#عشق_الصعيد بقلمي شيماء الديب
#الحادي_والعشرين 🎲
ادم بغضب قام من البانيو وشد البشكير لفه علي وسطه//خليني اكده كل شويه متنكد عليا من غير داعي ...ايه المشكله يعني اني قولتلها علي فرحي ...فرقت يعني العروسه مين ...والله انا خايف يكون النحس ده من العروسه ذاتها ...طلع من الحمام وراح علي الاوضه لقي مايا قاعده بتعيط ...ابه عليكي وعلي نكدك ياحزينه انتي
مايا بعياط //اه حزينه ياادم ...لما اعرف اني الراجل اللي حبيته في حياتي هيتجوز ...عاوزني اعمل ايه ...ارقصلك
ادم بغمزه//اه والله ارقصيلي وروقي عليا اكده ...دا انا عريس اجديد وبودع حياة العزوبيه ...وبعدين احنا هنكذب علي بعض عاد ...دا انتي حبيتي يجي خمس رجاله في وقت واحد يامايا ...انا خابرك من زمان قلبك يساع من الحبايب الف
مايا قامت بدلع وقربت منه //ومن وسط الالف دول قلبي مختارش غيرك ياادومي
ادم بسهوكه//اهو اكده الحديت الصوح...فين الحمام
مايا //ثواني وهيكون الاكل جاهز ياسيد الناس ...وراحت جري علي المطبخ
ادم بغرور//ماكان من الاول ...بدل ماخلتيني اظلم عشق واقول عليها نحس ...دي كيف القمر في ليلة تمامه
عشق عماله تتقلب علي سريرها ومش عارفه تنام وبتفكر في ادم قامت قعدت بزهق علي السرير//وبعدين بقي ...انت قلق في كل مكان كده ياادم الزفت حتي في منامي ...انا مش عارفه ازاي ورطت نفسي بالشكل ده ...بقي انا اتجوز اللي كان عاوز يخلص مني ...نفسي اعرف مين لعب في اعدادات الكوكب ...كل حاجه اتقلب حالها ...بس بصراحه هو حلو بس عاوز اعادة تأهيل ...والله دا انا لو فكيته ورجعت ركبته من تاني ماهيتغير ...حظك زي الزفت ياعشق ...رفضتي دكاتره وناس متعلمه وزي الفل وفي الاخر نصيبك يوقع في قت*ال قت*له ...اي دا طب ازاي الست اللي جابته المستشفي قالت انه جوزها ...انا ازاي عدت عليا النقطه دي ...يانهارك زي وشك ياادم ...انا اتجوز علي ضرة كمان ...لااااا ...ماهو ده اللي ناقص كمان ...راحت مسكت تليفونها وقررت تتصل بيه
ادم قاعد هو ومايا علي السرير وبياكله حمام محشي وبط وعامل فيها عريس
مايا //كل ياحبيبي واتغذي كده
ادم //ايوه اكده يابت يامايا غذيني عشان ارفع راسك اكده مع العروسه
مايا مسكت حمامه وبكل غيظ حشرتها في بوئه//كل ياادم بدل ماانكد عليا وعليك دلوقتي
ادم بوئه مليان بالاكل وفجأه لقي تليفونه بيرن ...مايا استغلت فرصة ايده مش نضيفه والاكل مالي بوئه ...مسكت الفون بسرعه لقتها عشق
مايا بغيظ//دي العروسه بتتصل بيك كمان ...ادم بيشاور بحده عشان تحيب التليفون وهي رافضه ولسه هتفتح راح ادم شدها من شعرها وسحب التليفون بحده
