في قبضة يديه

الحلقه 47

في قبضة يديه ١٨+

الحلقة الـ٤٧

- [ ⚫️] لاتنسون التصويت
- [ ⚫️] والتعليق على كل فقرة مهم لتكملة الحلقات
-الواتباد : وردة الشيخ محمد

قراءة ممتعة :-
- [ ] ⊰⦁⋘━━━⋙⦁⊱

رنين //
خليت ايدي على حلمي وصرت ارجف وابجي وعيني ؏ العلاكه :- والله راح يساعدني والله .. هو گَلــي .. گَلــي اساعدج وانقذج والله هو گَلــي گَلــي
وكف ولزم وجهي وجهه يصب عرك وملامحه
بيها علامة الخوف :- منو يساعدج بس كليلي ؟ انتي تعرفين الي سوه هيج بيج
تعرفينه ؟
بجيت واباوعله بنظرات كلها حزن والم :- ذنوبي .
بعده مبقي ايده على خدي نزل عينه ؏ العلاكه وباوع العمي صكر :- لازم اروح للبيت وهسَۿ
صكر :- شتسوي رايح ؟؟
ابتعد عني ورجع للعلاكه لملم كلشي :- ابوي كاتب كلشي بدفاتره بلكت الكه شي افتح بي السحر
رفع راسه وحاجبه مرفوع :- خو ماناسي الوالد الله يرحمه جان روحاني
هز راسه عمي رحت وحضنته باس راسي :- عمو لاتعوفنا
الاشتر :- محد يعوفكم عليش خايفه
- شلون مااخاف واحنه ماعدنه احد شلون
- كلنا يمج انه بس اروح اشوف شنو قضيته واجيج اخذكم لو ترحن وياي ؟
- اخاف من بيتنه
- هاي هي ࢪوحــي لمي ملابسج وملابس اختج وخنطلع
صكر :- امانة الله عندك
الاشتر :- هههههه توصيني بمرتي ؟
مسحت دموعي ورحت ركض واتلفت ميته خوف
- فاطمه وينج فاطمه
صعدت ركض للدرج اصيح ب اسمها
دخلت الغرفتها مالكيتها
رحت الغرفتي شفت بابها مفتوح
گلـــبـي ضل يدك حيل
تباطأت خطواتي فتحت الباب كله شفتها ب امان نايمه بغرفتي ومتغطي وغاطه بنومتها
نزلت دمعتي ورجالها بهدوء:- فطوم كومي نروح البيت خاله ام محمود
ايدي ترجف
مديت ايدي عليها اكعدها فتحت عيونها مورمه جانت تبجي :- ليش ماتو
- الله يحبهم
- صرنه يتامه
- الله مايعوفنه مايعوفنه
نزلت دموعي وحضنتها حييييييل وصرنه نبجي
نتعاتب بالحجي على برائتنا
- ياريتني غسلت المواعين وماخليتها بيوم من الايام تغسلهن ، ياريت ماخليتها توكف وتتعب اتمنى ترجع ومااعاندها
رنين :- مو بكدي وارفع صوتي من احجي ، اتأخرت ومالحكت احضنها هواي انأخرت ةمالحكت ابوسها
- جان ..جان ابوي يروح وياي للمدرسه وينتظرني هناااااك جان يشيل جنطتي وكتبي ليش خليته ليش خليته يتعب
رنين :- هدومه مال الشغل بعدها بالكنتور ، كلها تراب بعدها بعدها بيها اثر تعبه وهو يروح يوميه بالمطر وبالبرد وبالحر بس حتى يعيشنه ومايقصر علينه بشي
- جانت امي من تشوفني اكل واخلص ماعوني هي تنطيني ماعونها وادري بيها جوعانه بعدها جانت تخليني أكل اكلها وتكول اكلي ماريد شبعت
رنين :- ماكو بالدنيا مثل حنانكم
ولا اكو بالدنيا مثل قساوتكم على مصلحتنا
ولا اكو بالدنيا واحد يعوض مكانكم
اتمنى لو بس لحظة .. لو بس لحظة اشم ريحتكم واسمع صوتكم بالبيت
- يعني اذا كلنه اسمهم راح نكول الله يرحمكم ؟
بهت وجهي من جملتها ودموعي نزلت حاره على خدي ، حسيت اريد اصرررررخ اريد اصيحححح ...
- يعني راحو ؟ يعني مايجون بعد ؟ هاي هي ؟
رنين :- رااااح اموووووت
ذبيت ࢪوحــي بحضنها وصرت اشهك من البجي
اريد النفس ماكو انكطع اختنكت اختنكت متت :- ياااااابه يمممممه وينكممممم اخوناااا وينكك وين نروح بلياكم وين ولچ يمممممممممه
حضنتها حيل وصرت ابجي
اكلني الندم اكل
على صوتنه اجو عمي ومحمود مخترعين
صارو يهدون بينه ونبجي من حركة كلبنا
حضن راسي محمود وصرت ابجي على صدره
كطعت ࢪوحــي
جر العبايه من وره الباب لبسني ونزلني وابجي منهاره
وعمي هدأ فاطمه ونزلنه ننتظرهم بالباب وانا ࢪوحــي مفرفحة
صعدنه بالسياره وطلع بينه محمود البيتهم
طول الطريق راسي ؏ الجامه ابجي
محترك گلـــبـي
ماحسيت بالطريق ابد ، لحد ما فززني مختار بصوته
وطبكة الباب الي طبكتها فاطمة
- يلا رنين
باوعتله بعيون حزينه هزيت راسي
ونزلت
كعدنه يم خاله ام محمود
تلكتنه بالصلوات ورحبت بينه
ومحمود صعد فوك ومانزل الا وراه نص ساعه
نزل بيده علاليك ودفاتر
اشرلي استأذنت ورحت وراه
راح وره البيت ودخل بمخزن البيت
سوه مثل ماسوه ببيتنه
- راح ابطل اول شي السحر العليج بس اريد تتحملين
هزيت راسي
صار يقرا قران هواااااي
بدت ࢪوحــي تلوب واتأذه
احس شي يعصر ببطني انتهيت كمت اصيح :- كافيييي كافييييي الله يخليك كافي
رحتله اركض مثل الدجاجه المذبوحه اريده يوكف
- لاتقراااا لاتقرااااا
بقى مستمر يقرا كعدت بالكاع وصرت اتقيء
ࢪوحــي احسها انسحبت مني