في قبضة يديه

الحلقه 48والاخيرة

في قبضة يديه ١٨+

 
الحلقة الـ٤٨والاخيرة

- [ ⚫️] لاتنسون التصويت
- [ 🔴] والتعليق على كل فقرة  مهم لتكملة
- [ 🔴]  الواتباد : وردة الشيخ محمد
- [ ⚫️] قراءة ممتعة :-

                 ⊰⦁⋘━━━⋙⦁⊱

مَلاذ //
- ‏مازلنا نمضي، رغم وفرة الحزن وتعب الخطوات وتمزّق الطرق، نمضي في غمرة هذا التيه ونتساءل كيف ننجو بالقليل الباقي منا.
تمدد بتعب
كأنما يحضن العظم جلده
ويهَون عليه المأسات الي شافها .
طلع بهدوء علاكة سوده وبيها
دفتر وحط الدفتر يم راسه ، ثكل حركاته مثل الرجال الشايب
الي عمره ثمانين سنة ..
تمدد ؏ القنفه
وحط ايده بين رجله وغفه
بدون مايحجي شي .
اخذت الدفتر منه ، شفت اول عبارة مكتوب بيها
الليلة الاولى في السجن .. ومخلي التاريخ واليوم والساعة .. اخذت الدفتر وياي
ورحت للغرفه طلعت بطانية وغطيته بيها
مختار اخذ اخو ونومه يمه وانا جبت فراش ونمت بالكاع يم عون
ماحجه شي ولا كال اي حرف عن كلشي مر بي
ولا نعرف شلون اجه وشوكت طلع حتى فرحتنه ماعرفنه نعبر عنها غير بس بالبجي بكد ماجنه ضامين بجي بكلبنا وحسرات ببلعومنه ، بجيناه بهاليوم .. الا هو !
جان يباوع بالكاع
ووجه التعبان وجسمه الهزيل واثار التعنيف بكامل جسمه ، وملابسه الي متعلم تكون نظيفة وجديدة اجه وجانت هدومه وصخه .
اخذت الدفتر وعيوني عليه اباوعله وأتأمل وجهه مبلش يكتب التفاصيل كلمه كلمه
صرت اقرا ودموعي تجري ؏ الاحداث الي مكتوبه
وع الناس الي جان كاعد يمهم
و ؏ الرعب الي عاشه و ؏ التعذيب الي حصله بدون ذنب ..
عون كبر الف سنه
و الالف سنه انكتبت بهالدفتر
عبارات هواي كل عباره تحجي معاناته
من الشوق ومن العتب من الحزن من الحب من المعاناة .. اول مره اقرا شي ويوصلني احساسه لدرجة اتخيل كلشي كدامي
خيبات هواي وعبر عنها :- نحن ابناء الخيبات الذين ضحكوا على بهتان وجوهنا اثر الخيبة .
شكد الخَيبة تأذي
وشكد اتأذي اكثر من تكون من اقرب الناس النا
شفت اكثر اذيته من صديقة طارق ، جانت اكثر كتابته ع اسم طارق
هواي مشخبط ب اسمه هواي متأذي عليه
صرت اقرا هواي
وعيوني عليه تباوعله بحزن ع كلشي شافه ، وصلت بقراءتي لجملة " حان الان موعد التعذيب "
وصرت اقرا :-
خذونه من السجن وسطرونه بعدة مجموعات
كل مجموعه يتولاها ضابط محقق
كل ضابط اله وجبه يحقق بيها واله الحق شنو يسوي بيها خل يسوي
طحت بمجموعه
بيها شباب باقين بس هياكل عظميه بوحدة من الزنزانات الموجوده بالسجن
واحد بيهم اسمه امجد
وكفت يمه وماسألته غير همساً :- الله يفك اسرك
فقط هالجملة اكتفيت بيها
ماحسيت غير اتقدم عليه الضابط وصاح بعلو صوته
تعالووووا چلاب ..
جرونه جر مثل الحيونات والشاة الي ناوين يذبحوها
دفعونه دفع بغرفة ظلمه وبس سوه اصفر بيها
ومعلك واحد من ايده رابطينها بالعكس يعني لاوين ايده على ظهره
ورافعينه معلكينه بكمچة البنكة .
والذبان ملتم عليه
وريحة الدم بكل مكان .. وممسوح الدم بكل خيطان الغرفه واكو اثار للدم بشكل اصابع ايد ؏ الحايط
والغرفه عباره عن اسلاك كهربائية وريحة زفرة تارسة المكان
من قريت اسم الغرفة انصعقت وحسيت حيل وطاح على راسي ..
اسم الغرفة " HcH" الغرفة المُشفرة
الي كل المساجين يخافون منها ومرتعبين منها .
الغرفه الي كل واحد يدخل الها يطلع اما معوق او مشلول او منحور او مذبوح او مكسر جسمه او مقطوعه اذنه او ...لسانه.
( الصورة الي شبههة بالغرفة قرابة الـ٧٥٪؜ عذراًع المنظر جداً اعتذر )