في قبضة يديه

الحلقه 34

في قبضة يديه ١٨+

لاتنسون التصويت ومتابعة الحساب والتعليق على كل فقرة 😍💛

- اسوأ شيء على الإطلاق هو أن تتحمل هموماً ليست مناسبة لعمرك، وشخص يحمل هذه الدرجة من رهف المشاعر في وقت كان يجب أن تعيش أجمل أيامك.
فتحت العلاكة وشفت بيها ادويه نفس ما وصفها الدكتور ونفس الكاغد
ياربي راح اتخبل كمت اخرمش بوجهي شسوي ياربي وين اروح
صعدت الجدوره بسرعه هناك والحجيه فتحت الباب
نشفتلي دمي :- هااا هاااا جدورتي شسوين بيهن
- حجيه كاتلهن الوصخ كلت اطلعهن اغسلهن
- خو ما شخطتيهن جوه ايدج ولج ملذه كلشي ولا تجيسين جدورتي ذن من الغالي غاليات تراهن
- لاتخافين حجيه شسالفه
ذبت عبايتها وانتجت وهي تباوعلي ذبت حسرة وكالت :-
الناس تزرع زرع وانه ازرع النومي
باوعتلها :- شنو يعني
- اااخيييييه يمه .. يامن تعب
يامن شگه
يامن على الحاضر لگه
رحت تربعت يمها نزعتها جواريبها :- تقصدين اولادج ؟
- ويلادي مابيهم نفع يمه مَلذه مابيهم نفع .. ‎يطردونا ونرد ليهم ومثل الحسج نلزك بديهم
انقهرت على حالها خذيت ايدها وكمت اعصر الها مدت ايدها على كصيبتي وكالت :-
‎وريت الحنين يطول عمره ‎وريت من عمري اعل عمره

- اسم الله عليج حجيه عمࢪي العمرج والله محد مصبرني بهالبيت غيرج
تمددت بالمطبخ على رجلها :- والله مادري شلون عايشه ويه ذن الله لينطيهن لا صحه ولا عافيه ولو كلشي مايصير بيهن القهر والضيم ؏ الفقرة المالها واحد
الحجية :- ‎الحجيت انفضحت والسكتت يكتلني القهر
مَلاذ :- منو القاهرج حجيه عمت عينه وانفكست
الحجيه :- ‎ من همي صفيت تراب من الذبيحه البيد كصاب
مَلاذ :- الهالدرجة ؟ احجيلي باعي عيونج شلون مذوبله
الحجيه ذبت نفس ووكفت مختاضه وتتوضه :- ‎كلبي علئ كلب ولدي وكلب ولدي من الصخر
مَلاذ :- محد يسوه والظاهر مامكطعه النعال ع راسهم من همه صغار
الحجيه :- ربيتهم حد ماملاني الشيب
مَلاذ :- وياريت غزر
‎
كملت وراحت الغرفتها رحت وراها :- حجيه منو انطاج اكل او عصير امس
- والله يمه من العِشه ماحاطه لكمه بحلكي ليش يمه
- يعني كلش ماتاكلين شي من احد ؟ مامكاله من ايد بتول وعبير ابد
- ناسيه ييمه چــا ليش شنهي الصاير
- زين علاجج وينه خل اشوفه
- حاطته ؏ الكومدي ذاك هو
- اي خوش بعد كله انا انطيج العلاج مو تاخذين وحدج
- چــا ماعرِف ؟؟
تربعت بالكاع وذبت عبايتها
- لا مو سالفة ماتعرفين بس انه احب ادللج بيها شي ؟
- يمه دللي زلمتج وانطي علاجه چــا انه طلع على لساني شعر وانه اوصي خذ علاجك
حجيت وي ࢪوحــي :- شنو هالعائلة مسطرين الامراض اصطفاف شطلعت هاي
الحجيه :- ماسمعج يمه شكلتي
- كلت خوش انه انطي علاجه بس كليله لايلح ترا اتنرفز ضوضاء ازعاج هو وصوته يصركع راسي
- يا من دهر فرج ؏ هاللسان ولج غير صوت عوين بلبل يغرد بالبيت من اروحن نذر لعيونه وصوته ولج يمه مَلاذ
- ها
‎لا تعزلين فراشج عن فراش رجلج تروح معزتج -
‎
- شنو يعني
- يعني نامي يمه بحضينه عوفج من الخوف يمه كضي زلمتج بهديماته حتى يحب ريحة هديماتج
- مافهمت
- ياطلابه الماتفض حلي عني ارد اصلي واذجر الله حلي