#عشق_الصعيد بقلمي شيماء الديب
#الثامن_عشر 🎲
احمد //بس بصراحه انتي عجبتيني اوي ياعشق …معقول في بنات شجاعه كده
عشق //مالك مأفور المواضيع كده ليه
سناء//اصلك مشوفتيش حالك وانتب واقفه كيف الاسد قدام ادم الرفاعي
عشق بسخريه//والله انتو عاملين قيمه كبيره للشخص ده …وهو من جواه عيل
سناء بصدمه//به به به …طب وطي حسك احسن حد يسمعك ويروح يقوله
عشق بحده//انتي عارفه ياسناء اني مبخافش غير من ربنا
احمد//بصراحه بعد اللي شوفته اشهد بذلك
سناء بخوف //والله مانتو خابرين حاجه …خليني ساكته احسن …ها رايحين علي الوحده ولا ايه نظامكم بظبط
احمد //اه كبعا رايحين …ولا ايه ياعشق
عشق//لا سامحوني انا تعبانه وهرجع البيت ارتاح
احمد //ليه بس ياعشق …الوحده من غيرك بتبقي وحشه اوي
عشق//معلش يادكتور احمد …سيبني علي راحتي …وسابتهم ومشيت علي البيت
هناء اول ماسمعت صوت باب الشقه بيتفتح وهي ف المطبخ//ايه اللي رجعك يامروان
عشق//ده انا ياماما
هناء كلعت بسرعه من المطبخ//عشق …خير يابنتي ايه اللي رجعك من شغلك
عشق//مفيش ياماما اصلي تعبانه شويه …اومال بابا فين
هناء//جاله تليفون ونزل
عشق بااستغراب //تليفون من مين
هناء//انا مبقتش عارفه حاجه في البيت ده والله
عشق //طب انا هدخل ارتاح شويه لحد مابابا يرجع …دخلت اوضتها ودخلت وراها هناء
قعدت جمبها علي السرير //قوليلي بقي ياعشق فيكي ايه يابنتي
عشق بتنهيده//مفيش ياماما
هناء//لا ده بعد التنهيده دي اتأكدت اكتر انك فيكي حاجه ياحبيبتي …احكيلي وفضفضي زي زمان ياعشق
عشق عيونها رغرغت بالدموع واتخنقت //تعبت ياماما …تعبت حرفيا دايما بقيت احسس نفسي بالقوه وانا من جوايا بركان …مبقتش فاهمه حاجه
هناء//والاحساس ده يخص الشاب اياه
عشق هزت راسها //للاسف …كل مره اقول هبعد عنه واخليني في حالي الاقيه يعمل مشاكل اكتر عشان يقرب مني
هناء//مشاكل …مشاكل ايه تاني مش كنا خلصنا
عشق//تخيلي ضرب دكتور احمد مرتين …وعشان ايه …عشان بيمشي معايا او بضحك بصوت عالي ف الشارع …واسباب كلها تافهه ومش مفهومه
