#عشق_الصعيد بقلمي شيماء الديب
#الثالث_والخمسون 🎲
عدي اليوم وتاني يوم الصبح ادم صحي من نومه ملقاش عشق جمبه …قام مفزوع …وبصوت عالي//عشق عشق …ولما لقاها مش بترد قام بسرعه لبس هدومه ونزل يدور عيها
رجاء //مالك ياولدي وشك وخطوف اكده ليه
ادم بلهفه //عشق ياما …فين …صحيت من نومي ملقتهاش
رجاء//اهدا ياولدي اهدا …مرتك ابخير
ادم بحده//هي فين ياما
رجاء//صحت من النجمه ودخلت اوضة عيالها …مالك قلقان عليها اكده ليه ياولدي
ادم //دي تحويشة العمر ياما
رجاء باابتسامه//وه للدرجادي ياادم
ادم بتنهيده//واكتر من اكده ياما دا اني شحتها من ربنا
رجاء بتطبطب علي صدره بحنيه //وباذن الله ربك هيحفظها ياولدي متخافش …روح اتطمن عليها
ادم قرب بهدوء للاوضه وفتحها بهدوء واول مافتحها لقي عشق نايمه نص نومه علي ضهرها ومنيمه الاتنين علي بطنها …ادم قرب منهم وابتسم وحط ايده علي قلبه وسحب نفس عميق وبابتسامه //الحمدلله قلبي انخلع من صدري لما ملقتكيش جمبي يابت الرفضي …قرب علي السرير بهدوء ومدد جمبها وعدل رقبتها علي كتفه وغطاها هي والعيال …ومسك تليفونه وفضل يلعب فيه من غير اي صوت
بعد شويه وقت صحي يوسف وعيط راح ادم بكل هدوء اخده منها وفضل يلف بيه في الاوضه لحد ماسكته
عشق قامت مفزوعه لما محستش بوجود يوسف //يوسف
ادم //اهدي ياحبيبتي …ولدك اهو …كان بيبكي وانا اخدتو عشان تنامي
عشق بخوف //فكرتو وقع او جرالو حاجه
ادم قعدقدامها علي السرير. ويوسف علي رجله وسيف علي رجل عشق //اهو انا انخلع قبلي كيف ماانخلع قلبك علي ولدك ياعشق
عشق //ليه ياحبيبي بعد الشر عنك
ادم //عشان فتحت عيوني ومشوفتش شمسي قدامي
عشق //بصراحه الولاد كانو واحشني اوي …ف استغليت فرصة نومك وقولت اقضي شوية وقت معاهم
ادم بحده//اياكي تعيديها تاني ياعشق سامعه
عشق بزهول //اعيد اي ياادم دول ولادنا
ادم //له …مهما كان يكون بس متغيبيش عن عيوني مره تانيه
عشق مدت ايديها علي خده بحنيه //ماخافش عليا ياادم انا طول ماانا جمبي انا بخير
ادم مسك كف ايديها وقربه من شفايفه وباسه //دا انا اللي طول مااني حاسس بوجودك بكون بخير ياعشق
عشق //انا بحبك اوي ياادم
ادم بحنيه//وانا عشقت العشق لاجلك ياعشقي …وقرب منها بكل هدوء وباسها
