السلام هو إلا تحارب من يريد السلام

الحرب والسلام

غرفه نرجس.
كانت واقفه قدام التسريحه تتجهز والتفتت لجوالها إلا يرن وابتسمت بعبط وماردت عليه

عند ياسر كان عند البيت واقف ويبي يكلمها اخذ جواله يتصل لها وماردت كرر عليها الاتصال وماردت وكشر بزعل من تصرفاتها ونطق :بعلمك كيف ماتردي عليا ونزل من السياره ودخل القصر التفتت يدور بنظره يدورهم وماحصل احد استغرب من عدم تواجدهم وتقدم يسأل العامله
ياسر :مافي احد بالقصر
العاملة :لا بابا احمد وماما نوره برا
ياسر :ونرجس
العامله ببتسامة :انت تبي ماما نرجس هي كتير حلوه
ياسر :ابلش مو بس انا ميت بجاملها حتى انتي
العامله :انت مو كويس
بقق عيونه بستغراب :افا ليه بويش زعلنا حضرتك
العاملة :انت بتاخذ منا نرجس
ياسر بضحكه :افا بس زعلانه عشان كذا
هزت العامله راسها باايه وكمل ياسر :خلاص بناخذك معنا بيتنا شرايك
العاملة بفرح :خلاص خلاص انت انت واجد كويس
ياسر بضحكه :الان علميني وين نرجس
العاملة :بغرفتها
تقدم لجهه المصعد عشان يوصل بسرعه طلع من المصعد وأسرع بخطواته متجهه لغرفتها

عند نرجس.
خلصت تكمل تجهيز نفسها وتاملت شكلها بحب اخذت العطر ورشته على مكان النبض واستنشقت ريحة عطرها بكل حب وفزت من فتحة الباب وانصدمت من دخوله وتواجده بغرفتها ونطقت.
نرجس :ياسر شتسوي
ياسر :ليه ماتردين
نرجس بكذب:مانتبهت وكنت مشغوله
تقدم لها ووقف مقابل لها وداهمته ريحه عطرها إلا تجيب راسه من اقصاه :لاتحاولين تكذبين
نرجس بتردد :خلاص اطلع بسرعه وبرد عليك
ياسر :مابطلع بعد ماتبرري تصرفك حق الليل والان وتقدم يجلس على السرير وينسدح
التفتت له بصدمه واستغرب من كلامة وتصرفاته ونطقت :اي تصرف وبعدين مو خايف احد يشوفك بغرفتي؟
ياسر :زوجتي
نرجس بستفزاز:باقي مو زوجتك واطلع الان قبل لا يجي احد
فز بقوه من السرير وسحبها من خصرها تامل جمال عيونها وتفاصايلها ورفع نظره لشعرها الأسود الكثيف الطويل وكيف كانت مسرحته بشكل ياخذ العقل رفع يده يبعد ربطه شعرها وتناثر على وجهها ابعد خصلات شعرها من وجهها ورفع خصلات من شعرها الطويل يستنشق ريحته غمض عيونه بحب وهو مو قادر يمسك نفسه عنها
اما نرجس إلا كانت مو قادره تتنفس من قربه وكيف يتاملها ويتامل شعرها ونزلت راسها بخجل من قرب يشم ريحة شعرها ونطقت :ابعد شوي
ياسر بهمس :تعبت من البعد كم تبي ابعد مو قادر ارحمي بقلبي إلا يبيك ارفقي بحالي يابنت عمي هديتي حيلي
نرجس بزعل عليه:ماابيك تتعب بسببي وهمست ولا أنا ودي بالبعد وغمضت عيونها من حست فيه يضمها ويشد عليها تنهد بتعب وشوق وألم تعب من البعد ومن الضروف إلا سببت تاخير لملكتهم يبيها حلاله يبي القرب إلا يحلم فيه يبي ينام بحضنها

قصر محمد بن عبداللطيف.
ساره :غيث لاتقربه مني بموت
غيث بضحك :مايخوف شفيك
ساره بصراخ :ابعد مااابيه ابعد
غيث :يالدلوعه هديها ترا خوفتيه
دخل محمد وهو يسمع صراخ ساره وافتزع من الخوف وركض بسرعه لها ووقف بصدمة من ساره إلا فوق الكنب وغيث إلا بيده هامستر يخوفها فيه
محمد :ياقليل الخاتمة شمسوي لااختك تبي تجلطني حسبت اختك فيها شي وهي تصارخ
فزت ساره لحضن ابوها ونطقت :يبه كلم ولدك لايقربه مني ماابيه يخوف
غيث :والله يبه بنتك دلوعه ولا في حد يخاف من هامستر
محمد :وين جايبه ياكلب تبينا نربي حيوانات
غيث :أنا جبته كان بخاطري واليوم رحت اخذته وبربيه عندي
محمد :اقول افلح بنفسك اول وبعدين ربيه
حمزه بضحك من وراهم :يوووه هامستر هات هات أشيله
غيث :ابعد من ولدي لا تحتك فيه
حمزه :الحمدلله والشكر اعترفت انك حيوان
سارة بضحك :غبي ضحى بنفسه عشان الهامستر تبعه
غيث :لاتخليني اخليه يعلمك الغباء
ساره بستفزاز لانه ابوها عندها عشان كذا مطمئنه :أتحداك
حمزه وهو يغمز لغيث تكفى علمها
تقدم غيث بخطواته وبسرعه نزل الهامستر من حضن كفوفه
كانت تركض حوالين ابوها ومحمد من الخرشه منها ومن صراخها مو عارف يتصرف ضحكوا ضحكوا حمزه وغيث على شكل ساره وشكل أبوهم المنخرش