#عشق_الصعيد بقلمي شيماء الديب
#السادس_والثلاثون 🎲
مروان اول مادخل البيت //يلا ياماما انا جعان
هناء //وطي صوتك اختك نايمه
مروان بفرحه//اي ده عشق هنا …طب انا هدخل اصحيها …ولسه هيمسك الاوكره هناء منعته
هناء//استني يامروان جوز اختك جوه
مروان بااستغراب//جوز اختي مين
هناء //ادم يامروان …انت عندك ميت اخت يعني
مروان //اااااه …طب وايه اللي جابه هنا
هناء//ياواد وطي صوتك عيب كده …امشي روح غير هدومك
عشق //ممكن اقوم بقي
ادم مسك ايديها //مش قبل ماتخبريني الاول …بتحبيني ولا له
عشق بااحراج بتحاول تقوم وتهرب من سؤاله //يلا البس عشان نطلع نتغدي
ادم //له مش هسيبك تهربي قبل ماتجاوبيني علي سؤالي ياعشق
عشق //عاوز تسمع ايه ياادم
ادم //اسمع الحقيقه ياعشق
عشق//لا ياادم مش بحبك …ارتحت كده
ادم بضحكة وغمزه//ايوه ارتحت اكده …اصل قلبك جاوب قبل لسانك
…وانا خابر انك بتكذبي ياعشق
عشق ببرود//لا طبعا مش بكذب
ادم بغمزه//الست لما بتكره بتنفر وبتهجر …ولو السما انطبقت علي الارض متعملش غير اللي براسها واصل …وانتي له ياعشق
عشق //وايه عرفك بقي ياسيادة الفيلسوف
ادم //سمعت انفاسك وانتي بين احضاني وقلبك خبرني بالحقيقه اللي مدارياها عني ومستكتره تخبريني بيها ياعشق
عشق بااستغراب//حقيقة ايه دي
ادم //انك بتحبيني كيف مابحبك ويمكن اكتر كمان
عشق //انا بقول اننا نطلع عشان شكلنا بقي وحش اوي
ادم //مش هتفضلي تهربي اكتير ياعشق …انا سايبك اكده بكيفي …طلعيلي خلجات البسها
عشق قامت فتحت الشنطه وطلعتله ترنج //اتفضل البس
ادم //اي ده …فين الجلبيات بتاعتي
عشق بسهوكه//مفيش الكلام ده …طول ماانت معايا هتلبس علي ذوقي
ادم بغرور //وليه بقي …مش انتي بتكرهني علي مااظن
عشق بسهوكه//بس مهما كان انت ابو ابني وشكلك من شكلي
ادم بغمزه//طيب ياعشق وراكي وراكي والزمن طويل …اخد الترنج ولبس وسرح شعره
عشق //يلا بينا
ادم بصدمه//انتي هتطلعي قدام ابوكي اكده
عشق //واي المشكله ده ابويا
ادم بحده//ابوكي علي عيني وراسي …مش مايصوحش تقعدي اكده قدامه …صدرك نصه باين والخلجات محزقه قوي وجسمك متفصل تفصيل
عشق بزهق//اوووف ياادم انت كل حاجه مركز فيها اوي كده
ادم//له انا مركز بس في كل حاجه تخص مرتي وده من حقي
عشق//خلاص ياسي ادم …وفتحت الدولاب وطلعت الشال حطته علي كتفها وصدرها…كده كويس
ادم //مع انه مش قوي يعني …بس ماشي هعديها المره دي …تعالي ورايا …وفتح الباب وطلع
عشق بصوت واطي وبتضحك //هو انا بحبك من شويه …وطلعت وراه
مروان راح جري علي عشق سلم عليها وحضنها …وبعد كده سلم علي مروان
محمد //يلا بينا نتغدي الاول ياولاد احسن انا ميت من الجوع
ادم//ياتري طابخلنا ايه ياحماتي …اصل ريحة الوكل واصله لحد اهنه
هناء//عملالكم شويه حمام وبط تاكلو صوابعكم وراها
ادم //شوفتي ياعشق ياحبيبتي امك خابره اننا لساتنا في شهر العسل وعشان اكده بتغذينا
هناء//هو انا عندي اغلا منكم …يلا يلا الاكل هيبرد …الكل اتجمع علي السفره وفضلو ياكلو ويتكلمو ويضحكو …وطول الوقت وادم مركز في شكل عشق وهي بتضحك وفرحانه وهي في وسط اهلها
خلص العشا وقعدو مع بعض
محمد //تعالي بقي ياعشق لاعبيني دومينو زي زمان
عشق بفرحه //الله يلا يامروان هات بسرعه الدومينو وتعالي
ادم//له انا اللي هلاعبك ياعمي
عشق بصدمه//اي ده ياادم انت ليك في اللعب
ادم بغرور //انا بعون الله ليا في كل الالعاب …تعالي واتفرجي علي جوزك حبيبك
عشق قعدت جمبه وقعدت تتفرج عليهم وتبص علي وش ادم وهو بيضحك وشردت //معقول الانسان القاسي اللي كل حياته اوامر ومشاكل يكون جواه طفل بالشكل ده …اول مره اخد بالي بان ضحكتك جميله اوي ياادم …كل يوم بحس نفسي بتعلق بيك اكتر من الاول …ودلوقتي بس اتأكدت اني اختارت صح …مش هعترفلك باللي في قلبي غير اليوم اللي هتطمن عليك فيه ووقتها بس هتبقي الفرحه فرحتين ياحب عمري
مرت الايام وادم قرب منهم اوي ومحمد ومروان غيرو رايهم. فيه وحبوه
عشق قاعده مع امها في اوضتها …هناء //قوليلي ياعشق …هتعملي ايه في موضوع الطلاق
عشق//طلاق مين ياماما
هناء//طلاقك انتي وادم …مش قولتي بعد فتره وهتطلقو
عشق باابتسامه//طلاق ايه بس ياماما …دا انا ماصدقت لقيته
هناء //اي ده انتي حبتيه بجد بقي
عشق باابتسامه كلها خجل//حبيته بس ?…دا روحي ارتبطت بروحي ياماما …كل يوم بتعلق بيه اكتر واكتر
ادم كان واقف قدام باب الاوضه وسمع كلامهم وابتسم
يتتتتتبع
رايكم ياحبايبي 🥰
