في قبضة يديه

الحلقه 41

في قبضة يديه ١٨+

 
الحلقة الـ٤١

- [ ⚫️] والتعليق على كل فقرة  مهم لتكملة الحلقات

- [ ⚫️] حساب الواتباد : وردة الشيخ محمد

                         ⊰⦁⋘━━━⋙⦁⊱

صار عون يوميه يتمدد  ويسولف النا
والحجيه تشاركه بالحجي والقصص ، وره مانخلص دراسه ، نسلس حب  ونستمتع ، والتلفزيون مشتغل ؏ الجيش بس جانت جمعتنا مونستنا الدرجة عايفين وضع البلد السيء .. وملتهين يسوالف عون
يوميه وره مانخلص دراسه
الحجيه تسويلنه حب بالبيت وتسوي مالح
وناكله ويه الچاي
ووجان بذاك الوكت شتا وباردة
وملتزمين كلنا داير مدار الصوبه
وكل واحد ماخذله كتر ملفلف روحه بالبطانيه ويتدفه بالصوبه
وريحة الغرفه ريحة الصوبه
وريحة الخبز المكسب والجاي والحب المالح
عون كاعد بصفي
والحجيه كبالنه كاعده ويمها استكاين الچاي
وعون بيده استكانة جاي وملفلف روحه بالبطانية
ومختار نايم على رجل الحجيه ومتغطي
عون اخذ رشفه من الجاي وكال :- اليوم جايبلكم قصه تخبل
مَلاذ :- ايييي عليك الله
عون:- يلا چــا صبيلي استكانه ثانيه وجيبي خبزتي لاتحترك

صبتله خاله
وانطيته الخبزه اكلها :- بوياااي حاره وتخبل يما ، وعلي مال شلغهم ولبلبي
الحجيه :- باجر اسويلك يلا سولفلنه
عون :- تردون عن اهل البيت لو عليمن
مَلاذ :- اعشق الامام علي ؏ اريد تسولف النا عليه بعد
عون :- ارد احجيلكم عجائبه الامام علي ؏
مَلاذ :- يلا
عون :- فد يوم من الايام ، جان الامام علي ؏ يصلي بالمسجد
مَلاذ :- اي
عون :- ف وره ماخلص الصلاة الاولى جان واكف وراه يهودي ف كله ياعلي اريد اسألك سؤال جان يريد يلهي عن صلاته
مَلاذ :- شنو السؤال
عون :- كله الامام شنو سؤالك ؟ كله ، سمعت رسول الله ص ، يكول انو علي ابن ابي طالب باب الحكمة لكثرة علمه وأريد أنا أن أسألك سؤالا عجزت بالرد عليه ومالكيتله جواب
مَلاذ: اي
عون :- فقال الإمام عليه السلام اسأل.. قال اليهودي: أريد أن اسأل ما هي الحيوانات التي تبيض وما هي الحيوانات التي تلد ؟؟؟ ...
برأيكم شنو ؟؟؟
مَلاذ :- الدجاجه تبيض والطيور تبيض وبعد شنو يعني كل انواع الطيور تبيض والزواحف هم  والسمچ
مختار :- بابا الي تولد  الاغنام والبقره والحصان والماعز
عون :- شفتوا يعني كعدتوا تعددوهن ، الامام علي ؏ شنو كله ؟
جاوبنه:- شنو كله ؟
عون :- فقال الإمام علي عليه السلام الجواب سهل... تعجب اليهودي ظنا منه أن الإمام سيلتهي في الصلاة وهو يتذكر الحيوانات التي تلد والحيوانات التي تبيض .. يعني نفس ماانتو سويتو
مَلاذ :- شنو جوابه ؟؟
عون :- قال الإمام علي عليه السلام :كل حيوان له أذنان بارزتان يلد وكل حيوان ليس له أذنان بارزتان لا يلد .. سبحان الله ..
مَلاذ :- يييااااا اي والله صدكككك
عون :- بس شنو العلماء صار خلاف بينهم ؏ الحوت لان الحوت يلد ف بعدين من بحثوا بالعلم الحديث طلع الحوت  اله أذنان إذا فهو يلد ..
مَلاذ :- يماااااا يجننن الحزورات الي تخبل
عون :- ولج عبيطا الامام علي عبقري ، احجيلكم عن ذكاءه ؟؟؟
مَلاذ :- اي عليك الله اسئلنه وبعدين اذا ماعرفنه كول جواب الامام علي ؏
عون :- الاسئلة السألوها للامام علي ؏ .. اول ماخلق الله تعالى؟ شنو هو ؟؟؟ برايكم
ملاذ:- ادم ؟؟
مختار:- الارض ؟
عون :- لا
الحجيه :- ادم وحوا
عون :- لا .. الامام علي شنو جوابه؟ .. خلق النور
كلنا گلنا :- اللهم صل على محمد وال محمد
عون :- ساله عن طول الشمس والقمر وعرضهما؟قال عليه السلام: تسعمائة فرسخ في تسعمائة فرسخ
مختار :- بابا شنو فرسخ ؟
عون :- باباتي .. الفَرْسَخ من مقاييس المسافة قديمًا
شرب جاي وكمل :- ساله كم طول الكوكب وعرضه؟
قال عليه السلام: اثناعشر فرسخا في مثلهما
مَلاذ :- اريد اكتبهن احس حلوووو واحددد يعرف
عون :- چــا باعي هذا السؤال
كله :-   سأله  عن السماوات السبع واسمائها؟
فقال عليه السلام: اسم السماء الدنيا الرفيع وهي من ماء ودخان,واسم السماء الثانيه فيدوم وهي على لون النحاس,والسماء الثالثه اسمها الماروم وهي على لون الشبه,والسماء الرابعه اسمها ارفلون وهي على لون الفضه,والسماء الخامسه اسمها هيغون وهي على لون الذهب, والسماء السادسه عروس وهي ياقوته خضاء,والسماء السابعه اسمها عجماء وهي دره بيضاء.
الحجيه :- سبحان الله
عون :- وساله عن ابو الجن؟فقال عليه السلام:شومان, وهو الذي خلق من مارج من نار.
مَلاذ:- موجود بالقران مارج من نار سبحان الله