#عشق_الصعيد بقلمي شيماء الديب
#الخامس_عشر 🎲
ادم //اه خابر ياساره …ولازم اعمل اكده عشان اكسر انفها وارجع مالي
ساره بضحكة سخريه//ههههه وانت مفحر انها هترضي تتجوزك اكده بسهوله ياادم
ادم بحده//هي تطول بنت الرفضي دي …انا بنات الكفر كلهم يتمنو بس نظره مني
ساره //بنات الكفر ياادم …مش عشق اللي كانت هتموت بسببك
ادم بحده//ملكيش صالح انتي …انا هعمل المستحيل ان شالله اتجوزها بالقوه
ساره بتنهيده //ربنا يستر منك ياادم ياخوي
ادم قام لبس هدومه …ساره //رايح علي فين دلوقت
ادم //ملكيش صالح …روحي علي اوضتك
ساره قامت //بس خليك فاكر اني قولتلك بلاش ياادم …وسابته ومشيت
احمد //وراكي حاجه بعد الشغل يادكتوره عشق
عشق //لا …انا هروح البيت احسن الجرح تاعبني الفتره دي
احمد //يابنت اللي زيك المفروض يرتاح مش يعمل اللي انتي بتعمليه
عشق //انا لو مشتغلتش اموت …مبحبش القعده في البيت ابدا
احمد //لا ياستي بعد الشر عنك …اشتغلي احسن ماتموتي …ونفتقد الضحكه الجميله
عشق ضحكت بصوت عالي …احمد بغمزه //ايوه هي دي
سناء دخلت فجاه //الله الله انتو سايبين الوحده اكده وبتتغزلو في بعض ولا ايه
احمد //ياريت والله نتغزل …هو انا اطول
عشق //لا ياام لسان طويل …احنا خلصنا شغلنا وهغير هدومي وامشي
سناء//له ومستعجله ليه …قعدة الانس متتعوضش عاد
احمد//اه ونبي قوليلها ياسناء …هي علي طول مستعجله
عشق //هروح اكمل قعدة الانس مع بابا بقي …يلا سلام
احمد //يعني لسه مصممه اننا منمشيش مع بعض
عشق بضحكه//تااااني ياادكتور احمد …دا انت الضربه اللي مناخيرك لسه مخفتش
سناء//اه شوفت بقي مش قولتلك حد علم عليك
احمد //بقي كده الفضايح دي يادكتوره عشق …الله يسامحك
عشق بضحكه//الله يعينك بقي علي سناء …سلام …وبسرعه خلعت البالطو واخدت شنطتها ومشيت
احمد عيونه علي عشق وهي ماشيه …سناء //ها عجبتك
احمد بعدم فهم //هه …مين دي
سناء بغمزه//الي عيونك ماشيه وراها يادكتور
احمد //اااه تقصدي دكتوره عشق …لا عادي
سناء//بصراحه اكده هي تنحب …ويابخته وياهناه اللي هتكون من حظه ونصيبه
