السلام هو إلا تحارب من يريد السلام

السلام هو ألا تحارب من يريد السلام.

بسم الله الرحمن الرحيم نبدأ روايتنا الاولى على خير
عائله أحمد بن عبد اللطيف
احمد 55 رجل أعمال
رنا     49 ربه بيت
عبدالله 32 قاضي تحقيق
عبدالرحمن 26 مهندس
نرجس 23 آخر سنه جامعه
كادي 20 ثاني سنه جامعه

عائله محمد بن عبد اللطيف
محمد  60 رجل اعمال
نوره.    50 ربه بيت
ياسر.  31 محامي
حمزه.   27 مهندس
ساره.  25 مدرسه فيزيا
غيث.  22 مستوى رابع جامعه

عائله اسامة بن يزيد
أسامه  50 مواظف بشركه مواد غذائيه
اماني.  45 ربه بيت
إيثار.  21 مستوى ثالث جامعه
أثير.  18 ثالث ثانوي

وبقيه الشخصيات نتعرف عليهم مع سرد الروايه

قصر احمد بن عبد اللطيف
جالس بغرفته حايس الدنيا حوله اوراقه منثوره بالأرض معصب ولا طايق يشوف احد دخلت الخادمه معها كوب قهوه له وهي خايفه لو تطيح  تعدم ورقه من اوراقه يحرقها شافها تدخل وهي ترجف ابتسم بشبه سخريه على حاله وقت يشتغل ويعصب والكل يخاف منه
عبدالله. خليها على المكتب وروحي
الخادمه. طيب بابا
طلعت الخادمه وسكرت الباب وراها وهي ترجف وماسكه على قلبه طالع فيها عبدالرحمن وضحك على منظرها وهي خايفه
عبدالرحمن.شفيك كنك طلعتي من حرب مو من غرفه
الخادمه. ضحكت لانه عبد الرحمن غير على عبدالله مرح ومزوح وحبوب لا مافي شي بس بابا عبدالله واجد معصب ويخوف ضحك عبدالرحمن وهو يمشي لغرفه عبدالرحمن خلاص خلاص روحي كملي شغلك أنا اتفاهم مع ذا الوحش إلا مخوفكم كلكم ضحكت الخادمه وهي تمشي وعبدالرحمن دخل الغرفه بدون مايطق الباب ويستأذن
عبدالله. ليه ترجعين ايش عندك
عبدالرحمن. بسم الله نبي نطمن انه الوحش عايش ولا ميت  شفيك مسكر على نفسك بذي الغرفه وماتطلع منها شوي وتقلب خفاش
عبدالله. عبدالرحمن ترا مو فاضي لك انت وسوالفك اطلع الان قبل لا اوريك نجوم الظهر
عبدالرحمن. تعال تعال لانه بجد واحشني محارشتك
اخذ نفس عبدالله وهو يطالع فيه. شعندك قول يلا مو فاضي عندي جلسه قضاء وشاغله راسي شغل واحس جبال فوق ضهري مو قادر أتنفس حتى
تنهد عبدالرحمن وهو يجلس جمبه ويمسك على أكتافه معليه وانا اخوك تنحل معك وانت أقوى واحسن قاضي تحقيق شفته بحياتي محد وصل للي وصلته انت وانت بعمر الثلاثين ضحك عبدالله وهو يقوم يلا تعال ننزل ونشوف وين البقيه قام عبدالرحمن معه وهو يضحك وينزلون تحت
رنا. بسم الله عليكم ياعيالي جعلني ماانحرم من ذي الطله
عبدالله وعبدالرحمن. هلا هلا امي وبأسوأ راسها ويداتها
عبدالله. يمه ابوي وينه من امس ماشفته
رنا. يمه حبيبي ابوك شغله والشركه عارف فيه امس كلمني انه معه اجتماع وبيتاخر
عبدالرحمن. اجل خليك انت مع امك ياروح ماما أنا بنزل ادور خواتي ضحكت رنا وهي تضربه على كتفه اقول انت لو حصلتهم بالبيت عاد لك مني إلا تبي
عبدالرحمن بصدمه. وينهم اجل بناتك يمه آليوم ويكند وين داشرين عبدالله وهو يدف عبدالرحمن امشي امشي وكلمه داشرين ذي بقطعك لسانك لو قلتها مره ثاني تسمع
رنا وهي تمشي معاهم وتضحك. اي تستاهل لاتغلط على خواتك وبعدين طالعين بأذني شفيك عليهم
عبدالرحمن.  خواتي حبايب قلبي اخاف عليهم ليه ماتبوني اسال وينهم شفيكم ضحكوا وهم ينزلون لتحت مع فتحه الباب دخلوا نرجس وكادي وهم يتناقرون رنا وهي تشوفهم داخلين. ها شوف خواتك حبايب قلبك شرفوا البيت
عبدالله وهو يشوفهم يتناقرون. شفيكم انتم الثنتين مستحيل تدخلون بدون مناقره قاموا يركضون ويحضنون عبدالله لانه مهما كان عصبي وشديد إلا اكثر واحد حنون وطيب ويحب أهله شافهم عبدالرحمن وهم يحضنون عبدالله افا بس أنا من اول أدوركم واسأل عنكم خواتي حبايب قلبي إلا تجون حضن عبدالله على طول اخس عليكم بس ضحكوا البنات وهم يرتمون بحضنه ويتلاعبون معه لانه جوه مزوح ويستهبل معاهم رنا وهي تشوفهم وتبتسم على محبتهم يلا يمه رحوا غسلوا وتعالوا شوي الغداء يجهز راحو يغسلون ويتقدمون على طاوله الاكل ويتغدون نرجس. يمه ابوي وينه مابيتغدا معنا احس اشتقت له من امس ماشفته  دخل احمد على صوت نرجس جيت جيت ياقلب وعين ابوك قامت كادي تجري وتحضنه وتبوس راسه ضحك احمد لانه دايم كادي تسبق نرجس بالحضن كادي وهي حاضنه احمد. شوفي نرجس حبيبي كلنا نعرف ابوي وحبه لك بس مستحيل تاخذي الحضن قبلي
نرجس وهي تقوم وتسلم على احمد وتتشمق لكادي. بعدي بعدي ابوي مايفرق بيننا صح يبه حضنهم احمد وهو يبوسهم. مستحيل افرق بينكم انتم بناتي وعيوني الثنتين رنا. يلا يلا اقول خلوكم من الحضن والدلع وتعالوا اتغدوا عبدالرحمن وهو يضحك ويشوف امه. اقول يمه بناتك اخذوا الحب منك لدرجه ابوي معد يجي ويسلم عليك احمد وهو يطالع فيه. انت مابتعقل ولا تبي شي مني يعقلك ضحكوا كلهم وكملوا يأكلون غداهم قام عبدالله وهو يحمد الله على النعمه أنا ماشي تبون شي
احمد. توي جيت وين رايح خلنا نجلس شوي
عبدالله. يبه ياسر برا وينتظر بطلع له ونروح نكمل كم شغله عشان المحكمه تنهد احمد وهو يشوف ابنه تحمل شي كبير فوق نفسه وعمره وهو مو سهل عليه لانه شخص وبذا العمر يكون م قاضي تحقيق ومتحمل مسؤوليه وحكم مو سهله ابداً حاول معه وكثير انه مايقبل مو عشان شي عشان مايتحمل شي اكبر من عمره بكثير عبدالله وهو يشوف أبوه يهوجس ومو معه عرف انه يفكر فيه وخايف عليه قام وهو يبوس راسه عشان يطمنه انه مافي شي يخليه يقلق ضحك احمد على حركته وهو يستودعه الله من كل شي حوله طلع عبدالله وهو يشوف ياسر متكي على السياره ويدندن ياسر. هلا هلا بالقاضي تبعنا اخيراً شرفتنا ونورتنا وينك غاطس ومحد يشوفك عبدالله. بسم الله هدي هدي خذ نفسك شفيك
ياسر. ولاشي طال عمرك بس لو مادقيت ودقيت وحاولت معك تطلع كان ماشفتك ولا تطمنت عليا وتقول ولد عمي كيفه وكيف احواله حي ميت مريض ضحك عبدالله وهو يحضنه لانه عارف بحب ياسر له ياسر مو بس ولد عمه إلا اخوه وصاحبه ويده اليمين تعال تعال خلنا نركب السياره الشمس حرقتنا ركبوا السيار وهم يضحكون ورايحين للمحكمه عشان يكملون اشغالهم
بيت اسامه بن يزيد.
طلعت من الغرفه وهي تدور امه يمه يمه يمه اثير وهي طالعه من المطبخ على صوته ومسكره أذانه بيداته شفيك انتي ترا امي مو بالمريخ تصارخي كذا بااسمه ايثار. شدخلك انتي أنا أنادي امي مو لك اثير. اي اي امي درينا بس بشويش مو بالصراخ ومو لحالك بالبيت ازعجتينا اوووف ايثار وهي تغيض اثير بصراخه يممممممممممههه هربت وهي تشوف اثير تجري وراها وبتضربها لانه عارفه انه اثير تكره الصوت العالي وتنزعج اماني وهي تشوفهم يتاجرون وأثير بيدها سلك الشاحن وتبي تضرب ايثار بسم الله شفيكم انتم تتجارون وبعدين اثير عيب اختك الكبيره ذي وتبي تضربيها ضحكت ايثار وهي تجري ورا امها شوفي يمه بنتك تبي تضربني وانا اكبر منها شوفيها وانا ماسويت لها شي اثير وهي نبقق بعيونه على ايثار ودلعها. يمه لاتصدقيها قبل لاتجين كانت تنادي وتصارخ باسمك حتى إلا بالقبور سمعوها وتعرف انه أنا مااحب الصراخ وزادت عليا بصراخه اماني وهي عارفه بالموال حقهم إلا دايم يسونه كل يوم يلا يلا انتي وهي تعالوا معي المطبخ ساعدوني بدون صوت ولا والله والله لااسحب منكم الجولات واخليكم بدون شبكه مشوا مع امهم وهو عارفين لو ما سمعوا كلامها بيتنفذ العقاب عليهم ايثار. يمه ايش من غداء بتسوي لانه صدق جيعانه ضحكت اثير. ليه انتي من متى مو جيعانه أربعه وعشرين ساعه جيعانه شمقت لها ايثار وهي تروح لثلاجه وتفتحها انصدمت وهي تشوفها فاضيه يمه ليه فاضيه الثلاجه. اماني. خلي يوم ابوك يستلم الراتب نتقضى ونأخذ اغراض للبيت سكرت ايثار الثلاجه وهي عارفه بحاله أبوهم الصعبه وانه راتبه مايكفيهم وهم على قد حالهم يمه عادي عادي براحته متى مااستلم تاخذون الاغراض دخل أسامه المطبخ ومعه اكل من المطعم يلا يا بابا تعالوا جيت لبناتي وروحي غداء تعالوا غسلوا ونتغدا جروا البنات وهم يغسلون يداتهم وأماني تشوف اسأمه والأكل بيده كيف اخذ من المطعم وهم يالله يأكلون الحاصل عشان يعيشون شافها اسامه شارده وتكلم اماني قلبي ماتبين غداء تقدمت له وهي تمسك بيداتها وجهه ودقنه حبيبي أسامه لاتتعب نفسك وتاخذ اكل من برا وغالي عليك بناكل اي شي مو ضروري والبنات يتفهمون ليه تسوي كذا ترك الاكل بالارض وهو يبوس يداته لانه يعرف شكثر اماني حنونه عليه وتخاف عليه من كل شي لاتخافي اليوم اشتغلت بالسياره وطلعت حق الغداء وحلفت ان الفلوس الا طلعتها تكون غداء بناتي وحبيبه قلبي انتي وانا عارف لنا كم يوم أكلكم مو عاجبني وتتحملون عشاني ولاتقولوا شي حضنته اماني وهي تقرب عند إذنه أنا لو اكل تراب بكون مبسوطه معك اهم شي انه عايشين تحت رعايتك وحنانك ضمها وهو يدفن وجهه برقبته لانه اماني هي حبه وحياته وامه وأخته وقبل كل شي ام بناته الثنتين إلا يحبهم اكثر شي بالحياه جت ايثار وهي مستغربه ليه تأخروا عليهم يمه يبه وينكم تاخ. جت بتكمل وهي تشوف ابوها بحضن امها نفس كل مره ابوها يضم امها ويدفن وجهه برقبتها كنه ياخذ النفس والأكسجين من ريحه امهم ويقوي نفسه استحت وهي ترجع لعند اثير وتضحك اثير. وينهم ابوي وامي ايثار وهي تضحك. بالأحضان نفس كل مره ضحكت اثير وهي تغمز لي ايثار مو وقته حنا جيع سمعها أسامه يلا يلا يبابا جينا حمرت اثير لانه ابوها سمعها وبدوا يأكلون ايثار الله ذا المطعم إلا نحبه يبه صدق انت احسن واحلا اب بالعالم ضحكت اماني وهي تشوف اسامه كيف مبسوط وقت بناته يأكلون ويحصلون الشي إلا يحبونه ومايحرمهم من شي اسامه. بالعافيه يابابا
ايثار. الله يعافيك يقلبي وروحي انت يباببي اثير وهي تشرب ببسي وتطالع لي ايثار يعني انتي ابفهم لازم حركات الدلع حقك ذي ولا مابتعشين بدونهم ضحكوا لانه الفرق بين ايثار وأثير مره مره مختلف ايثار تحب تعيش وتدلع وتستهبل اثير جديه وماتحب حركات البنات والدلع ابداً كملوا أكلهم وهم يقومون يساعدون امهم بلم الاغراض ايثار وهي تقرب من امها يمه ابغى اطلع مع رنيم اماني. استأذني من ابوك وبعدين كثرت طلعاتك مع رنيم ذي ايثار وهي عارفه قصد امها عشان لاتكلف على ابوها وتاخذ منه مصروف زياده عليه يمه ياروحي ياقلبي ترا والله ماابغى شي بس طلعه خفيفه ونمشي وبعدين تعرفين رنيم مو حق ذي الاشياء بنطلع نغير جو بدل كرف الجامعه والاختبارات وانا معي فلوس من حق الجامعه لاتخافي اماني. طيب روحي استأذني من ابوك وشوفي ايش بيقولك ايثار راحت وهي مبسوطه لانه عارفه انه ابوها وحبيب قلبها مستحيل يرفض لها طلب شافته جالس بالصاله وماسك جواله ابوي حبيبي وقلبي وروحي ضحك أسامه وهو عارف بعد ذي الأسماء والالقاب ايثار تبي منه شي قولي بابا قولي شعندك ضحكت ايثار يعني مفضوحه على طول فهمتني هز راسه باايه قولي يلا ايثار. بطلع مع رنيم نمشي شوي عادي ونرجع اسامه. عادي بس انتبهي لنفسك يابنتي ركضت وهي تحضنه وتبوس راسه حاضر من عيوني يابابي اثير. خلاص يبه دامه السالفه فيها بابي لاتخليها تروح عشان تريحنا شوي من دلعها أسامه طالع بااثير وضحك إلا انتي ماتبي تطلعي معاهم  اثير. لا لا اعوذ بالله اطلع مع ايثار ورنيم مستحيل يفقشون مرراتي بدلعهم وسوالفهم ايثار. انتي خليك بنت نفسنا عشان تعجبك سوالفنا ضحك اسأمه على جيه اماني من المطبخ وهي معها شاهي اماني. شفيكم أصواتكم طالعه لعندي اسامه. تعالي بالله اسمعي سوالف بناتك بس يخلون الواحد يضحك بدون سبب ضحكت وهي تشوف ايثار انتي وقتك ترا يمشي لو جلستي تكثري كلام بققت بعيونه على امها كيف يعني يمشي اسامه وهو يشوف ساعته يعني يابابا حدك ثلاث ساعات المغرب وقدم بالبيت شهقت وهي تجري عشان تلبس عبايتها وتطلع دق الجرس وقامت اثير تفتح الباب دخلت رنيم هاي اثيرو كيفك حبي اثير. الحمدلله بخير بس بالله لعد تنادي اثيرو وتغثيني ضحكت رنيم وهي تدخل الصاله تنتظر ايثار كيفكم خالي اسامه وخالتي اماني ردوا عليها الحمدلله اسامه. كيفك انتي يبه كيف امك وابوك واخوانك رنيم. الحمدلله خالي كلهم بخير يسلمون عليكم اسامه. الله يسلم ويسلمهم وصلي سلامي لهم رنيم. من عيوني الله يسلمك جت ايثار تجري يلا يلا رنيم ترا حدنا للمغرب ولا بننجلد من أسامه ضحك اسامه.  اقول خلاص راحت بابي قده أسامه ضحكت وهي ترسل له بوسه بالهواء اسامه. تعالي خذي فلوس بس تعالي ايثار. لا لا يبه ماابغى ومعي اصلاً خلها للمره الثاني ضحكت اماني. ذي ماتفوت شي اقول يالله توكلي باقي ساعتين مشوا البنات وطلعوا برا البيت وضحكت رنيم الله ايثار تجننوا انتي واهلك لدرجه نفسي أعيش معاكم ايثار وهي عارفه بظروف ومشاكل بيت رنيم  ياقلبي يارنيم تعالي البيت بيتك يروحي ضمتها رنيم وهم يمشون للحديقه ويسولفون
بنفس المكان والحديقه إلا هم فيها كان عبدالرحمن وحمزه مع بعض يمشون ويسولفون حمزه إلا وينهم الشباب قالوا يبون ذي الحديقة وانا مو جوي عاد ذي الحدايق عبدالرحمن. وليه مو جوك شفيها الحديقه حمزه ياخي مو قصه شفيها كان رحنا كوفي وجلسنا وريحنا مو هنا الهواء مكتوم وريحه الاكل صدعت براسي معليش ترا مو مناسب لنا في احسن منها عبدالرحمن. هديها شوي ترا كلنا واحد وعاد جوي الاشياء ذي البسيطه احسن من حقك الفخمه تعال بس تعال وتنبسط كانوا يمشون ويسولفون وشاف عبدالرحمن كشك يبيع فيها سلاش وضحك لانه صدق يعجبه ويذكره بطفولته قام حمزه بروح الكشك تبي سلاش معي ولا شي ثاني ضحك حمزه وهو يهز راسه بلا ماابغى بس خليهم يجون عشان افتك وارجع ضحك على شكل حمزه لانه قرفان ومايحب ذي الاشياء البسيطه على قوله راح الكشك وهو يكلم العامل لو سمحت اعطيني واحد سلاش مكس العامل. طيب جت بنفس اللحظه ايثار وهي تبي سلاش وذره لرنيم  جت بتطلب لوسمحت اعطيني اثنين سلاش واحد ذره العامل. طيب بس ينتظر شوي الذره ايثار. طيب مافي مشكله  جلست تنتظر ولا شوي تحس بشباب حوّلها يحاولون يتحرشون منها خافت منهم وحاولت تكون قويه ومايبان خوفها لانه لحالها ورنيم بعيده عنها شوي لوسمحت بعد شوي شفيك شوي وتلتصق فيني واحد من الشباب. محد ملتصق فيك الواضح تبينا نقرب ومستحي ايثار. احترم نفسك وخر عني واحد ثاني من الشباب. شرايك نحاسب عليك وتجي معنا ترا ننبسط سوا موافقه ايثار ودموعها تجمعت بعيونها لانه خافت وهي اكثر وحده تخاف من التحرش والرجال كانت ساكته وتطالع فيهم بخوف شافهم عبدالرحمن إلا كان من اول يشوفهم ويحاول لوين بيوصلون معها تقرب منهم وهو يبعدهم عنها  عبدالرحمن بحده. خير انت وهو شفيكم خلصت الأماكن ولا تبون مشاكل ماتخافون الله في خواتكم ولا أمهاتكم انه حد يتحرش فيهم اقول اتحركوا من هنا والا والله مايصير شي يرضيكم خافوا الشباب منه ومن عصبيته لانه شكله كان أقوى وشخص مو عادي فخم ورزين وباين عليه إلا من اهل عز ونعمه مشوا وتاركين المكان التفت عليها عبدالرحمن وهو يشوفها تبكي تمسح دموعها من تحت النقاب لاتخافي خلاص راحوا وارجعي بيتك الان احسن ولاتطلعي لحالك مره ثاني ايثار. وهي مو عارفه كيف تتكلم من الخوف طيب شكراً مره شكراً اخذت الاغراض ومشت تاركته رجع عبدالرحمن لحمزه وهو يشوف الشباب تجمعون عنده ضحك لأنهم جو معاهم قهوه واشياء هم يحبوها السلام عليكم شباب ردو عليه السلام وضحكوا على السلاش إلا معه ناصر صاحبهم. إلا عبود السلاش لمين ضحك عبدالرحمن لانه عارف ناصر يستهبل عليه لزوجتي ضحكوا الشباب كلهم  حمزه. ولا له ساعه على ماراح يجيبه والله لو انه سموذي ماتاخرت كذا ضحكوا إلا عبدالرحمن وقت تذكر البنت والشباب إلا تحوشوا فيها وكيف لو كان مو موجود كانت كيف بتسوي من خوفها نواف وهو يشوف عبدالرحمن سارح شفيك سرحت وين رحت التفت عليه عبدالرحمن لأ لا معاكم كملوا
عند ايثار من وقت ماوصلت عند رنيم وهي تبكي حكت لها السالفه وكيف كانوا يتكلمون معها ولو الله ثم ذا الشخص كانت ماتدري كيف بتخارج نفسه ضمتها رنيم لعنده خلاص ايثار حبيبي ماصار شي وربك ارسل لك الرجال ذاك وطالعك منهم اهدي وسمي بالله ايثار وهي تمسح دموعها خلاص معد بطلع هنا ولحالي يخوفون مره رنيم مايخافون الله رنيم        طيب يقلبي اهدي وخليك هاديه أنا معك ومعد بخليك تروحي لحالك اهدي مسحت دموعها ايثار وهي تلتفت لرنيم. رنيم لاتقولي لاأحد خلاص معد فيني شي ضحكت رنيم اي عارفه بسم الله عليك سريعه التخطي ضحكوا سوا وكملوا أكلهم وسوالفهم
عند عبدالله وياسر. ياسر عبدالله هات بحكم بدالك تكفى عبدالله. اي ياسر ولا يهمك ادخل معي واحكم شرفنا المحكمه الصباح ضحك ياسر بسم الله عليك يخي كيف تتحمل وتحكم ورغم انه اكثر شخص يكرهك وتكرهوا بالدنيا الان بتحكم له بالعدل اخخ بس مااختاروك عبث والله حتى لو ألد اعادئك بتنصفه اهم شي العداله عبدالله.  ذا حكم وعداله عند الله مو سهله اهم شي المذنب ياخذ عقابه والشي إلا بيني وبين فاروق خارج عن شغلي اهم شي الشي الا يرضي الله مو يرضينا ياسر. اي ونعم والله فيك ياخي انشهد انك رجال ابن رجال ضحك عبدالله وهو يربت على أكتافه تسلم تسلم ياخوي
ياسر. إلا عبدالله بسالك هو فاروق الان تتوقع كذا بري من ذي الشغله يعني مستحيل دامه دخل فيها وراه شي
عبدالله. والله السالفه تجاره بينهم وفارق عارف فيه اهم شي بحياته الفلوس يعني وافق معهم بالشراكه واعطاهم دين وهم لعبوا عليه والان يصايح يبي فلوسه وبكره بيتنفذ عليهم الحكم وكل واحد ياخذ حقه ياسر. اي يالله ورغم انه يستاهل بس معليه ضحك عبدالله اقول امشي امشي مشوا وهم راجعين البيت ووصلوا سوا عبدالله وياسر وعبدالرحمن وحمزه شافوا سياره عمهم وعرفوا آنّه العائله كلها متجمعه بالبيت عبدالرحمن وهو يضرب بوري لعبدالله
ضحكوا عبدالله وياسر عليه ياسر. شفيك ترا شفناك لاتضرب ازعجتنا حمزه. اقول اخوي خليك ساكت لو سمحت وبعدين مانضرب لك نضرب لعبودي عبدالرحمن وهو يلتفت عليه حدد عبودي مين ابلشتنا ترا كلنا عبودي ضحكوا وهم ينزلون سوا ويدخلون البيت دخلوا البيت وهم يشمون البخور والعطور والسوالف دخلوا وسلمون عليهم بحكم انه البنات متغطين بالحجاب بس مع عيال عمهم محمد. وينكم ياعيالي تاخرتوا الله يصلحكم غيث من اول قالب علينا البيت يدوركم كلهم التفتوا لغيث المصدوم من حركه أبوه بحكم انه ما يحتك فيهم ولا هو يدور احد حاله حال نفسه ضحوا على وجه غيث المصدوم ومشى ياسر لعنده إلا اخوي فاقدنا والله لو نغيب سنه مايفقدنا ولا يحس بوجودنا ضحكوا عليهم وتقدم عبدالله يبوس راس عمه  محمد وعمته نوره نوره. تسلم تسلم تبوس الكعبه يقلبي محمد. قلبك مره وحده وانا اموت عشان تطلعي لي كلمه وحده نوره وهي تناضر لمحمد وتخزه اقول انت شايب ومخرفن تبي قلبي لك بذا العمر كلهم ضحكوا احمد. حرام يانوره اخوي ذا دلعيه قلبه رهيف مايشبع من الدلع. رنا. عاد كلكم ماتشبعون خليك ساكت بس ضحكوا كلهم على شكل احمد المصدوم عبدالرحمن. يبه اضن الوالده تقصف وماترحم احمد. وتطحن الخواطر ياولدي ضحكوا كلهم لانه حتى احمد من الصدمه طقطق على نفسه ساره وهي تطالع بعبدالله لانه تحبه تحبه كثير وهايمه فيه لحد الجنون وتبي اي شي عشان تتقرب منه نوره. يمه ساره روحي اعطيني علاجي حق السكر  ساره. طيب يمه راحت تجيب علاج امها وشافت عبدالله متجهه بنفس الاتجاه تبعه سوت نفسها مشغوله بالعلاج عشان تنصدم فيه وفعلاً صدمته لدرجه ارتمت بحضنه وشمت ريحه عطره الريحه إلا تموتها وتعشقها للجنون تراجع للخلف وهو فاهم مقصدها بس مايحب يحرجها ولا يقربها ساره وهي تدلع. اوه عبود معليش ماانتبهت لك عبدالله وهو كشر غصب ومن منادتها له بدلع عادي ساره حصل خير روحي اعطي عمتي العلاج ومشي متجاهلها ولا عبرها رجعت للصاله وهي تشوفهم جالسين ويسولفون والبسمه شاقه وجهه نرجس وهي تشوفها وتكرها لانه مكروه ودلوعه وحقوده هزت كادي شوفي شوفي قصي يدي لو البسمه إلا شاقه وجهه ماتكون شافت عبدالله وسوت شي من حركاته ضحكت كادي لأنهم عارفين بحركات ساره ومياعتها عادي خليها تحصلين عبدالله ماعبرها نرجس. والله لو مو طيبه عمي وعمتي والعيال كان سحبتها من رأسها كادي. اوووه علينا عاد قولي لو مو ياسر القلب وغمزت لنرجس لانه ياسر خطيبها ضربت كتفها ورجعت ضهرها للخلف وكان بوقتها ياسر يتاملها التفتت له وتقلبوا عيونهم ببعض واستحت تشتت نظرها ساره. وهي تشوفهم اقول انتم كلنا عارفين أنكم تحبون بعض بس لاتطالعون كذا مسوين حركه المراهقين ياسر بحده. ساره احترمي نفسك واظبطي لسانك عاد محمد. شفيك يايبه على اختك تمزح معاك اكيد
ياسر. لايبه حتى لو مزح تدري مااحب ساره وهو كذب إلا أقوله أنا عشان كذا زعلت حمزه. ساره خلاص اسكتي مو وقته لازم محارشه. نوره. يمه ساره علامك ولو طالعون بعض عادي خطيبها وخطيبته وقريب ملكتهم مافيها شي
كادي. هو مافيها شي بس بعض الخلايق حسوده. رنا وهي تطالع لكادي بقهر من كلمتها مو حسوده ولا شي بس مو حلو وعيب رنا. اقول غيروا السالفه ومو حلو نركز على كل شي حولنا يمه نرجس روحي شوفي الخدم خلصوا يجهزون العشاء قامت نرجس حاضر يمه راحت تشوف العشاء وهي ودها تقطع ساره ويتعشون عليها لحقها ياسر بدون مايحسون من الباب الخلفي شافها فاحته حجابها وهي تتذمر وواضح تشتم ساره ضحك على شكلها وهي اخذت عقله بجمالها ونعومتها تنحنح عشان تسمعه ومايفجعها فزت من آلصوت إلا خلفها واستحت كان يتأملها وكانّه يتأمل لوحه فنيه قدامه انتتبه لنفسه وحاول يرجع ثقله لاتاخذي بخاطرك من ساره تعرفيها نرجس. عادي مازعلت ولا اهتميت لا آخر همي وانت بطل تتطالع لي قدامها عشان مو كل مره تسوي معها مشاكل وكله على ذي السيره ضحك وهو يسحبها من خصرها ويثبتها للجدار وبهمس ليه أنا اقدر أتحكم بعيوني من جمالك اخذتي عقلي يبنت ارحميني ارتعشت من القرب وخافت لانه كان قريب منها حيل وخايفه لو يجي حد يشوفهم بتقوم القيامه عليهم انتبه على خوفها ورعشتها ورجع للخلف وهو يضحك ومشي وتاركها بربكتها ..