#عشق_الصعيد بقلمي شيماء الديب
#السادس 🎲
سناء بخوف //ابوس يدك يابيه بلاش تجيب سيرتي في الحقيق …ادم بيه محدش بيقدر عليه غير ربنا
الظابط //متخافيش ياسناء…احنا هستعدي دكتور عزت كمان وهناخد اقواله …ودلوقتي تقدري تمشي انتي …سناء طلعت من القسم وركبت عربيه وراحت علي المستشفي
اول ماوصلت دخلت لدكتور احمد //ممكن اخد من وقتك دقيقتين يادكتور
الدكتور //اه طبعا اتفضلي …مش انتي تبع الحاله اللي في العنايه
سناء//اه دكتوره عشق …طمني عليها يادكتور ونبي
الدكتور //والله هي لحد الان الحاله مستقره …بس هي هتفضل تحت الملاحظه لحد ماتفوق
سناء //يعني هتتحسن يادكتور …والله دي غلبانه ومتستحقش اللي حصل فيها ده وااصل
الدكتور //كله مقدر ومكتوب …وباذن الله هتتحسن متقلقيش
سناء//طيب هروح اتطمن عليها قبل ماروح علي شغلي …راحت علي العنايه ودخلت عليها وقربت منها ومسكت ايديها بحزن …باذن الله حقك هيرجعلك ياغاليه …حتي لو فيها موتي
هناء //يلا يامحمد عشان الزياره
مروان طالع من اوضته ولابس //يلا انا جهزت ياماما
هناء//لا انت روح دروسك يامروان وبكره ابقي روح لاختك ياحبيبي
مروان بحزن //ازاي احضر دروس واختي بين الحياه والموت ياماما دي عشق مش اي حد
محمد طلع من الاوضه//امك معاها حق يامروان …بلاش نخسر كل حاجه يابني …كفايا اللي اختك فيه
هناء//انت عارف عشق كانت بتزعل لما تأجز من دروسك ياحبيبي
مروان //خلاص ياماما عشان خاطر عشق هروح دروسي بس ابقوا طمنوني عليها
هناء//حاضر ياحبيبي …يلا محمد اتأخرنا …نزل محمد وهناء وراحو علي المستشفي
مروان راح علي دروسه وطول الوقت وهو مش مركز خالص وبعد الدرس قعد مع نفسه ومنتظر الماده التانيه
ساره شافته راحت عليه //ممكن اقعد جمبك
مروان //اه اتفضلي
ساره //انا ساره معاك في المجموعه دي
مروان //اهلا وسهلا بيكي …وانا مروان
ساره //شكلك اكده من البندر صوح …طريقتك بالحديت بتفول انك من القاهره
مروان //صح انا من القاهره
ساره //بس شكلك اكده متضايق من حاجه وطول الوقت مش امركز بالشرح
مروان بحزن//بفكر في اختي
ساره //خير …مالها خيتك
مروان //اختي اتضربت بالنار ودخلت العنايه المركزه للاسف وحالتها وحشه
