السلام هو إلا تحارب من يريد السلام

الحرب والسلام

الجامعه.
كانت جالسه وتهوجس ومو منتبه للمحاضره فزت بألم من ضربه صديقتها لها
العنود. نرجس شفيك تهوجسي ليكون الحب شاغل بالك
نرجس وهي تحسس مكان الضربه. عنود وجع موب يد حجر حجر
عنود بضحكه. اذكري الله يدي لايصير لها شي
نرجس. تستاهلي عشان تبطلي تضربين
عنود وهي تقرب من نرجس ونطقت. طب شفيك مين شاغل بالك
نرجس. مافي شي بس تعبانه شوي
العنود. إلا صدق دريتي على البنت الدافوره الا يتكلمون عليها
نرجس. قصدك إيثار إلا دخلت الجامعه بنسبتها القويه
العنود. اي ما شاء الله عليها شاطره شاطره ودي تصير صديقتي عشان تشرح لي المواد الصعبه
نرجس. اي بسم الله عليها المفروض هي تحتاج مساعدتنا مو حنا
العنود. والله من شطارتها اشك بنفسي هي آخر سنه مو حنا
نرجس بضحكه. انتي خليك بتأمل البنات وبعدين فكري بشطارتك
العنود. يووه نرجس احبهم احبهم مو بيدي تعجبوني😭
نرجس. طب احكي شفيها إيثار
العنود. سمعت البنات يحكون انه لها فترة ماتداوم يمكن فصلوها
نرجس. مستحيل يفصلوها ونسبتها مره قويه بس يمكن لها ظروف ماتدري ايش صاير لها
العنود. اي صح بس غيابها كثير ويقولون مالها خبر والله بزعل لو فصلوها تجنن البنت والصدق حلوه اخخ لو اني ولد تزوجتها
نرجس بستهبال. انتي كم تبين تتزوجين موب قلب فندق معك
العنود ببتسامة خبيثه. ترا مو ياسر عشان تغارين علي
نرجس. بققت عيونه بصدمه وضربتها بكتفها مهبوله ماتخلين فرصه

عند عبدالله.
كان طالع من السجن ومتجهه لسيارة ابوه والتفتت لصوت من وراه يتكلم بسخريه. الله يالدنيا أحمد بن عبداللطيف بآخر عمره عياله يمرمطوه بالسجون
تقدم بسرعه يمسكه من ياقته ورص على اسنانه ونطق. احترم نفسك واعرف مين تكلم والا والله لخليك طول عمرك بالسجن
الرجال ببتسامة سخريه. ليه القانون بيدك وتبي تتحكم بالكل بمزاجك
عبدالله وهو يشد على رقبته بقوه. يصير بيدي لو صار الموضوع يخص اهلي خليك بعيد لاتحاول معي بندمك
تقدم أحمد والعساكر لعبدالله وهم يفكون الرجال من يده إلا كان بيموت من شدة عبدالله عليه
أحمد. عبدالله ابوي اهدأ لاتوسخ يدك بهالأشكال
الرجال وهو يكح ويتنفس بصعوبه. يبي يقلني مثل اخوه القاتل
عبدالله وهو يعطيه كف بقوه. ابعلمك مين القاتل ياكلب خذوه وخلوه عندكم لين يتعلم كيف يتكلم
أحمد. عبدالله شفيك ليه عصبت كذا وانت تعرف ذي النوعيه ومتعود عليهم مو جديده عليك
عبدالله وهو شد كف يده بقوه. يبه تبي مني اسكت وهو يتكلم بكل وقاحه
أحمد. ماقلت تسكت بس مو تقتل الرجال وتضربه بكذا تعطيهم فرصه بتصديق شككوهم وبيرمون عليك الكلام
عبدالله وهو واصل حده من الغضب والقهر مسح على وجهه واتجهه لاامه
رنا. بسم الله عليك يايمه شصاير طمني عليك مافيك شي
عبدالله وهو يبوس راسها. لاتخافي مافي شي انا بروح الان تبين شي
رنا. لايحبيبي ماودي بشي انتبه لنفسك يايمه والله بموت لو يصير لك شي الله يحفظك ومشى عبدالله لسيارته ورفع جواله يتصل على ايثار وماردت ضرب الدركسون بقوه مو وقت زعلك ردي لا اكفر فيك وحاول الاتصال مره ثانيه وثالثه ورابعه وماردت واتجهه لشقته وكل غضب العالم فيه