في قبضة يديه

الحلقه 23

في قبضة يديه ١٨+

 
الحلقة الـ٢٣

لاتنسون التصويت ومتابعة الحساب
وردة الشيخ محمد
‏في بعض الأحيان تبلد المشاعر ليس إلا غِطاء لحُزن عميق يجعل الشخص عاجزاً عن التعبير عن ما بداخله.
بقيت صافن عليها وساكت
شحجي وشلون احاجيها ، شنو الحجي الي يناسب
عمرها
بعض المواقف
من قوتها يصعب ؏ العقل تصديقها
لدرجة العقل والتفكير يسكت ، كأنما الدنيا كلها توگف ؏ گَلبك ، كأنما انتَ عايش بس وي صوت واحد
وهو عَزيزك
وعزيزك مات ...
مات ؟
كلمة من ٣ حروف
كفيله ان تعصر كلبك وتبرز عروگ عينك
تجمع دموعك
وتضعف وانتَ القوي الماتضعف ..
الامير يكول ، موت الاحبه غُربه
زين هاي الابنية شلون تعيش الغربتين ؟
غربة اهلها وهمه عايشين !
وغربة فگد ابوها !
اااااخ .. سحبت نَفس وانا اشوف عيونها ؏ الباب
- مَلاذ
- ها
دارت وجهة التفتت الي ورجعت عيونها الوين ماجانت
اشرت بيدها
- هنا كعد .. دارت اصبعها ؏ الحايط ، هنا وگف سلم ، هنا صاحلي مَلاذ عينيني ، هنا اتقيأ وغسلت وجهه وحضنته بعدها ريحته بخشمي ..
وكفت وصارت ترجف ورافعه ايدها اتأشر :- هنا .. هههنااا .. ببـ بابا .. ليش .. ليش ..
عون :- مَلاذ بو.....
خليت ايدها على رگبتها :- تخنگني .. تخنگني اش اش اش .. بويه ... بويه ... تخنك
وگفت على حيلي ورمش عيني ثكل على جفوني
نزلت ؏ الكاع ومدت ايدها ؏ الماي اليمشي بالكاع طالع من بيتهم
صارت اصابعها تلاعب الماي
حچة بصوت يرجف :- هذا دمه ؟
مدت اصابعها وشمته:- بابا ، دمك هذا ؟ الچنت تمسح دمعتي هذا دمك هيج ينغسل وينسحك ؟ شلون شلون
نزلت دمعتي :- ملاذ
- جان يمسح دمعتي بس هو جان يمسح دمعتي
- انه يمج
- كلشي ميخالف كلشي ميخالف انا چنتّ متأكدة يعوفني بس مو هيج مو بهالطريقه مو اشوف دمه مو اشوفه مذبوح مو هيج بابا حنون والله حنون جان بس يضحك بس يدعي بالخير للناس شلون حس بالسجينه وهي نابته ببلعومه شلون
اريد اجاوبها ووحده صاحت عليها :- ملااااذ تعاي كافييييي
باوعتلي وباوعتلها ماحس غير ركضت وذبت روحها بحضني :- لاتعوفني بابا يحبك لاتعوفني
مديت ايدي مسحت راسها طفله يتيمة
- اخذج البيتنا ؟
- اي
- يقبلون اهلج ؟
- ماعندي اهل
- ميخالف احجيلهم يضل بالهم
- احجي المنو
- امج او اي احد
- ماعندي احد والله
- استغفرالله ربي واتوب اليه اخوانج ؟
- ماكو محد يريدني زين بس ابات اليوم احس احس .. دنكت وصارت تفرك بيدها .. فهمت عليها خايفه ومرعوبه ..
- تعاي يلا اخذج عدنا بستان جبير هم باجر اوديج انتي وامي تونسي بي وعدنا مراجيح كلش تتونسين ها شكلتي
- اي .. اي .. مدت ايدها ودارت عيونها على بيتهم ، مرة طفلة مرة بعشر نسوان .. لزمت ايدها وضميتها بجيبي ومشيت وهي عيونها ؏ الباب ..
صرت امشي وياها وهي تباوع
تعثر واعصر ايدها بقوتي
رحت البيتهم بابهم مفتوح وبي ناس معدودين ؏ الاصابع
جرت ايدها رجعت اخذها وهمست :- بس انطيهم خبر ماشي
سكتت ودكذت الباب طلعتلي مرة متحزمة
- ها السلام عليكم
- عليكم السلام هلا يمه
- خالة انه راح اخذ مَلاذ البيتنا العب وي الجهال احسن من ما ضاله هنا البيت فارغ وباقين ؏ اللاله والبت مرعوبه فد نوب
- خذها يمها الوادم كلها راح ترد لهلها بيتهم فارغ
- ليش چــا وين عمامهم
- ماكو يمه الله يعين هالبت اليتيمه
تباوع عليها بشفقه وهي مدنكة راسها جرتها عليها ومسحت راسها
عون:- امها راحت وي الجنازه
- اي شو يكولن النسوان ماترد بعد راح تروح لهلها
- وملاذ ؟؟
باوعتلي وهزت ايدها بحيرة :-والله يمه ماادري شكلك ..
- وصلت خاله .. بأمانتي بعد .. مشكورة ..
انطفت ࢪوحــي
ودنكت عليها مسحت راسها ومشيت بيها البيتنا
واخوتي شفتهم من بعيد ينتظروني
بس وصلت استلموني هيج منك ومن اهلك وانعل ونعلعله روحك
لحد ما طبيت للبيت همه ماسكتوا
فتت للمطبخ واشوف امي على نار تنتظر
بس شافتني ذبت روحها بحضني
بقيت لازم ايدها
وامي تجر بيه تريد تحضني
وانه مچلب بيد مَلاذ ماريد اعوفها
رادت تجر ايدها رجعتها بجيبي ، باست راسي امي ومسحت عيونها بشيلتها3
- وينك ويهد
- يم بيت حجي طه
- انچتل عمت عيني
خزرتها ودنجت على مَلاذ مدنجه راسها :- مو وكته يمه
- خو ما طگوك
- لا مابيه شي لاتخافين بسچ بچي رحمه الله ؏ روح موتاج تعرفيني اتخبل لو بجيتي
- خايفه عليك يوليدي ماعندي غيرك انه بعد ࢪوحــي
فات اخوي :- شصار شني مطلوب ثار لو شسالفتهم خاف مطلوبين دم
عون :- صابرين خويه اخذي البت
سحبت ايدي وعصرتها دنكت عليها شفت عيونها تباوعلي بنظرة الـ ( لاتعوفني) هزيت راسي :- ماعوفج بس اروح اغسل وابدل واجيج جوعانه اجيبلج شي ؟ ..