في قبضة يديه

الحلقه 25

في قبضة يديه ١٨+

 
الحلقة الـ٢٥

لاتنسون التصويت ومتابعة الحساب
وردة الشيخ محمد
دفع الباب اخوي وهو لازم ابنه الثاني من اذنه
ورجع صاح :- عبيررررر هاج كضي
وكفت كدام الباب ومتجتف واعصابي بدت تتوتر عروجي طگت وانتفضت غضب
اعرف .. اعرف هالملامح وهالموقف مو جديد
صارت عينه علي دفع ابنه واجه سريع عليه جرني من هدومي بقيت واكف ثابت مستقيم :- انت هنا وانه اصيح كلب ابن صطعش كلب
- لاتغلط
- اغلط واكسر راسك
كضني
من ياختي بقيت ثابت وطلعت امي وراي :- طبي يمه وسدي الباب ماريدج كبالي
احمد :- تخاف اكتلك كدامها موووو لك زعطوط  تخاف موووو
عون :- ههه فوتي يمه
بقه مجلب بياختي جرني حيل عليه دفعت نفسي ؏ الباب ودفعت امي داخل الباب وجريته طبكته حيل وي طبكتي جرني اخوي ودفعني بالاستقبال  دفرني
احمد :- صاير تتمرجل ؏ النسوان موووووو
عون :- ههههههه
احمد :- تضحك مو اعلمك شلون تضحك .. قفل الباب ...
كمت ووكفت مستقيم
تقرب عليه  سحبني من ياختي
اسمع امي تدك الباب وتصيح :- يمه احمد عوف اخوك فچ الباب احمد
وكف اخوي كدام المعرض يدور ويدفع بالغراض  ويصيح ويغلط واليوم العن واطيح حظك وياخذ اسم ابوي ويهتگه بالكاع
مامحشم حتى اسمه وهذا ابونا
الكضه عمره يتعب ويكبر
وهو كل ما صار شي وعصب يسبه ويلعنه ويهين بي وهو ميت
اعرفه على شنو ناوي ...
بقت امي تدك وتصيح وره الباب
فرفحت روحها  صحت بيها :- يمه لاتبجين ماكو شي ماكووووو
اندار عَليّ
احمد اخوي گلبه قاسي .. قاسي الى ابعد حَد .. مريض نفسي ..
متعجرف مايهتم الگلب احد
ولا يهتم يجرح يأذي يكتل مايهتم
طفولتي وياه جانت عبارة عن يدوس على اصابع ايدي يوگف عليهن لحد ما اختنك واصير ازرگ من البجي
طفولتي جانت وياه اذا لعبت وي الجهال بالشارع يكرع راسي صفر
، اذا فد يوم اتأخرت ؏ المزرعه يخليني انام بالمطبخ واعوف امي
اخوي احمد خلاني اعيش وانه برعب ووحده  وجوع وعقاب
جانت طفولتي عبارة عن (  ... تتعاقب )  حتى لو صوت نَفَسك انسمع
خلاني اموت وانا عايش
صرت مكرس حياتي للكتب الطبيه والانكليزية والدراسة بس حتى ماتصير عيني بعينه وانكتل
نفسياً ميت
من الذكريات السيئة اتعب
من المواقف الصارت بطفولتي اتعب
من اصفن واذكر طفولتي گلـــبـي يضل يدك سريع  واريد بس اركع راسي بالحايط بس يهودن الذكريات النايمة براسي
طفولتي صارت سبب بتعب ࢪوحــي ونفسي وجسدي اتمنى احركها من بالي ... اتمنى
حتى لو ما اسوي شي جانت اذني تنلوي وتنجر
لحد ما بين يوم وليله انگلب فوگ حدر ، شغيرة ماادري صار لو يباوعلي اكتل جهاله مايحجي لو اصيح واعلي صوتي مايحجي
لحد ما فد يوم من الايام عرفت غايته واذتني ...
اليوم احمد رجع ..
اليوم احمد بنفس المنظر رجع يدور
؏ الحزام حتى يسلخ جلدي بي
باوعلي
امي تدك الباب وهو يكز على سنونه:- انته منو وتعلي صوتك على حرمتي ؟ انته منووووو
- واكسر راسها اذا تجاوزت على امي وع اليتيمه
- تخسى واسكطك وادوس على راسك بالقندرا  ابن الكلب
- محد يخسي غيرك احترم نفسك احسلك .....
حجيتها ماحس غير ضربني بالحزام بقوته صحت بي صيحة هزت ࢪوحــي هز :- لاااااااك ...
جريت الحزام من ايده
وشمرته قوي ؏ المعرض الكلبجة مال الحزام طكت بالمعرض صار طحين
امي كلبت الدنيا من سمعت الصوت اسمعها تصيح
عون - قسماً عظماً وحق لا اله الا الله اخر مره تمد ايدك بالله الكريم دقيقه ماتضل ببيتي ...
فججججاااااأة سكت وجمد بمكانه
عون :- چــا حسبالك ماادري ههههههههه
احمد :-تطردني
عون :- عوض كتل السنين والاهاين الماكلها چنتّ من وراك عوض الذله العيشتني بيها ، اياك ثم اياك لو مو اخوي حجايه مااسمع من مرتك على امي
ساكتلها لجلك ولجل بزرك صغار وتكول اخوي العود بس تماديت وصبري خلص .. خلصصصص
ضل ساكت احمد
رديت حجيت :- وخاف حسبالك ماادري ان الگاع نصها ب اسمي وابوي مسجلها شرعاً وقانونا لان يعرف سوالفكم على امي الف رحمة الله على روحه
رفعت شعري وسحبت نفسي قوي :- خوش حجي ؟.. عينك على امك اليوميه تنزل دمعتها قهر منك ومن حرمتك الماعدها رحمه ولا ذمة وضمير
عفته وفتحت الباب طلعت شفت امي كاعده وايدها على
خدها تبجي مقهورة
بس سمعت الباب انفتح وانه واكف بطولي جدامها
ركضت علي وذبت حيلها بحضني كامت تبجي
عون :- هيدي يمه هيدي ماصار شي يلا امشن بدلن خل نعقد ونخلص يلا بويه
امي :- شجاكم يايمه شمالكم حلوها بالتفاهم بالحجايات الزينه چــا هيج كالوها صياحكم يزرعد واصل للحوش
عون :- ماصار شي يمه يلا امشينا