السلام هو إلا تحارب من يريد السلام

الحرب والسلام

قصر أحمد بن عبداللطيف.
مانام الليل وهو بالمكتب ويفكر ويدور حلول رن جواله وكانت المكالمه من النيابه العامه. رد واستمع للمكالمه وكان عارف او متاكد بالشي إلا بيسمعه سكر المكالمه بعد ما اصدروا القرار انه يحقق على الجريمه بحكم انه قاضي التحقيق ولازم يحقق ورا كل شي ويجمع الادله والشهود قام وأخذ المنشفه ودخل الحمام ياخذ شاور عشان ينعشه ويقدر يكمل شغله طلع من الحمام وبدل ملابسه وصلى الفجر وطلع على طول مكان التحقيق وصل ودخل المكتب وهو يامرهم بجمع الملفات كلها لمكتبه
العسكري. طال عمرك وصلنا خبر ان المقتول ماعنده اهل وانه يتيم وكان عايش بالميتم
عبدالله. تمام شي ثاني
العسكري. سلامتك طال عمرك وطلع وسكر الباب وراه
جلس يفتش الملفات ويدور كل شي حول الجريمه التفت على دق الباب وسمح بالدخول. ادخل
ياسر. عبدالله اخذت سجل الكامرات وفي شي غريب بس مو قادر استوعب
عبدالله. افتح الفيديو ونفهم فتح الفيديو ياسر وجلسوا يعيدوا سجل الكامرات عبدالله. ياسر وقف وقف
وقف ياسر عبدالله. عيدها عادها مره ثاني واشر عبدالله على المكان ذي بنت واقفه
ياسر. إلا إلا بنت بس متغطيه كيف بنعرفها الان
عبدالله. نطلعها من تحت الأرض اهم شي نجيبها
ياسر. طب لو طلعت ماشافت شي لانه واضح بالمكان بس تمشي ومافي شي يبين لنا سبب وقوفها
عبدالله. عادي اهم شي نسألها ونحقق معها يعني مو خسرانين شي بس ابيك الان تطلعلي البنت عشان أقابلها
ياسر. طيب طلع من عنده عشان يكمل أشغاله

قصر محمد بن عبداللطيف
عند حمزه من وقت الحادثه وهو يلوم نفسه بسبب سجن عبدالرحمن لانه هو إلا اصر عليه وحاول يطلعه ولو كان مااصر كان ماصار عليه شي والمفروض يكون جمبه الان وبجاوره دخلت نوره عليه وهي تشوفه جالس على السرير وشد بيداته على شعره بقوه وكانّه طلع غضبه بشعره قربت من وضمته بحضنه
نوره. بسم الله عليك ياامي انت لاتشيل هم وولد عمك بيطلع لا تحمل نفسك الذنب وانت مالك دخل ياايمه انت لو كنت عارف مابتخليه يجيك بس ماتدري خلاص لاتلوم نفسك بشي مو ذنبك
حمزه. يمه شلون تبينا اهدأ ويرتاح بالي وولد عمي بالسجن وبين اربع جدران وانا هنا عاجز ومو قادر أساعده بشي تكفين يمه عبدالرحمن لو صار له شي بموت والله العظيم بموت هو اخوي وصاحبي قبل لا يكون ولد عمي ليت أنا ولا هو ليت انحطيت بداله وتحملت أوجاعه يايمه ليت اقدر اطلعه وادخل بداله اهم شي عبدالرحمن يطلع ويعيش مرتاح
نوره. استغفر الله ياامي انت شفيك تدعي بنفسك على بالك بتريح عبدالرحمن كذا ماتدري لا سمح الله لو كنت بداله بيكون اخس منك وبيسوي المستحيل عشانك انت خليك قوي خليك نفس مانعرفك لاتضعف يروح امك انت مسحت على راسه وقرات عليه عشان يهدا ويرتاح باله

بيت اسامة بن يزيد.
اخذت جوالها ورسلت لرنيم. رنيم وينك ابغى اكلمك بموضوع ضروري
استقبلت الرساله رنيم وردت عليها. هلا ايثار ايش من موضوع ترا شاكه فيك وراك شي بس ماحبيت اضغط عليك
ايثار. تعالي طلعيني الان ضروري على اساس بنروح بيتكم ونسهر وبعلمك بالسالفه بس لازم اطلع من البيت
رنيم. ايثار ترا اقلقتني عليك شفيك؟
ايثار. رنيم يوووه كثيره اسئله تعالي الان وطلعني وبفهك مو صعب الموضوع عشان تكثري اسئله
رنيم. طيب طيب جايه انتظريني
سكرت من رنيم وهي تبي رنيم تساعدها عشان تقدر تروح المحكمه وتلتقي باخووه وتعلمه بالحقيقه
بعد نص ساعه دق باب البيت وفتحت اماني. هلا هلا رنيم ادخلي يمه ادخلي
رنيم. لا لا خالتي بس ابي ايثار تجي معاي البيت مسويه سهره خفيفه وأبيها تغير جو من نفسيتها
اماني. طيب يايمه بس انتبهي لها لانه حرارته باقي ماخفت وتعرفين ايثار ماتهتم بصحتها
رنيم. افا عليك خالتي اصير لها الام ولاتخافين
ضحكت اماني وهي تدخل عشان تنادي ايثار نزلت ايثار وهي جاهزه واستغربت اماني من سرعتها
اماني. جهزتي بسرعه مو من عوايدك
ايثار. طفشانه يمه والتعب طفش فيني عشان كذا
اماني. يلا يمه غيري جو بس لاتتاخرين
ايثار. طيب يمه وتقدمت تبوس راسها وركضت لرنيم عشان يطلعون
رنيم. اخخ ايثار اخ خليتني اكذب على امك وانا مقد كذبت عليها والله ياانه مقهوره عليها وثقت فيني وانتي السبب
ايثار. رنيمو امشي سريع لاتسوي نفسك الان ام ضمير اول مره فعادي عشاني
رنيم. إلا شعندك انتي وين بتروحي
ايثار. الشرطه
التفتت رنيم بصدمه عليها. وين وين انتي عارفه ايش تقولي
ايثار. رنيم مو وقتك ترا مستعجله عشان نرجع بدري فخلينا نروح قبل لا يرجع ابوي وينتهي وقتنا
رنيم. لا ولا وقبل لا نروح حكيلي سالفتك وليه تبين الشرطه وشعندك بالشرطه وخير تبين تروحي بدون محد يعرف ايثار لا تجننيني ترا مو سهله انه تروحي الشرطه بدون علم احد
ايثار. رنيم تكفين ساعديني الان وبعدين والله احكي لك السالفه كلها بس خلينا نروح تكفين
رنيم بقله حيله منها. طيب طيب بس خالي لو عرف ادري انه آخر مره أشوفك بيحرمنا من بعض وادعي انه مايعرف عشان لا تكون نهايتنا
ايثار. طيب طيب يلا بسرعه عشان نوصل
مشوا وركبوا تاكسي وحركوا لقسم الشرطه وقف صاحب التاكسي ونزلوا لقسم الشرطه وهم متوترين لأول مره بحياتهم يدخلوه وكان التوتر باين عليهم من عيونهم دخلوا واتجهوا لعسكري واقف
ايثار. لو سمحت ممكن اعرف وين مكتب عبدالله بن عبداللطيف
العسكري بستغراب. عفواً وليه تبينه عندك مشكله تفضلي هنا مو عند قاضي التحقيق
ايثار. بس أنا شغلي معه مو معكم
العسكري بنبره سخريه. وحنا ماملينا عينك تبين القاضي
ايثار. شفيك انت ماتفهم ليه ماتعلمني مكانه وتريحني
رنيم. ايثار يلا مشينا واضح مستحيل تشوفيه وبعدين شعندك مع ولد عبداللطيف واضح دفعاك عنهم مو على الفاضي
ايثار. رنيم خليك ساكته مو وقتك أنا جيت الان وابغى اكمل شغلي إلا جيت عشانه
جاء ياسر من بعيد وشافهم واقفين ويتكلمون بحده مع العسكري
ياسر. في شي صاير اقدر أساعدكم
العسكري. يبون يلتقون مع قاضي التحقيق
ياسر. التفت بصدمه عليهم. اقدر أساعدكم تعالوا معي مشوا معه لمكتب عبدالله ودخلوا لانه عبدالله كان مو موجود ياسر. خليكم هنا وانا شوي وبجي
ايثار. طيب بس لاتتاخر لانه وقتنا قصير
ياسر. طيب طيب طلع بسرعه وهو يتصل على عبدالله رد عليه عبدالله ايوه ياسر فيك شي ياسر. عبدالله تعال تعال في ثنتين بنات جو لقسم الشرطة والان هم بمكتبك وطالبين يلتقون فيك واضح عشان سالفه عبدالرحمن تعال لاتتاخر لأنهم مستعجلين
فز عبدالله بسرعه جاي جاي الان لاتخليهم يروحون خلك معاهم سكر منه وهو يركب سيارته ويسوق بااقصى سرعه عشان يوصل ووصل ونزل وهو يسرع بخطواته ويتمنى انه جيتهم تكون خير عليهم وتساعدهم بمهمتهم ويقدرون يطلعون عبدالرحمن بسرعه دخل المكتب وشافهم جالسين وياسر معاهم قاموا اول مادخل عليهم وردوا عليه السلام
عبدالله. تفضلوا ارتاحوا.
ايثار. اخو عبدالرحمن
ياسر. يابنت الحلال ليه بنجيب واحد غيره اي هو
عبدالله. تفضلي ايش تبين
ايثار بخوف. أنا شاهده على كل الا صار مع اخوك وشفت كل شي بعيوني
التفتوا عبدالله وياسر بصدمه وفرح وكيف ربي سهل لهم الموضوع بسرعه وكملت ايثار. وأخوك بري من كل شي وماقتل احد والرجال إلا قتلوه انقتل بعد مااغمى على اخوك واتهموه وقتها انه هو القاتل
عبدالله. عارف عارف بس وجودك معنا هنا بيساعدنا كثير وشهادتك ذي بتقدر تطلع اخوي بس يبي لنا شي قوي لانه في شاهد ثاني يقول غير عن كلامك ومستحيل نقدر الان نوافق بين كلامكم إلا بدليل اقوى
ياسر. طيب بوريك فيديو وركزي معي تمام
ايثار.طيب
فتح اللاب ياسر ووجهوا لها وشافت تسجيل الكاميرا للشارع إلا كان قريب من مكان الحادثه
ياسر. البنت إلا هنا تمشي انتي
ايثار. إي أنا
عبدالله. ليه كنتي هناك لانه المكان مو مناسب تمشين فيه ولحالك
ايثار.انا طلعت من البيت وقتها كنت امشي وأفكر وماانتبهت للطريق إلا بالاخير ولما استوعبت كنت برجع على طول وبعدها سمعت هواش ورحت اسمع وشفت كل شي
عبدالله. طيب مو خايفه على نفسك لانه بتشهدين على ناس مجرمين وخطيرين ولو دروا مستحيل يخلونك بحالك
ايثار. انا دام شخص ساعدني وحماني مستحيل ماارد له المعروف لانه اخوك قدم لي معروف كبير مستحيل انساه
التفتوا لبعض عبدالله وياسر وهم مستغربين ايش قدم عبدالرحمن من معروف لها
ياسر. عفواً يا...معليش اسمك عشان نكتب أفادتك
إيثار. ايثار اسامة بن يزيد
كان يتأمل قوتها وثقتها وهي تتكلم وتبي بس توصل الحقيقه وتدافع على الحق ونطق بعدها.
عبدالله. إيثار ممكن نعرف عبدالرحمن ايش قدم لك من معروف
إيثار. اخوك مثالي بتقديم المعروف وخدمة الآخرين والأشخاص الا نفس عبدالرحمن مكانهم مو بالسجن مكانهم برا لأنه وجوده سلام للجميع
استغرب من كلامها وكيف توصف عبدالرحمن بالسلام هو مو مستغرب من أخلاق اخوه لانه عارف بااخوه انه يساعد الكل مستغرب منها انه رغم أنها بنت ويمكن تتورط بشهادتها إلا أنها تبي ترد المعروف ولو كان بيسبب بتضحيه نفسها
عبدالله. علمتي احد غيرنا بالسالفه
إيثار. لا بس انتم وصديقتي رنيم الان عرفت معاكم محد يدري بشي
ياسر. اجل حلو عشان نضمن انه محد يتعرض لك بشي يضرك خليك منتبه ولاتكلمون اي مخلوق على وجهه الأرض بذي السالفه تمام
رنيم بخوف. طيب الضرر كبير عليها عشان كذا تحذروها
ياسر. اي لانه المجرم اهم شي عنده انه يحمي نفسه ولا تكتشف حقيقته
عبدالله.خليك بالبيت لموعد الجلسه لاتطلعين كثير من البيت ولما نتحدد موعد الجلسه بنكلمك
إيثار. طيب انتم مو قلتم تبون شي اقوى غير شهادتي
عبدالله. عندك شي هاتيه
إيثار. عندي فيديو صورت الأحداث كلها فيه
فز عبدالله لعنده. هاتيه ورينا الفيديو. مدت له جوالها وشافوا الفيديو وكانت الفرحه مو سايعه عبدالله وياسر لانه اطتهم اقوى دليل ويمكن من قوته يطلع عبدالرحمن بثواني
عبدالله. انشهد انك بنت رجال ابن رجال كفو عليك كفو
ياسر.خلي الفيديو معي عشان ارتبه مع أوراق الجلسه وباذن الله بيطلع بسرعه
إيثار. احنا نستاذنكم ووقت تبوني ارسلوا لي
عبدالله. انتبهي لنفسك ياايثار ولو صار شي معك كلمينا لانه اي شي ممكن يصير حتى لو من صاحب قريب فانتبهي
استغربت من كلامه وكانّه يبي يفهمها شي بس مو فاهمه عليه مشت بدون ماترد عليه وطلعوا من القسم وهي مستغربه
رنيم.ايثار كل ذا صار لك وانا معرف وليه ماكلمتني وادخل معك بدون علم وانصدم وقت أشوف الفيديو
ايثار. رنيم شفيك ترا محد يدري الان تكلمت وانتي اول وحده تعرف وبعدين أنا حبيت اتكلم عند اخوه وبنفس الوقت قاضي بيعرف يحل الموضوع سريع وليه متوتره كذا لاتخافي كل شي بيصير تمام ولو همك موضوع ابوي مابيعرف لاتخافي يروحي أنا معك وانتي مالك دخل حضنتها وكانت رنيم ترجف وخايفه واستغربت من رجفتها بس جاء ببالها انه تاثره من الفيديو والمنظر لانه مو سهل اي احد يشوفه ويصير طبيعي مشوا وراجعين البيت