في قبضة يديه

الحلقه 40

في قبضة يديه ١٨+

الحلقة الـ٤٠

وردة الشيخ محمد
لاتنسون التصويت ومتابعة الحساب

حبيت يكون البارت نفس ماموضح بدفتر الذكريات ♥️
غمض عيونه وطبك حاجبه ولزم خدي:- عليج الكَفيل ؟
استحيت ودنكت
بعيون عراقية مليانه خوف وخجل
جاوبت وبكل توتر:- ليش .. جاي... تسوي هيچ
- شمسوي ؟ هههه
- تخوفني .. ارتبكت :- تخوفني حيل
- اخوفچ ؟
- خايفه من
- اشششهـ...
لزم ايدي وباسها رجفت ࢪوحــي :- من اول مره شفت كصيبتج حبيتچ ، جنتي هاكدچ .. صغيرة وحليوه بس قاصر خفت عليج
- مااعرف هاي السوالف بس شايفه عبد الحليم حافظ يغني بأمر الحب ..
عون :- اريد احجيلچ شحسيت بس راح اكعد بصفچ
- النضج من وكت يخوف .. احساسي بالتحديد اعرفه واحساسك اعرفه وفاهمته بس مااعرف شنو الحب مااعرف من كتلي وكتلك هالحچايه شنو اقصد بيها

كعد بصفي
عون :- شنو فاهمته
- فاهمته من اغاني عبد الحليم ومن سعدون جابر من ناظم الغزالي وهو يغني بكلبه واحساسه ..
فاهمته من تدخل للبيت وبيدك علاكة حلويات وتذبها علينه واحنه كاعدين .. وتصيح يلا اذا ماتاكلوها كلها احرمكم من الحلويات ...
فاهمته من الناس ميته جوع وانت ضامن لكمتنا مال اليوم وباجر وتبقى سهران للصبح حتى تأمنها وماننام جوعانين
فاهمته من اجيبلك بس كلاص الماي تبوس راسي وتكول :-الله يسقيج من ماء الكوثر
ضحك عون :- ومن تكليلي مره يبا ومره خويه ومره ياصاح ( ياصاحب)
ابتسمت ورفعت عيوني للسما:- ومن ننام بالليل وتذب علينه بطانيتك خاف نبرد
ومن مره بالليل كلت اوووف عطشانه ماخليتني اكوم ورحت انت جبتلي ماي
عون ؛- ومن ارجع من الشغل تعبان والكاج مجهزه هدومي ومعطرتها
التفتت عليه عيونه تلمع:- من چنتّ اطول لساني واغلط وافشر ؏ الناس و ب اخلاقك نسيتني شلون اغلط واستحي من نفسي
يباوعلي ويسولف استحيت ودرت وجهي رفعته للسما
عون :- من چنتّ متهاون بصلاتي والكاج محضرتلي السجاده وتصلين وراي ، من علمتيني شلون اصلي صح
مَلاذ :- من لزمت ايد ذيج الطفلة اليتيمه الي عافوها ومحد رادها لان ابوها تبعي وخاطرت بحياتك علمودها
عون :- من عافوني ربعي وهَلي وارد لَلَبيت ماعندي صاحب وصرتي كل صحباني
ملاذ :- من درستني وخليتني اوصل وخاطرت بدراستك وضحيت بيها علمود اوصل ووصلت
عون :-مو مهم انه ، المهم انتو
مَلاذ :- مادري شنو احساسي بس احساس حلو ودافي يشبه حنيتك عليه
لزم ايدي باسها وقرب راسي باسني بكصتي ؛- ارتاحيت كلش من عرفت ملاحظتنا تدرين صعب واحد يلاحظ هالتفاصيل ؟
لزم ايدي :- كومي وياي
- وين هههههههه
- اريد اسوي شغله وخايف
- گَلــي گَلــي
وكف كدامي وجر ايدي وكفت حيل وياه
الكهرباء طافيه
لازم ايدي ويمشي
- عون
- سكتي ولج
- ظلمه ماشوف
بلهجة عراقي ، فرحان ومتوتر:- تعاي بروح ابيچ گوه واكف على حيلي ..
- وياك هههههه وين ماخذني
وكفنا تلمست بالظلمه لكيته الباب عرفته باب غرفته من اليده مالته :- عون
- حبيبتي ، اريد اراويج شي عيونه العون رويحته
حجه هالجملة وكلبي ضل ينبض بقوته
سمعت صوت القفل وفتحة الباب ، توترت وخفت اكثر
دخلنا الغرفه وبالجداحه شعل الفانوس
وباقي لازم ايدي وعاصرها بقوته ، كأنما خايف اعوف ايده وخايف اروح من عنده ،، كأنما عايش بحلم ويخاف يكعد وميلكاني
عون :- اريد اراويج شي ، شابع شم ، شابع حب وحنان من عندي ، مغازله بكلبي الف بيت شعري ، والف كلمة غزل بلهجتنا. العراقية
مَلاذ :- شنو ..
راح وفتح الكنتور ، ضوة الغرفة اصفر بلون النار هادئه ودافيه وبردة الشباك مفتوحه ؏ النص
ريحة حرمل بالغرفة ، وبخور كويتي ، منطي جمالية وسكينه بالغرفة
طلع صندوك وهو روحه تتراجف الدرجة كل شوي يسحب نفسه ويذبه
راح للمسجل داس الدكمه اشتغلت اغنية ( عبد الحليم حافظ - اول مرة تحب )
باوعلي من فوك ليجوه
وغازل دشداشتي بجملة :- شلون بيچ لايگ الدشداشه عليچ
ضحكت :- عبدالحليم ؟
- ادري بيج تحبينه علويه
بدا يغني وبدا صوتي يرف ويه صوته وهو يكول
اول مره تحب يا قلبي وأول يوم أتهنى
يا ما على نار الحب قالو لي ولقيتها من الجنه
اول مره .. اول مره
صرت اغني وياه واميل بجسمي ويه موسيقى الاغنية
مديت ايدي بحركه تموجيه ويه الموسيقى
لزمها عون وباسها ولزم ايدي الثانيه ولفها على ركبته
ولزمني من خصري
صرت اضحك واغني واتمايل ويتمايل وياي
وصل المقطع
قلبي يعيد لي كل كلامك .. كلمه بكلمه يعيدها عليّا
لسه شفايفي شايله سلامك .. شايله امارة حبك ليّا
افرح و املا الدنيا اماني .. لا أنا ولا انت هنعشق تاني