#عشق_الصعيد بقلمي شيماء الديب
#الحادي_والثلاثون 🎲
الدكتور بحده//مرتك حبله ياادم بيه …وخلي بالك الزعل غلك علي صحتها …واذ جرالها حاجه عاد انا مليش صالح
ادم مسكه من هدومه بغضب//وانت رايح فين اكده
الدكتور //مش كشفت عليها …همشي بقي ياادم بيه
ادم بغضب//هتمشي وتسيبها اكده يادكتور البهايم انت
الدكتور بااستغراب//واعملها ايه …افضل حداها لحد ماتولد كمان ولا ايه
ادم بغضب//فوقها ياحمار انت
صالح //ده دي انت ماشي وسايبها فاقده الوعي اكده يادكتور
الدكتور //اه صحيح …هاتولي بصله
ادم بغضب//بصله …ومجبلكش معاها حتة جبنة محدقه يادكتور الزفت انت
الدكتور بعصبيه//عاوز بصله عشان اشممها لمرتك عشان تفوق
ادم بغضب //مخابرش انت دكتور ولا مزين ولا ايه بظبط…راح فتح الباب //سمر بت ياسمر هاتي زفت بصله بسرعه
رجاء //بت ياسمر
سمر اخدت البصله بسرعه ولسه طالعه //نعم ياما
رجاء//ماله ادم اخوكي …عاوز بصله ليه
سمر //له مخبرلش ياما …وطلعت جري علي فوق
رجاء بخباثه//قلبي موغوش وحاسه ان في مصيبه جايه قريب
الدكتور اخد البصله وكسرها وشممها لعشق لحد مابدأت تفوق
عشق بصوت متعب //اه دماغي …انا فين
صالح بابتسامه//انتي في بيتك يامرت الغالي
عشق قامت مفزوعه لما سمعت صوت حماها //هو في ايه. …ومين ده
صالح//متخافيش يابنتي …ده الدكتور …وجبناه عشان يكشف عليكي
عشق//ليه …انا كويسه
ادم راح قعد علي الكرسي وحط رجل علي رجل وببرود//له ابدا اصلك حامل ياعروسه
عشق بصدمه//نعم
الدكتور //مبروك يادكتوره عشق انتي حبله
عشق بعصبيه//حبله ايه وكلام فاضي ايه …انتي مبتفهمش حاجه اساسا
الدكتور بحده طلع اختبار الحمل //اتفضلي يادكتوره شوفي النتيجه بنفسك …ياحضرة العمده اي حاجه تحصل اهنه في الدوار جيبو دكتور غيري …مناقصش تهزيق من الكبير والصغير …سلام ومشي
صالح بفرحه//مبروك ياعشق يابنتي
عشق بصدمه//مبروك ايه …الجنين ده لازم ينزل
ادم قام وقف بصدمه//انجنيتي عاد ياعشق ولا ايه …ده معينزلش غير بطلوع روحك
صالح //اهدي يابتي واستغفري ربنا …ليه اكده ياعشق
