#عشق_الصعيد بقلمي شيماء الديب
#الخامس 🎲
الدكتور //اظن القعده هنا ياحاج محمد ملهاش اي لازمه
محمد //يعني ايه يادكتور اسيب بنتي وامشي
الدكتور //بنتك في العنايه المركزه ومحدش هيقدر يدخلها دلوقتي
محمد بحزن //انا هقعد هنا لحد ماتفوق
مروان //خد ماما يابابا وروح انت وهقعد هنا
الدكتور //مش هينفع حد يفضل قدام العنايه …روحو وتعالو بكره علي ميعاد الزياره وقتها ادخلو اتطمنو عليها
هناء قاعده علي الكرسي وسانده راسه بين ايديها وبتعيط
سناء//يلا بينا ياخاله …وبكره هنيجي نتطمن عليها
هناء باانهيار //امشي واسيب حته من روحي ياسناء …طب ازاي
سناء بحزن //متخافيش ياخاله والله هتبجي كويسه بس ادعيلها انتي
محمد //يلا بينا نمشي ياهناء …القعده ملهاش لازمه
هناء//هتمشي وتسيب بنتك يامحمد
محمد بكسره//بنتي في عناية الله ورعايته وانا واثق ان ربنا هيحفظها
مروان //قومي ياماما يلا وبكره الصبح هنيجي تاني …مروان راح عليها ومسك ايديها وسناء مسكت ايديها التانيه …ونزلو من المستشفي وركبو تاكسي ومشيو
ادم ساب سهرته وركب عربيته وطلع علي المستشفي ……واول مادخل سأل عليها في الاستقبال
ادم//لو سمحت …ممكن اسأل عن الحاله اللي جت مضروبه بنار اهنه انهارده
الشب //تقصد دكتوره عشق
ادم بقرف //اه هي دي
الشب //دي في العنايه المركزه …وحالتها خطره
ادم //يعني لساتها عايشه
الشب //هي تحت الاجهزه …ومتقلقش حضرتك بكره تتحسن وتبقي كويسه
ادم بصوت واطي //ولا متتحسنش هي من بجيت اهلي
الشب //حضرتك بتقول حاجه
ادم //له …اه كنت بجول معينفعش اشوفها واتطمن عليها
الشب //ممكن تيجي بكره ف ميعاد الزياره بس دلوقتي لا
ادم بيهرش في دقنه وبيفكر ومشي خطوتين لبره المستشفي ووقف سند علي عربيته وبيكلم نفسه//بكره ايه …وزياره ايه …كان ناجص كمان يجولي هات اتنين كيلو موز وانت جاي تزورها …قبر لما يلمك …انا لازم ادخل انهارده …اهدا. ياادم وفكر صوح …لازم اخلص منيها بس من غير غلطه …بس كيف …اممممم بس ادخل الاول وبعدين اشوف كيف
سناء رجعت البيت وهي مقهوره عشان عشق دخلت اوضتها وخلعت طرحتها وقعدت علي طرف السرير وهي بتفكر //بس مين اللي عمل اكده …مين اللي له مصلحه في جتلها …مفيش غير ادم الرفاعي …هو الوحيد اللي هددها جدام الوحده كلها …طب ليه مجولتيش الكلام ده لظابط ياسناء…معجول خوفتي كالعاده …طب وحق البت المسكينه دي هتسبيه يضيع اكده …له انا لازم اتصرف …من الصبح هروح علي الجسم واحكي لظابط كل حاجه …الارواح بيد الله والمكتوب علي الجبين لازم اتشوفه العين
