في قبضة يديه

الحلقه 4

#في_قبضة_يديه
4
وردة الشيخ محمد

لا تنسون التصويت + متابعة الحساب

اجه الولد
ضعيف ولابس قميص ضيك حصر عليه وبيده صينية دنك نزل الماي ويباوع علينا
واني اباوع عليه و على وجهه بقت عيوني عليه
وهو يروح من طاولة الطاولة وعيوني تلتف وين ما يروح اجاني الم ببطني موتني خليت ايدي ع الميز وخليت راسي على ايدي اتنفس على كيف لعل الالم يخف وعيوني ع الارض واحرك برجلي جوه الطاولة الم بطني وظهري ورجلي ذبحني والم مو مثل كل مرة غمضت عيوني واتنفس بهدوء و اكلب
بعيوني عبست وجهي وخليت ايدي على بطني اهلي يحجون وبالي مو وياهم نعسانه وبعيوني النوم واريد بس انام وادفي نفسي واعصر بيها من الالم شوي وحسيت هدأ جسمي حسيت بنفسي غفيت.. فجاه وواحد سحب رجلي بقوه نزيت بخرعه واسمع صوت امي

: اسم الله الرحمن شجاج

تنفست واني اباوع الامي صافنه ومادري شصار واني بقيت مفهيه وصافنه عليهم وامي اخذت الخبزه حطتها يمي واني ساكته وهادئة هدوء مو طبيعي الاكل كدامي شوكت جابوه ما ادري واهلي كل واحد ملتهي بشي وامي تعاين علي لزمت الخاشوكه ما اشتهي والدنيا تدور بيه
واحس التعب بجسمي حسبالك متكسرة عيني نعسانه واريد بس انام ويصير بكلبي مثل الخفقان غمضت رخه جسمي هزتني امي وي هزتها اهتزت رجلي اليسره بالضبط نفس الواحد من جسمه يفز بس اني فزت بس رجلي رجعتها وتربعت واني ع الكرسي .. طبكت حواجبي واباوع الاهلي ياكلون واني لازلت ع نفس الهدوء صاحت بيه امي : ولج اكلي لا يبرد موحلو وشربي شوربه زينه الج يمه هزيت راسي واني النعاس ذبل عيوني ... اکلت شوربه وخبز حار وماحجيت شي بس ساكته حجه ابويه ؛ بابا اكلي تردين انطيج شي اجيبلج شي مشتهيه شي ببالج
رفعت راسي بهدوء هزيت راسي : لا .. لا ماريد ... كملت الشوربه وخرت الماعون ورجعت خليت ايدي ع الطاولة ونمت واني اباوع للحايط لحد ما خلصوا واني ما ادري شوكت كملوا الا من صاحو يلا راح نطلع ... طلعنا من المطعم كال ابويه : نزور لحد ميأذن وننصلي ونرجع نرتاح وراها نطلع للكوفه نزور المسجد ونرد للفندق هااا امي : اي خطيه البنات

تعبن يمه رنين شبيج شو مالج حس بتعب كوه افتح عيوني : ها لا .. ماكو شي طلعنا من المطعم وصرنا نمشي بالشارع اليطلع للامام بشارع الرسول ، من
الجهتين اكو محلات وملابس وكشك جاي وبسطيات بالكاع العاب ويفترون ولد صغار ورجال كبار بيدهم قطع خضر ويصيحون : ب الف ونص العلك ب الف ونص وكفت امي يم رجال لاف غترة خضرة على راسه : اخذ منك ٣ قطع بخمسه هاااا حجي الحجي حجيه وين لاكيتها هي القطعه ب الف ونص امي : ذاك الولد كللنا عادي بس مابيه حيل ارجع يلا حجي كض الخمسه وانطيني ٣ مستعجله حتى اصيح الربعي يشترن منك جريت عبايتها انا مابيه حيل ومنا امي اذا توكف يم محل بعد ما اطلع ووكفتنا بالشارع

- يمه امشي مابيه حيل امي

: صبري ، ها حجي باوع علينا الحجي وصارت عيونه بعيوني