قصر احمد بن عبداللطيف.
وقف ياسر سيارته قدام القصر ولف نظره لها وهو مبتسم ونطق :اول مره بدخل القصر والسعاده ماليه حياتي
رفعت نظرها لعيونه تتامل الحب والرضاء إلا فيه ونطقت : وأنا معك ما أحس الا بخفة روحي وأبتساماتي يا نعمة حياتي الحلوه يارضى قلبي بقربك
ابتسم بخفه ورفع كفوفها يقبلها بتكرار ونطق بضحكه :ماودي نرجع من قدام القصر ترا اشتاق لك في كل لحظة ولحظة وأحن لك بالثـانية و الدقيـقة
نزلت راسها بخجل منه ونزلوا من السياره يدخلون القصر
دخلوا القصر مع بعض وابتسموا اول مااستقبلتهم رنا بحب وحنيه ونطقت.
رنا :هلا امي هلا بعيوني الثنتين هلا بالياسر ونرجسه
تقدم ياسر يقبل راسها ونطق :هلابك عمتي ياجعلني ماانحرم منك ويطولي بعمرك
رنا بحنيه :ياحبيبي انت يمه الله يحميكم ويحفظكم لي
نرجس بمزح :يمه مو عدل تسلمين عليه قبلي ترا أنا بنتك
رنا بضحكه :تغار منك يمه ياسر
ياسر ببتسامة :مادريت انك غيوره اجل تغارين مني افا
نرجس وهي تتشمق له وتقدمت تحضن امها بحنيه ونطقت :يمه وحشتني
رنا بضحكه مزح :يمه حبيبي توك امس الليل فارقتني
ضحك ياسر بعلو صوته من وجهه نرجس المصدوم
نرجس بزعل :يمه طيب حتى لو فارقتك دقيقه اشتاق لك
رنا وهي تضمها بحنيه ونطقت :ياعمري انتي امزح معاك والله القصر بدونك ماله حس ولافيه حنان انتي حنانه وروحه الله لايحرمني منك ياامي
نرجس بدموع : الله يحفظك ويخليك لي يا يمه جعلني ما انحرم منك يا دنيتي
نوره وهي نازله من الدرج :اقول مين مبكي بنتي وزوجه ولدي
ياسر ببتسامة :افا يمه ماودك تستقبلين ولدك
ضحكوا نرجس ورنا على يأسر وغيرته ونطقت نرجس :مين الغيور أنا ولا انت
رنا بضحكه :والله يانوره واضح استعجلنا بزواجتهم وهم للان يغارون من بعض مثل طفولتهم ماتغير فيهم شي
نوره وهي تسلم على نرجس :قلنا نزوجكم تعقلون مو تغارون من بعض
ياسر بحب وهو يناظر نرجس :فداه كل الحب
رنا :ياحبايبي انتم الله يديمكم لبعض ولايفرق بينكم يارب
تمتمو باامين ونطق ياسر :وين الشباب
نورة :يجهزون العريس
نرجس :والبنات
رنا بضحكه :عند العروستين
وتقدم ياسر يطلع عند الشباب ونرجس عند البنات ونوره ورنا يكملون اشغالهم
غرفة عبدالرحمن.
عبدالله ببتسامة عريضه وهو يحط العقال على راس اخوه ونطق بحب :انشهد انك اطلق عريس ياخوي جعل الخير في دربك وممشاك والبسمه دوم ما تفارق شفاك
عبدالرحمن ببتسامة :ياجعلني ماانحرم منك ياعزوتي وعضيدي
عبدالله ببتسامة :عساالله يبارك لك ياخوي ويتمم لك على خير وسرعان مالفوا على فتحه الباب
ياسر ببتسامة واعجاب لا عبدالرحمن ونطق :ما شاء الله ياعريس وش هالاناقه الله
عبدالرحمن بضحكه :تو الناس وينك
حمزه بغمزه :وجهه منور
غيث :واضح نام حق سنه كامله
عبدالله ببتسامة :الان ماودي اسمع كلمة منك تزوجت وافتكيت منك
ياسر وهو يضحك بعلو صوته :شفيكم هدوها شوي مو لهدرجه كنت ناشب لكم بزواجتي
العيال بصوت واحد :تكفى اسكت ترا أكلتنا
ياسر بضحكه :افا افا وانا اقول اخواني وعيال عمي يتحملوني
عبدالرحمن :يرجال كنت بتموت علينا منكثر الحب
حمزه :والله بتخطى كل شي إلا وقت حسيت قلبي طايح لرجولي
عبدالله وهو يتقدم يحضن ياسر :والله لو أبيع حالي ومالي بس أشوف السعاده ماليه وجهك
شد عليه ياسر ونطق :لا خلا ولا عدم منك ياخوي الله يبقيك
عبدالرحمن وهو يتنحنح ونطق :بسالكم
حمزه :شعندك
غيث :واضح يبي يسأل على شكله
عبدالرحمن :انتم ماعندكم صبر طب خلوني اكمل كلامي
ياسر بضحكه :تستاهل تراك مو اقل منهم
عبدالله وهو يناظر جواله ونطق :بروح جناحي وارجع لكم
ياسر بضحكه :من الان أقولكم بيروح معد يرجع لاتصدقوه
عبدالرحمن :ياخوي اثقل شوي وش هالخفه إلا صايره فيك
حمزه :عبدالله ترا الهيبه طارت خل شويه
عبدالله وهو يناظر غيث :باقي انت يلا انطق
ضحكوا كلهم بصوت عالي ونطق غيث :والله عبدالله وهم صادقين ماتركت مجال للثقل طيرته كله
ياسر وهو ميت ضحك ونطق :تكفى عبدالله شوي وتنفجر علينا خلاص روح لعند الحب
عبدالرحمن وهو يناظر ساعته :معك عشر دقائق وترجع عندنا
حمزه :اووف كثير خلها خمس
غيث :لا عشر مايشبع بخمس
عبدالله وهو يناظرهم واحد واحد بصمت ونطق :تبون اهد حيلكم من متى تتآمرون علي وبعدين ترا كنت بروح ابدل ملابسي وارجع لكم على كذا بتأخر واخذ راحتي
العيال بصوت واحد وببرود :ندري انك بيتاخر
عبدالله بضحكه ونطق :الله يشفيكم وطلع من الغرفه متجهه خطواته لجناحه.
أنت تقرأ
السلام هو إلا تحارب من يريد السلام
Gizem / Gerilimاصنعوا المعروف دون انتظار مُكافأة، وثِقوا أنّ يوماً ما سيردُّ لكُم أحدهم الجميل بالطريقة ذاتها. من هنا تبدأ روايتنا الأولى على خير وان شاء الله تتم على رضاكم 🤍🤍🤍
