في قبضة يديه

الحلقه32

في قبضة يديه ١٨+

 
الحلقة الـ٣٢

لاتنسون التصويت + متابعة الحساب+ التعليق ؏ كل فقرة ♥️

- ‏لقد فهمت مؤخرًا، ماذا يعني أن يصل المرء إلى ذروة اللاشعور، أن يراقب مشاعره وهي تضيع، دون أن يستطيع الامساك بها، بينما هي تتلاشى بعيدًا.
_____
بقت تباوعلي وترجف
اباوعلها وميهزلي جفن ، انسانه بلا رحمه وبلا انسانيه مااستعطفها ولا تهزلي بدني ولا تهز شعره مني
وكفت ؏ حيلها تنكث وترجف رغم فرق العمر الي بينا ورغم متزوجه وجهالها كبار بس عقلها عقل مراهق و حيه مسمومه ام دم فاسد واسود باوعتلي وهزت راسها ..
عبير :- اذا ماهججتج من البيت مذلوله انا الج
كمت الفلف بخصلة كذلتي :- والله مايهمني غير كسرة اظفري لا انتي ولا غيرج يلا كنامس اطبكي الباب وراج ليفوت برغش ويلسع بشرتي
.. وطكيت بالعلچ .. وهي كبت نار :- ابوچ ماصارله اسبوع ميت انتي شنو ؟؟؟؟
- ها يعني شفتي ؟ اعز ماعندي توفى وهياني كدامچ اطگ بالعلچ ، فما ببالچ شخص غريب هههههههههه

- بسيطة اذا ماربيتج
- وربي روحج وياج ، وانطيتها بوسه بالهوا ...
- خزرتني وطلعت وسدت الباب بقوتها رجعت فتحته وصحت :- فديت اليسمع الكلام اممممممح ...
انطيتها بوسه بالهوا وسديت الباب ، رفعت الدشداشه وكعدت ارطب بشرتي بزيت جوز الهند من الحجيه ..
كملت بست ظفيرتي واتمايل كدام المرايه بمشية القطه على كولة ابويه،
اجه صوت بابا براسي فجأة ، هزيت راسي بتصنع عدم الاهتمام ، هديتله الفاتحة .. لبست جواريبي وطلعت من الغرفه
چنتّ توني منظفه البيت وميته هلكانه ، لكيته مهجوم هجم
ومخليه ابنها ياكل ويلوص بالمطبخ وسلة الزبل بباب المطبخ وريحة حفاظات نفسي كامت تكلب منها
واشوف المواعين تكودت ؏ السنك وانه هسه غاسلتلي جبل من المواعين صحت بيها صوت واحد بكل عصبية :- عبييييييييير ..... تجين تغسلين قذارتج لو اجي اشمر شكو ماعون بغرفتج تفهمين لو لااااا ؟؟؟؟؟ وشنو هاي الكسافه والوصخ لج انتي شلون عايشه شكبرج وشكدج ؟؟؟؟؟
كمت اهز برجلي ومتجتفه اجت الثانيه تتثاوب اسمها بتول :- شكو شكو شنو هالهوسه
مَلاذ :- صيحي العبير تغسل المواعين مو خدم جوه رجلها ، من تطبخين شكو تعوفين وراج چــا شكد وصخه وريحتج طالعه من كبر لفج اي والله .. باع ريحة الحفاظة عووووع راح ازوع
بتول :- شنو هاللسان شنو هالاخلاق مستحيله انتي بطول زري وهيج لسانج
مَلاذ :- والله عاد كيفي المايجي بالعيني واغاتي ادوس ببطنه عبيييييييير ... ومرضضضض عبيرووو
اجت هي وتقلد حركاتي من اتمايل واطك بالعلج :- خير ؟ كنامس
مَلاذ :- الخير بوجهج ياعُمري ، شوفي عيني ، البيت بيت عون خليها ببالج ، اي وصاخه بالكاع ماريد اي ريحه طالعه اي حفاظات بالزباله ماريد خوش لو لا
عبير :- عمࢪج شكد شو بله وجايه تتأمرين ؟ لا صدك وجايه تعلميني ههههه؟ بيت عون شنو دمشي ولي
مَلاذ :- هههههههههههههههههه
كلامج حلو و بسيط لدرجة يدخل من الأذن
اليمنى و يطلع من الاذن اليسرئ بكل سهولة ..
عبير :- والله بلا اخلاق امشي بتول امشي ...
شالت ابنها تريد تريد تاخذه وتفوت الغرفتها وانه اشتعلت ضحت بيها :- الماعين عيني ؟؟؟؟؟
عبير :- صوتج لقيطه انعل ابوج لابو الماعين
يممممممه تكول هيج وتجيب اسم الي عايشه حياتي بذكره وتلعنه تخبلتتتتتت تسوووودنت عقل ماضل براسي
ماحس غير اخذت المس ( الجفجير) وطفرت عليها ودگ على ظهرها واجر واملخ بشعرها انتهيييت
فقدت محمله عليها فوك طاقتي
من يوم الطبيت عدهم لليوم سممتني تفشر وتغلط وانه ساكته الخاطر الحجيه وعون وهسَۿ اثنينهم مو بالبيت عون بالشغل والحجيه عند الجيران
استلمتها تريد بتول تفكني منها ماكدرت
كمت املخ بيها وهي تعت بيه ومن شافتني هجت وثرت من غلطت على ابويه ، كامت تغلط وتفشر عليه وانا ازيد اتخبلت شعرها تكطع بيدي وهي تخرمشني وبالمس وحيل على ظهرها
لحد ما دفعتنا بتول :- ولجنننن كاااااافي الله اكبر عليجن كافي
كمت ارجف رجف انتفض من القهر اخذت ابنها وهي تبجي وحالتها حاله وتدعي وتغلط وتفشر صوتها شعلوه تعيط
صرخت بيها :- جيبي اسم ابويه ؏ لسانج بعد وشوفي حيوانه قذرة وصخه ام جيفه تروح فـَدوۿ الاسمه قذرة
،. ارجف واحجي متت ،، والله ثم والله اذا ما حركتج حرك من الله ياخذج ويحرك كلبج مثل ماحركتي گلـــبـي
هجمت عليه تريد تكتلني صحت بيها :- بالمس وعلى راسج
دفعت بتول وبتول جرتها ودفعتها ودفعتني وصيحت :- دكافي منجلبات وانتي بطول زري شنو هالصوت اليلعلع شنو هالصياح متستحن لميتن العالم علينه