتعاقب
عشق بكيد //اصل ادم بيه واخد علي الاكشن وبيحب يظهر قوته قدام الاغراب …يلا بينا يااحمد عشان هنتاخر علي الشغل
احمد بيبص لادم بقرف //معاكي حق ياعشق احنا مش فاضيين للكلام الفاضي ده …ولسه هيمشي خطوتين …فجاه لقي اللي سحبه من ايده وضربه بالروسيه في مناخيره
ادم بحده//اصل اني بحب الاكشن زي ما قالتلك السنيوره
احمد بيحط ايده علي مناخيره لقي دم بينزل //انت بتمد ايدك عليا يابن الك*لب والله لاربيك …ولسه هيقرب عليه ويضربه عشق دخلت بينهم وبصت لادم بغضب
عشق بغضب //انت اكيد بني ادم مش طبيعي …انت لازم تروح تتعالج في مستشفي الامراض العقليه …لان واحد بالتصرفات دي يبقي مجنون ومش طبيعي انا بجد مشفقه عليك …يلا يااحمد
احمد بغضب //انا لازم اخد حقي منه ياعشق
عشق مسكته من دراعي //عشان خاطري يااحمد لو بتعزني بجد يلا بينا من هنا
احمد بغضب بيبص لادم//ماشي ياعشق عشان خاطرك بس همشي بس تاكد ان الحساب لسه مخلصش …ومشي مع عشق
ادم بغضب بيضرب ايده في العربيه //شوفت المرا بتقوله ايه قدامي …قال عشان خاطري قال …والخروف مشي وراها اكده من غير تفكير …اكيد البت دي سحراله…جتكم القرف عكرتو مزاجي علي الصبح …وركب عربيته ومشي
سناء اول ماشافت عشق واحمد داخلين الوحده راحت جري عليهم//اي ده مين اللي عمل فيك اكده يادكتور
احمد //لا ابدا انا وقعت بس
سناء بخباثه//وقعت بردك …ولا حد علم عليك علي ريق النوم
عشق بحده//سناء …امشي هاتيلي صندوق الاسعافات الاوليه
سناء//طيب ياست الدكتوره …بس بردك انا متاكده وشامه ريحة ادم بيه في القصه دي
