#عشق_الصعيد بقلمي شيماء الديب
#الثالث_والثلاثون 🎲
عشق لبست فستان قصير زهري لفوق الركبه وعامله ميكب وسايبه شعرها علي ضهرها ونازله من فوق
رجاء واقفه هي وادم واول ماشافتها نازله كويسه انصدمت …ادم بيلف وشه وبيبص يشوف امه بتبص علي ايه …هو كمان انصدم
ساره راحت جري علي عشق //نورتي بيتك ومطرحك يامرت الغالي
عشق باابتسامه هاديه//تعرفي يابت ياساره انتي وعمو صالح الوحيدين في البيت ده اللي سالكين وضميركم صاحي …وبصت لرجاء وادم بغرور …مش زي ناس عايشين معانا بس ضميرهم ميت
رجاء قربت منها بخباثه//تعرفي يابت ياساره …ان كنت سيباكي تعيشي اهنه …ف ده بكيفي ومزاجي …واذ كنتي خايفه من الضمير الميت فانفدي بجلدك
عشق باابتسامه ورافعه حاجبها//هههه …تعرفي ياساره ان عشق الصاوي مبتخافش غير من اللي خلقها …واحب اقولك اني هفضل قاعده علي قلبك …في ملك جوزي وابنه اللي في بطني …صح ياادومي ياحبيبي
ادم متنح //هه …اه صوح ياحبيبتي
ساره //ماتوحدو الله ياجماعه جرالكم ايه
صالح خرج من اوضته//محدش يقدر يقول مين يعيش اهنه ومين يمشي يارجاء …طول مااني عايش كلمتي هي اللي هتمشي في البيت ده …وعشق بتي التانيه قبل ماتكون مرت ولدي وغلاوتها من غلاوة ساره كمان
عشق قربت من صالح بكل دلع وباسته من خده//منحرمش منك يابابا صالح
صالح بفرحه//اتصدقي كلمة بابا طالعه من خشمك كيف العسل …احسن من عمو دي مكنتش قابلها واصل
رجاء//كلت بعقلك حلاوه ياصالح …شكل الرجاله لما تكبر تخيب
صالح بحده//رجاء احترمي حالك واتحدتي بااحترام …صالح الرفاعي محدش يقدر ياكل بعقله حلاوه كيف مابتقولي …صالح الرفاعي فاهم كل اللي بيدور حواليه بس ساكت لحد مايجي الوقت اللي كل واحد اهنه هيتحاسب علي افعاله
رجاء//تقصد ايه ياصالح
صالح بحده//قصدي انتي خبراه يارجاء …وبلاش قلة قيمة قدام الصغار اكتر من اكده
رجاء بغضب بتبص لعشق//حتي جوزي قدرتي تأثري عليه وتاخديه تحت باطك يابت المركوب انتي …بس وحياة قصاقيصي دول ميكونوش علي مرا لو سبتك توصلي للي براسك ياعشق …وسابتها ومشيت
عشق بدلع//رايحه فين ياحماتي …يووه دي زعلت
صالح //اللي يزعل لحاله بيترضي لحاله …المهم انتي واللي في بطنك …تعالي يادكتوره …ومسك ايديها هو وساره …وقعدوها علي الكرسي …ايوه اكده عاوزك ترتاحي …واللي انتي عوزاه شاوري بس ويجيكي تحت مداسك
