#عشق_الصعيد بقلمي شيماء الديب
#الثامن_والعشرون 🎲
عشق باارتباك//ماما …صباح الخير
هناء بااستغراب //صباح النور ياحبيبتي …بس ايه اللي جايبك
عشق //اي ياماما مكنتيش عوزاني اجي ولا ايه
هناء //لا طبعا ياحبيبتي ده بيتك ومطرحك …بس انتي ناسيه انك عروسه ولا ايه
عشق باابتسامه مكسوره //اه للاسف عروسه
هناء//طب ايه اللي طلعك من بيتك دلوقتي …كده يابنتي الناس هتتكلم علينا
عشق //طظ في الناس ياماما …وبعدين محدش يعرفنا اساسا عشان يتكلم …ولا يتكلمو مش فارقه …ودخلت اوضتها …دخلت وراها هناء
هناء//فهميني يابنتي فيكي ايه
عشق //عشان خاطري ياماما سبيني انام
هناء بحده//طب قوليلي سبب طلوعك دلوقتي من بيتك ياعشق
عشق بعصبيه//ياماما ابوس ايدك انا تعبانه وعاوزه ارتاح
هناء //ماشي ياعشق نامي بس مش هسيبك لما اعرف حكايتك ايه بظبط …وسابتها وطلعت وقفلت عليها الباب
عشق قعدت علي السرير وانهارت من العياط //وخلصت الحكايه ياعشق …مش هينفع اكمل في التمثليه دي
ادم فطر وقام اخد دوش ولبس هدومه
مايا //رايح فين ياحبيبي
ادم //ايه من ايمتا يامايا بتسأليني رايح فين ولا جاي منين
مايا //لا مش قصدي بس علي اساس انك قاعد يومين معايا
ادم//له بيكفي اكده …عندي شغل ومش فاضي واصل
مايا //طب هتيجي امتي
ادم بعصبيه //قولتلك خلصنا ياعشق
مايا بغضب//عشق …تمام ياادم …ومتنساش اسمي مره تانيه …اسمي مايا
ادم //يابووووووي …وقام شد العبايه علي كتفه ومشي
ساره قامت من نومها وراحت تخبط علي باب اوضتها …ولما مش ردت فتحت الباب ودخلت ملقتش حد //خيتي …دكتوره عشق …يامرت الغالي …دي راحت فين من الصبح اكده …راحت بسرعه فتحت الدولاب ملقتش هدومها …ساره بصدمه//ياوقعه سوخه عملتيها ياعشق …نزلت جري علي تحت …يما يما
رجاء بحده//جرالك ايه يابت انتي
ساره //مشوفتيش مرت ادم اخوي
رجاء //له مشوفتش السنيوره …ليه سرقت حاجه من اوضتك ولا ايه …كنت حاسه انها هتكلع من اهنه بمصيبه
صالح//مالكم من الصبح اكده …بتاكلو في بعض اكده ليه
رجاء//تعالي يابو الغالي …شوفت السنيوره اللي كنت بتدافع عنيها هببت ايه
