السلام هو إلا تحارب من يريد السلام

الحرب والسلام

الصباح جناح ياسر ونرجس.
فتحت عيونها وهي تحس كل جزء بجسدها يآلمها وسرعان ماحمرت خدودها من انتبهت نومها على صدره العاري رفعت نظرها تتأمله وهو نايم براحه وطمأنينه وكأن من شدة سعادته وفرحته نايم وهو مبتسم رفعت يدها تمسح على خده ونزلت نظرها لقلبة وتذكرت وقت توقف قلبه وكانوا ينعشونه نزلت دموعها بضعف ونزلت راسها تقبل يسار صدره مكان قلبه تقبله بحب وحنيه واعتذار
حس بنعومه شفايفها على صدره وابتسم بوسط نومه ونطق : صباحي أنتي ي نعمة الله علي يا نُور هالقلب ورضاه
شدت عليه ودفنت وجهها بصدره ودموعها تنزل وهي للان مو قادره تتخطى تعبه عشانها
رفع كف يده على يمسح على شعرها ويشد عليها وهو عارف انه تلوم نفسها بكل مره تتذكر تعبه ونطق بحنيه : لك قلبي و اللي فيه ولك شعورٍ يشوفك الدنيا بأهلها لاتلومين نفسك بشي مالك ذنب فيه وانا "حابب تعبي لانه عشانك..راضي بغُلبي لانه معاك
رفعت نظرها له ودموعها تنزل ونطقت بصوت باكي :
يآ جعلني ما افقد وصآلك ولآ ابكيك ، ويآجعلني ما افقد غلآك ومحبتك
تامل عيونها المحمره وملامحها الباكية وشد عليها من خصرها وحملها فوقه يضمها وقبل راسها ونطق : حكيك وطن وعيونك السود ميعاد صوتك حياة وشوفتك عمر ثاني
خليك بس بقربي وبحضني و أنتي عطايا ربي الحُلوه,اللي جابتك لعمري,وامتلى عمري رضا وأمان
بعدت عنه وتاملت عيونه وقربت منه تقبله بخجل وحب
ابتسم بوسط تقبيلها له وشد عليها من خصرها يقربها ويبادلها قبلاته ويتعمق فيها ونطق بهمس :كان ودي اريحك شوي بس هزمتني بقربك لي
نزلت راسها بخجل ونطقت بهمس :مااتعب منك
رفع راسها يقبل عنقها الدافي ويستنشق ريحتها ورفع يده يتحسس صدرها وسدحها من فوقه وانسدح فوقها يكمل تقبيله وعشقه وشوقه لها رفعت كفوفها خلف رقبته تشد عليه ونزل راسه يقبل عنقها نحرها يتحسس صدرها سحبها من خصرها و.........

بيت اسامة بن يزيد.
كانوا جالسين يفطرون بصمت ورفع اسامة نظر لا اماني الهاديه والشاردة بتفكريها ونطق.
أسامة :اماني شفيك من امس مو عاجبتني
لفت نظرها له ونزلت دموعها بضعف ونطقت بحزن :إيثار جرحوا قلبها اسامه بنتنا امس زعلوها
نزلت اثير الاكل من يدها ونطقت :يمه ليه سكتوا لهم ليه يدخلون فيها
اسامة :ليه وش صاير ومين زعل ايثار
اماني وهي تمسح دموعها :الحريم تكلمون على حملها الاول وقالوا ليه ماحملت للان ولازم تتعالج وايثار يعمري عليها حزنت وطلعت من المجلس والدموع بعيونها
اثير :يمه لاتخافي نرجس كلمت عبدالله وأخذها معه يهديها
اسامة بتنهيده :طيب بدري عليها ليه تزعل توها صغيره وكل شي يتعوض اهم حاجه صحتها بخير والولد بيجي بداله عشره ماله داعي تنقهر بسببهم وتنزل دموعها
اثير :اي يبه أنا قلت كذا بس ايثار مشاعرها حساسه وماتتخطى بسرعه
اماني بدموع :ولدها شلون تبوها ماتزعل طبيعي تنجرح وهي كانت مبسوطه فيه
اسامة :خلاص اهدي أنا بتصل لها وبتطمن عليها لاتخافي
هزت اماني راسها باايه وهي مقهوره وحزينه من إلا صار مع ايثار.