في قبضة يديه

الحلقه 26

في قبضة يديه ١٨+

 
الحلقة الـ٢٦

لاتنسون التصويت ومتابعة الحساب
وردة الشيخ محمد
- الرساله ؛ الدُنيا كأس دائماً نشرب ماسكبناه فيها!
أدهم شرقاوي

تجتفت باوعتلها وهي تهز برجلها ومبين عليها ضايجة :- شبيج ولج
مَلاذ :- مااتحمل انا مااتحمل هيج نفسيات
عون :- محد يحجي وياهم لو تكلبين الدنيا معليج بيهن بس عينج على امي كعدن حتى طبخ انتي وياها اكلن وكومن
مَلاذ :- واخوتك
عون :- الهم نسوانهم انه راح اكثف شغلي بالكاع ويصيرلي حصه جبيره اطگ هذا الحايط والغرفه الثانيه اسويها مطبخ مفتوح والعن خيرهم لابو شرهم
مَلاذ :- شلون متحملين شلون ؟؟؟
عون :- چــا سنين صارلنا
مَلاذ :- ترا هاي وصاخه وقذاره مامعقوله اخوتك مايشمون فتحت باب غرفتها ريحة رطوبه على حفاظات لسه مچلبه بخشمي
سحبت كصيبتها وبدت تفتح بيها عيني صارت عليها :- ادري
حجت :- ذن يريدن واحد يفشلهن المو ادمي من تسكتله حسباله الي يسوي صحيح وراضي ومقتنع بس من واحد يفشله مره مرتين يجر عدل
عون :- مو كل واحد اكو مطي نايم براسه مايفتهم لو شكد ماتحجي
مَلاذ :- شوف انه وقحه خلي يكون بعلمك ومااستحي من احد تريد تكول عني صلفه ادبسزز اخلاق ماكو براحتك كللللش براحتك كلها ايام واطلع من عدكم
عون :- ايييييي؟

مَلاذ :- ف خليني براحتي اعرف اتصرف اوكفهن على اصابعهن وعندك اخوتك هم خلي عينك وراهم ترا اخوك الجبير مامرتاحتله
عون :- لاتحجين عليه
مَلاذ :- كتلك خليني براحتي بس تعال سؤال
عون :- اي
- منو اعز شي عندك هنا مايحتاج ضب
- كل واحد مكانته
- زين بس من اشوف شي خطأ تسمحلي اتدخل ؟ بس مو اتدخل اتموع لا عيني اهبدهن بالكاع والعن سلفه سلفاهن
- عادي اذا شي يأذيج ويأذي اني دافعي ولا تسكتين من انا موجود محد يفك حلكه وياجن بس بخلافي لاتسكتين
- هاي هي يلا بوجهك للشغل لاتگابلني  منك مع احترامي الك بس شطولك واكف كبالي ساد حتى النفس شو تنحر
مدير ايدي على كصيبتها المفتوحه نصها وسحبتها الي جريتها وهي صيحت :-اخ شعري شبببببيك
:- اعلگج من شعرج ترا مَلاذ العبيطه
ماحس غير طكتها ضحكة :- عزااا عود عصبي هههههههههههه هد شعري احسلك
ضحكتلها وضحكت ؏ ضحكتها وبعدني لاف شعرها على ايدي واباوعلها ماحس غير مدت ايدها وطفرت لزمت شعري قوي وجرته :- هد و انه اهد
عون :- ولج ههههههههههه شعري. نعلعله يومج خببببببله
ماحس غير طكتها ضحكة :- عزااا عود عصبي هههههههههههه  هد شعري
ضحكتلها وضحكت ؏ ضحكتها  وبعدني لاف شعرها على ايدي واباوعلها
- هددد وانه اهدددد متكدرلي ياصعلوك
- هههههههه اهدج اهدج .. عفتها وكمت افرك بشعري واباوع عليها شلون لازمه شعرها وتبوس بي
- من حلاة شعرج  كاعده تبوسين بي
- يمه شعري ابوس شعره شعره بي .. شمته حيل وگالت:- اروحله فـَدوۿ هو بس شعري  احلى شي بحياتي
ابتسمت ابتسامه خفيفه ممزوجة بنظرة انسحرت بشعرها ولونه حچيت وصوتي رايح وي شَمرته على  زندها :- سبع ..سبع فدوات عوينتي..
باوعتلي وابتسمت بينت سنونها:- اي صير حباب ..
ضيگت عيني ونصيت عليها :- بويه ترا انه كلش حباب وياج
- بويه ؟!
بهت وجهي وكمت ادير بعيوني :- اسف
ابتسمت ورفعت عيني بعيني وضلت ترمش حيل وبَيَن الخط الاحمر بعينها :- لاتعتذر من تكول بويه ..بابا ..من هاي الكلمات الي بيها كلمة اب  لاتعتذر ..
- خاف ااذيج
- لا عون انا ماريد انسى ابوي لحظة لو ثانية لو دقيقه ، ماريد انسى الـ مانساني .. ماريد اكول لاتذكرني بي  ماريد احجي هالحجايه
- تتأذين
- اتأذى من انسى ، اتأذه اذا فد يوم اجه ببالي فجأة واكون ناسيته ، انه اريد اذكره بكل وقت وادعيله واستغفرله انا ماريد انسى
- اول مره يمر عَلي هيج شخص ويفكر بهالتفكير اول مره يمر عليّ انسان يكول ماريد انسى
- ماريد انسى المانساني بيوم .. ماريد انساه
- الله خلق النا النسيان حتى نعيش ونكمل حياتنا
- ههه وتبقى وجهات نظرنا مختلفه ..
- شلون ؟!
كملت اخر شدة بگصيبتها ودنجت ورفعت عينها مدمعه وضحكت :- عون ..
- عوينته
- عون احنه نريد ننسى الناس الناس الموزينه .. الناس الاذتنا .. الناس الخذلت الخانت الطعنت الكبرتنا فوك عمرنا كُبر القهر والتعب والاذيه
بس ماننسى الناس اللمتنا بحنيتها .. الدارت خواطرنا بالوكت الي انهضم خاطرنا .. انا ماريد انسى الفرحني بكلمة حلوه ، ماريد انسى الجان يلمني بحنيته ..
هالذكريات اريدها  تاكل وتشرب وياي ، ماريد انساها اريد اتعايش اوياها ..
- تتعبين
- ؏ الاقل اصونها بتعب ولا انساها وكأنما الي راحوا ماتعبوا ولا حاولوا علمودنا ..