في قبضة يديه

الحلقه 9

#في_قبضة_يديه

لا تنسون التصويت + متابعة الحساب

وردة الشيخ محمد

كعدت بالكاع ابجي حسيت طلعت روحي شكد بني آدم ضعیف کدام نفسه !

يكدر يسوي اي شي في سبيل يرضي نفسه ويريح راسه ما يفكر بشي غير انه يرتاح ويرضي نفسه وكلبه اكو ناس مستعده تضحي بكلشي بس حتى ترضي نفسها طفيت الحاسبه وكمت صعدت الغرفتي التعب ماكلني ذبيت نفسي بفراشي والف فكره براسي والف شغله وتخيل براسي

بدون ما احس ع نفسي نمت فزيت ع حراره تنزل مني رفعت نفسي شفت روحي غركت بدمي تخبلت ركضت للحمام الي ينزل مني اسود وفصوص غير عن الطبيعي اكباد اكباد اصغر من الايد بقيت ابجي صيحت
؛ ماماااااااا وينج ياربي شنو هاي غسلت ودموعي تجري فجاه وكلوب الحمام بده يتحرك حيل وصوت هوى بسرعه غسلت وطلعت مرعوبه
نزلت جوه وايدي ع بطني طابكه حواجبي ب الم وامشي حافيه ..
عيني بالكاع وبيتنا الحايط سيراميك صافي فيعكس الظل اذا ضربت بي الشمس او الضوه وانا نازله ورفعت راسي اريد اصيح الامي وجان اشوف واحد واكف وطالع بس ظله ع السيراميك عثرت رجلي التفتت
ع المكان محد بی شرکت و صرخت : بابااااااااااااا
باباااااااااا
رجلي ثكلت وصارت عيوني تدور ع القرآن اريد بس شي اامن يمه جسمي يرجف ويرتعد وكل خطوه امشيها ثكيله عبالك واحد كامش رجلي لو رجلي  مبنجه و اختنكت صارت تخمه ببطني وصلت الغرفة امي وابويه الغرفه فارغه محد بيها وابواب الغرفه مفتحه والكناتير مفتحه كلها بقيت لازمه بالحايط ورحت الغرفة اخوي وانا امشي بشكل انتبهت  على كمت ابجي لساني ثكل .. انطق حرف حرف
.. ب ا ب ا
حرف حرف انطق وابجي البيت مابي احد اختنكت وروحي بدت تطلع والم سجينه وداكه ببطني
تخمه وشي كاعد على صدري اريد اتقيأ
تخمه وشي كاعد على صدري اريد اتقيأ كعدت بالكاع رجلي ورمت حسيت جاي اموت ع البطيء هاي ذنوبي هيج سوت حسيت اخر يوم بحياتي وبعدني ماتبت بعدني ما استغفرت بعدني ما اغتسلت غسل التوبه !

بعدني بعدني بعدني ...

كعدت والحايط وراي بطني انتفخت كلش عبالك وحده حامل بسهر الخامس ..

رجلي ورمت وايدي بدت تحكني تمددت بهدوء بالكاع عيوني بالكاع الارضيه بارده وجاي اتملخ تملخ وساكته لساني ثكل وبقيت صاكه اسناني ع لساني وما اكدر ارفع اسناني حتى
انطق بقيت متمدده مثل الميته انتظر روحي تطلع كدامي السيراميك نفس الشخص واكف بمكانه غمضت عيني دموعي تجري وكلشي به خايف صارت صور المكابر کیالی، صارت

صورة الدفن شلون يدفنوني ويخلوني بالكبر بجيت وحجيت بداخلي
: ماريد اموت اخاف مارید اموت يارب ساعدني طارق ساعدني بقيت ع هالحاله مده وانا الوب وروحي تطلع غمضت مستسلمه صوت طارق اجه ببالي وحسيت ايد صارت ع بطني مشه بيها احس بيها وهي تمشي فتحت عيني ماشوف
شي بس صوت براسي الصوت صوت طارق بس ما سمعه عدل شيكول .. مشه ب ايده
الصدري ناحية كلبي عصر عليه بقوه نفس الاسعافات الاوليه شهكت بصوت
: يا علي يا ابا الحسن ... بجيت وانفتحت عيوني وجهي انعصر والنفس انكطع كرر هالطريقه وصرخت بخنكه
: يارب ساعد ... يار ... شرکت ماكملت صحت
: طارق ..
اجه صوت ... ليلى .. سجين ...