السلام هو إلا تحارب من يريد السلام

الحرب والسلام

فيلا ابو نواف.
ام نواف :ابو نواف يلا اتصل وعلمهم بزيارتتا
ابتسم ابو نواف ومد يده ياخذ جواله يتصل على ابو عبدالله.
ابو نواف :السلام عليكم ورحمة الله وبركاته
ابو عبدالله :وعليكم السلام ورحمة الله وبركاته
ابو نواف :شلونك يااخوي شلون الاهل
ابو عبدالله :الحمدلله وانا اخوك يسلمون عليك انتم شلونكم
ابو نواف :الحمدلله بخير ياااخوي بس بغيتك بموضوع خاص
ابو عبدالله :اسمعك يااخوي وش بغيت
ابو نواف :والله ياخوي موضوعي ماينحكي بالجوال جاي أنا والأهل نزوركم لو فاضيين
ابو عبدالله :البيت بيتك يااخوي متى مابغيت تعال وشرفنا اهم شي مافيكم شي نواف مافيه شي
ابو نواف ببتسامة : الله يسعدك يااخوي تطمن مافينا إلا العافية يلا مابطول عليك وان شاء الله بعد العشاء نزوركم
ابو عبدالله :تنورنا فمان الله ياخوي سكر منه ولف نظره لاسمر ونطق :بعد العشاء نتحرك خليكم جاهزين
سمر ببتسامة عريضه :ابشر الان بنتجهز وبسرعه قامت تجهز وترتب كل شي.

قصر احمد بن عبداللطيف.
سكر من ابو نواف وهو مستغرب من جدية موضوعه وانه بيجي مع اهلة يحكي فيه رفع نظره لا رنا وكانت نازله من الدرج ونطق.
احمد :ام عبدالله تعالي
رفعت نظرها له وهي باقي زعلانه منه وتقدمت بخطواتها بدون ماترد وجلست مقابل له
احمد :بتجلسين كذا ساكته
رنا :وش بغيت أنا معندي شي اقولة
اخذ نفس احمد يهدي أعصابه ونطق :رنا لمتى بتبقين زعلانه
رنا :وقت ولدي يجي ويعيش معنا هو وزوجته وتتقبل زوجتة وتعلن زواجهم وقتها كل الزعل بيروح
احمد بحدة :وانا شسويت امس قلت له يجي هو وزوجتة وش رد ولدك المحترم جا بيعلمني كيف أتعامل مع زوجته وش تبيني اسوي له أخليه يفرض كلمته حتى بحكي
رنا :بس عبدالله مايبي يفرض كلمته عليك عبدالله إلا وده تحترم زوجتة وتعاملها مثل بناتك وبعدين سالفة الزواجه شلون تخطب له بدون علمة وشلون ماتبيه يخاف تجرح زوجتة وانت جرحته وخطبت له بدون ماتاخذ رأيه
احمد بهدوء :أنا خطبت له بس وقتها كنت مادري بسالفة زواجه وكنت بحاول فيه يتزوج وياسس بيته ماابيه يروح عمره وهو عزابي والان دام تزوج هو حر بختياره مايوقف بضده وكلمية يجي والا ودكم بيصير
رنا ببتسامة عريضه :يعني خلاص اقتنعت بتعلن زواجهم ويعيشون معنا
احمد بضحكه خفيفه :والله حبك لعيالك اكثر من حبك لي يعني هالابتسامة ماتطلع لي بدون مايكون عيالك بالموضوع
رنا بحنية :شلون تفكر فيني كذا انت زوجي وحبيبي وأبو عيالي وانا ماودي عيالي يعيشون بعيد عن عيني تعبت وانا انتظر ازوجهم واشوفهم حولي مبسوطين ماابي فراقهم
احمد وهو يقبل كف يدها بحنيه :ولا ودك فيه بيصير ابشري وآمري واحمد بن عبداللطيف تحت امرك
رنا ببتسامة وهي تمسح دموع عيونها :الله لايحرمني منك ولا من حبك وحنانك ويخليك لنا يارب
احمد بحنية :لااشوف هالدموع تنزل مره ثانيه ويلا كلميهم يجهزون ابو نواف واهله بيزورونا بعد العشاء بموضوع خاص
رنا بستغراب :موضوع خاص !
احمد :اي وانا بكلم اخوي محمد يجي ونشوف وش يبي
هزت راسها رنا وقامت تجهز لزياره ابو نواف