السلام هو إلا تحارب من يريد السلام

الحرب والسلام

القاعة عند ياسر ونرجس.
ياسر بحب وهو يناظر نرجس :ودي تجين معاي
نرجس بستغراب :شلون
ياسر وهو يقرب منها ونطق بهمس :مقدر اصبر هالكثر ماودي انتظر العرس
نرجس وهي ميته ومصدومة من كلامة :بس مستحيل
ياسر :وليه مستحيل زوجتي وحلالي وش المانع
نرجس بهمس :ياسر مقدر
ياسر وهو يسحبها من خصرها ويلاصق جبينه بجبينها بهمس:لييه ماتقدرين تعبت أنا من البعد تعبت وانا انتظر اللحظه ذي ابيك ارحمي قلبي
غمضت عيونها بدون ماتنطق بكلمة وهي تحس نفسها بتموت من الخوف والتوتر لانه صدمها بقرارة.
ياسر بهمس :خايفه يانبض قلبي خايفه ياقلب ياسرك
نرجس بهمس وهي ترجف :اي ياسر خايفة خل افكر مقدر الان
بعد عنها يناظر عيونها وهي مغمضه وتقدم منها يقبل عيونها بحنية ونطق :مابجبرك على شي ماتبية وبعد منها وجلس على الكنبة وهو يحس بوجع قلبه وبحرقه صدرة تعب وهو ينتظر تعب وهو يبيها حلالة تعب من كثر الشوق الا اهلكة هو وده يترك كل شي بس تكون بقربة وبحضنه تنهد بتعب ورفع يده يمسح عرق جبينه وهو يحس بحراره صدره وتعب قلبة كله على جسدة
كانت تبكي بصمت هي ودها تروح معه وتبدا حياتها بس خايفه متوتره من لحظه انه تصير حُرمة حق هو ماتركها تستوعب بقراره ماترك لها فرصه تفكر بالموضوع كانت تناظره ووتامل ملامح الزعل بوجهه وكيف يتنهد بتعب وقهر
لفت نظرها للباب لدخول امها وعمتها نورة وأبوها وعمها محمد
نورة وهي تناظر ياسر إلا باين عليه التعب ونطقت :يمة ياسر علامك تعبان يمة
رفع نظره يناظر امه وابتسم بتمثيل ونطق :لا يمه مافيني شي بس منكثر الرقص تعبت شوي
محمد بستغراب :بسم الله عليك كنت مافيك شي وش إلا تغير الان وجاك التعب
ياسر وهو يناظر نرجس بزعل ونطق :مارحم قلبي يبه مارحمه
رنا ببتسامة :ومين مارحم قلبك يايمة
احمد :مين غير بنتك الا تعب وجن جنونه عشان بس يتزوجها
نزلت دمعتها من كلمة ابوها وكيف وصف حب وعشق ياسر لها بالجنون وانه سوا المستحيل عشان اللحظه المنتظره
رفع جسدة من الكنبه ونطق :متى بتمشون
نورة وهي ملاحظه التعب بعيون ياسر ونطقت :شوي بتمشي يمة بس باقي ننتظر العاملات يأخذون الاغراض
ياسر :اجل أنا بسبقكم
محمد :لو تعبان لاتسوق انتظرنا بالسيارة
هز ياسر راسه بنفي ونطق :لايبه مافيني شي بروح انام وارتاح وطلع من القاعه وركب سيارته وهو يحس نفسه مخنوق ومقهور يحس منكثر القهر الحراره طلعت لراسة حرك بسرعه من عند القاعه متجهه لقصر ابوه.

داخل القاعه عند ايثار واهلها.
ايثار وهي حاضنه ابوها ونطقت :يبه وحشتني مره
اسامة وهو يشد عليها :ولية قاطعه علينا يبة ليه ماتزورينا
ايثار وهي تبعد من حضن ابوها ونطقت :خلاص بجي وبنام عندكم
اثير بفرحه :صدق صدق بتجين إيثاري
اماني :مستحيل أصدق إلا وقت أشوفك بسريرك
ايثار بضحكه :شدعوه يمه مو لهدرجه ماقدر
اماني بغمزه :مب انتي غيرك مايقدر يفارقك
نزلت عيونها بخجل من كلام امها وكيف كلهم يعرفون بحب عبدالله لها وانه مايقدر يفارقها
اسامة بضحكه :لاتستحي يبة هلكتي نفسك بهالخجل
اثير :اخخخ ايثار الان شلون بتجين ولا لا
اسامة :علامك انتي خل اول تشوف زوجها مب تجي من راسها ولفوا كلهم على صوت عبدالله وهو ينادي ايثار
اماني ببتسامه :تعال عبدالله بسلم عليك
تقدم بخطواته لهم وتقدم يقبل راس اماني وأسامة
اسامة ببتسامة :تسلم ياولدي
اماني :شلونك عبدالله
عبدالله :الحمدلله ونطق جاهزين بنمشي من القاعه
اسامة :اي جاهزين وطلعوا من القاعه متجهين للسيارات
كانت اثير تمشي جمب ايثار وتقرصها بالم عشان تكلم عبدالله بالموضوع بس ايثار بعبط ماردت عليها وتجاهلتها تقدمت اثير تقرصها بخصرها بقوه وتاوهت ايثار بالمر سمعه عبدالله والتفت لها بخوف وتقدم يمسكها ونطق.
عبدالله بخوف :شفيك من وش تعورتي
ايثار وهي تحسس بمكان القرصه وتتوعد بااثير ونطقت :مافي شي بس اثير قرصتني
ضحك بخفه وقرب من اذنها يهمس :لاتتعبك احتاجك اليوم
بققت عيونها بصدمة ونطقت :بروح مع اهلي
بعد عنها وسحبها من يدها ودخلها السياره بدون ماينطق بكلمة
ايثار بزعل:عبدالله ليه تسوي كذا
ابتسم بوسع ثغره ومارد عليها عشان يستفزها ويحارشها
كشرت بوجهه ولفت للجهه الثانية وهي مقهوره بسبب تصرفاته نزلت من السياره اول ماوصلوا القصر وابتسمت بخبث تروح تغير ملابسها قبل لايشوف طلتها بحكم كان يكلم بالجوال وتقدمت تسرع بخطواتها لجناحهم بس استوقفها صوت نرجس وهي تدخل غرفتها تبكي تقدمت لها ودقت باب الغرفه واستغربت وقت فتحت لها نرجس وهي منهاره
ايثار بخوف :نرجس شفيك صاير شي ليه تبكين
نرجس بصوت باكي :ايثار مقهوره مو قادره اتحمل
ايثار وهي تحضنها بحنيه ونطقت :ليه مقهوره مين زعلك احكي لي
نرجس وهي تشد عليها بالحضن وبكت بعلو صوتها وهي تحس قلبها بيوقف من الوجع
سحبتها ايثار الغرفه عشان محد يسمع بكائها وقفلت الباب وجلسوا على السرير تمسح على شعرها عشان تهدا ونطقت :وش صار يروحي وليه كل هالزعل
نرجس وهي تمسح دموعها :يبي اروح معه ايثار يبي يأخذني وقت رفضت زعل مني وانقهر شسوي أنا موبيدي خفت ايثار والله خفت هو ماعلمني انه ماوده بعرس وانه يبي يأخذني
ايثار بتنهيده وهي تمسح على شعرها بحنيه :وانتي وش ودك
نرجس وهي تبعد عنها ونطقت :مدري ايثار محتاره مو عارفه وش اسوي ابيه ونزلت راسها بخجل وكملت خايفه
ايثار يضحكه خفيفه :من وش خايفه
نرجس وهي منزلها راسها بخجل :ايثار انتي عارفه ليه تسألين
ايثار بضحكه :طب اسمعي وش بقولك وخليها براسك انتي فكري واسمعي قلبك وش يبي وخل الخوف لاتفكرين فيه بالاخير بتروحي عنده وتصيرين زوجته بكل حق ماله داعي الخوف وصدقيني ياسر منكثر الحب والشوق هو مو قادر يصبر وانتي لازم تبادري عشانه بشي بسيط
نرجس وهي تمسك كفوف ايثار ونطقت :طيب إيثار أنا ابيه بس خايفه يقرب وسكتت وهي بتموت من خجلها وتوترها
ايثار وهي تمسح على خدها بحنيه ونطقت :لاتستعجلي وخذي وقتك وياسر دام يحبك بيصبر عليك عدة سنين وصدقيني وقت تكونين معه وتعرفين حنيته عليك الخوف بيروح كله انتي اهدي وابعدي هالتوتر كله منك وكل شي بيصير تمام
نرجس بحب وهي تحضن ايثار :مره ريحتني بكلامك ماتدري شكثر خففتي عني احبك ايثار
ايثار وهي تشد عليها وانا احبك ويلا الان ارتاحي
هزت راسها نرجس باايه وطلعت ايثار من غرفتها متجهه لجناحههم