السلام هو إلا تحارب من يريد السلام

الحرب والسلام

قصرأحمد بن عبداللطيف.
طلع الدرج متجهه لغرفته وقف والتفت لغرف بناته وانتبه انه من لما دروا بالخبر وهم كل واحد بغرفته ماقدر يتخطى كيف كانوا ينتظروهم بشغف وشوق وفرح وكيف انكسرت فرحتهم وقت دخلوا بدون عبدالرحمن
نرجع لقبل ساعات وقت رجعوا من المحكمه. دخل البيت وكانوا كلهم خايفين من رده فعل رنا وقت تدري انه عبدالرحمن ماطلع جت تركض وهي حاطه يدها على قلبها ووقفت قدامهم واستغربت من وجودهم بس عيالها الاثنين مو موجودين وتقدمت تمسك ذراع احمد وتحط عينها بعينه
رنا. احمد وين عبدالرحمن وليه مادخل معك
كانت صامت مايدري كيف يفهمها ونزل عينه للأرض بدون رد
رنا. احمد تكلم وينه ولدي وانت قلت بترجع معه وينه وليه ساكت تكلم احمد ولدي وينه
محمد.ام عبدالله استهدي بالله وولدك بخير مافيه إلا العافيه بس حصل خربطه بالملفات إلا كان فيه كل شي يخص برأته وتأجلت الجلسه
تقدمت نوره والبنات وهم يطالعون بصدمه من منظر رنا وهي تبكي وتصارخ اشر محمد لنوره عشان تمسك رنا وتهديها وفهمت عليه وتقدمت تمشي لرنا وتمسكها
كادي والدموع بعيونها. ابوي ماقدرتوا تطلعون عبدالرحمن
نرجس وهي فعلاً منهاره من الوضع كله ولأنه كانوا مبسوطين وجهزوا كل شي بس بالأخير انكسرت فرحهتم وعبدالرحمن ماطلع من السجن تقدم احمد يفتح ذراعيه وارتموا بحضنه البنات يبكون كان صوت شهقاتهم يمثل السكين بقلبه من القهر شد عليهم خلاص ياابوي انتم اخوكم بيطلع لاتخافون لاتخافون ونزل راسه يقبل رواسهم ويمشي معهم للصاله تقدمت ساره لمحمد وحضنته شد عليها وهو عرف انه خافت وضعفت والتجئت لحضنه عشان تهدا محمد. لاتخافي يابابا كل شي بينحل خليك مع بنات عمك وكوني معهم وهديهم لانه الان هم يحتاجون وقفتك معاهم هزت راسها باايه ومشوا وراهم للصاله جلست رنا بحضن نوره وهي تبكي تقدم حمزه لعندها وجلس مقابل وجهها ومسك يداتها والتفتت له كانت تشوف فيه عبدالرحمن لانه ماكان يفارقه ابداً لانه دايم كان حواليه ضمته لحضنه وشدت عليه وكنها تطلع شوقها لعبدالرحمن بحضنها لحمزه.
نرجع للواقع. طلعت رنا من الغرفه وشأفته كيف واقف وماسك درابزين الدرج ويهوجس تقدمت تمشي جهاته ومسكت كتوفه والتفت لها كيف كانت ذبلانه وعيونها مانشفت من الدموع مسك كفها وقربها لحضنه وضمها شدت عليه وبكت بضعف وهي تكلمه كسروني بولدي ليت مت ولا شفت عبدالرحمن بذي الحاله حرموني من ريحته ومن حسه بالبيت احمد ودي أشوفه لاتحرموني منه حتى لو مسجون كيف بصبر قلبي اربع شهور بدون مااشوفه ولا اسمع صوته احس بموت والله بموت من القهر إلا بقلبي شد عليها ونزلت دموعه من كلامها وصوتها المبحوح بسبب بكائها
احمد. خلاص هدي شوي لاتضعفين انا بخليك تشوفيه ولاتخافين هو بخير أنا شفته والله بخير وحتى ماتغير فيه شي ولدك قوي وبيتحمل كل شي بس لاتروحي له وانتي كذا تبكين وضعفيه خليه على قوته عشان يتحمل الأربع الشهور لاتجيه بدموعك وتنكسر قوته ويضعف ومعد بيتحمل
رفعت راسها وطالعت بعيونه وهزت راسها باايه تمام بس اشوف وارتاح ماببكي والله ماببكي ابتسم احمد ورفع يده يمسح دموعها ونطق. تبين اصدقك يعني انتي وهم صغار كانوا وقت ترتفع حرارتهم تبكين وماتوقفي بكاء إلا وقت تروح الحراره كيف الان دفنت وجهها بصدره وبكت موبيدي يااحمد مو بيدي عيالي قطعه من قلبي شد عليها ومشى معها لغرفتهم عشان ترتاح
غرفة نرجس. كانت كادي من وقت الحادثه وهي تنام عندها تخاف تنام لحالها كانت نايمه بحضنها وتمسح على شعرها التفتت لصوت جوالها وكان يرن واخذته وابتسمت وقت شافت اسمه مزين شاشه جوالها حطت راس كادي على المخده وغطتها وطلعت عشان تكلمه ردت عليه وسمعت صوته التعبان والواضح انه تعب كثير
نرجس. ياسر
ياسر.لبيه ياعيون ياسر وقلبه طمنيني عنك
استحت ونزلت راسها لتحت بدون ماترد
ياسر.خليني اسمع صوتك بس شويه عشان يروح التعب إلا فيني تكلمي ابكي سوي إلا ودك ولا يريح قلبك بسمعك ولو تبين اجيك وتبكين على كتفي بجيك وأفتح لك ضلوع جسمي كلهم عشان ترتاحين
نرجس وهي تمسح دموعها. تعال احتاجك
فز من مكانه واخذ مفتاح سيارته وطلع. الان ياقلب ياسرك الان اجيك سكر منها وركب سيارته ومشى بسرعه عشان يوصل لعندها وصل قدام القصر ودق عليها وارسلت له يجي من عند الحديقه ونزل يسرع بخطواته لها طالع فيها كيف واقفه وضامه نفسها وتتامل السماء والنجوم تقدم لها وحضنها من الخلف ونزل دقنه لكتفها التفتت له وناظرت بعيونه وضمته بقوه تبكي لانه ماقدرت تطلع تطلع القهر إلا فيها كانت تمثل القوه عشان تهدي اختها الصغيره وتحاول ماتضعف بس تعبت وحيل تعبت والشي الوحيد إلا كانت تحتاجه حضنه هو لانه تعرف بتطلع كل إلا بقلبه بدون مايتعب منها كان يحس بدموعها على صدره وكيف ببللت تيشيرته بدموعها شد عليها وقبل راسها ماتكلم بشي لانه يبيها تطلع إلا فيها عشان ترتاح وتهدأ
رفعت راسها وناظرت فيه وهمست. تكفى بيطلع عرف انه تقصد عبدالرحمن وهز راسه باايه ورفع يداته يمسك وجهها ويمسح دموعها ونطق. بيطلع ياقلب ياسر وروحه بيطلع بس لاعاد تبكين ماتدري انه دمعه منك تحرق جسدي بالكامل لاتحرقي قلبي بدموعك وتهلكي روحك
نرجس وشفايفه ترجف. بس مابرتاح وبيهدا بالي إلا وقت اشوف عبدالرحمن بيننا مو قادره اتحمل غيابه علينا كذا
قرب منها ومسح على شفتيها بااصبعه السبابه وهمس بصوته التعبان.لاتخافي وانا بطلعه والله ولا زرع حبك بقلبي وضلوعي مااخليه وعد مني بطلعه تاملت عيونه وابتسمت لانه حلف لها بااكثر شي يحبه وعرفت مقدار حبه لها وانه مستحيل يترك اخوها وبيطلعه شتت نظرها لانه كان يتاملها ويتأمل شفايفها هو صح قرب لها المره الاوله بس ذي المره ماقرب لها لانه يبيها حلاله يبيها حُرمه رفع إصبعه من شفايفها وبعد خصلات شعرها المنثوره بوجهها ونطق. ودي اجلس معاك بس جيتي على قلبي كثير ومااقدر اقرب منك وانتي مو حلالي ماودي اجلس اكثر لانه مستحيل اقدر اقاومك غمضت عيونها وحست بمشاعر كبيره له هي تحبه بس ماتوقعت توصل لمراحله أقوى من الحب هزت راسها بموافقة لكلامه وبعدت عنه.
نرجس. خلاص أنا بطلع انام
ياسر. طيب لوتبين شي دقي علي ولو تبين وغمز لها وضحك من لما نزلت راسها واستحت
نرجس وهي بموت من خجلها خلاص روح الان ولاتكثر حكي
ضحك ومشى ولسيارته وهي دخلت البيت عشان تنام