|| ဒေါသစိတ်မွှန်စေရန် မရည်ရွယ်ခဲ့သော ပုလဲနီပျောက်ဆုံးမှု [ အပိုင်း ၂ ] ||
" နားဆွဲတစ်ဖက် မတွေ့တော့ဘူး!"
ရှဲ့လျန်က နားရွက်ဖျားလေးကို ဆွဲရင်းပြောတယ် ။
ရှန်းလာ့သားတွေအနေနဲ့ ကျင့်ကြံခြင်းလမ်းစဉ်ရဲ့ အထွတ်အထိပ်ဟာ ယင်ဓာတ် ( အမဓာတ် ) နဲ့ ယန်ဓာတ် ( အဖိုဓာတ်) နှစ်ခုလုံး သမမျှတ သဟဇာတဖြစ်ခြင်း ၊ အဖိုအမ စုဖွဲ့ ပေါင်းစည်းခြင်းလို့ ယုံကြည်ကြတယ် ။ နတ်ဘုရားတွေရဲ့ အသွင်အပြင်တွေဟာ အမြဲတစေပြောင်းလဲနေပြီး ပင်ကိုသဘာဝအားဖြင့် လိင်ကန့်သတ်ချက်တွေနဲ့ ကန့်သတ်ထားခြင်းမရှိဘဲ သူတို့ စိတ်သဘောထားရှိသလို ယောကျာ်း မိန်းမ ပြောင်းလဲနိုင်တယ် ။ ဒါကြောင့် ဒီယုံကြည်မှုနဲ့ ယွဲ့ရှန် ဝတ်ရုံတော်ကို ရက်လုပ်ထားတာဖြစ်တယ် ။ သမိုင်းတလျှောက် နတ်ချစ်တဲ့ စစ်သည်တော်တိုင်းဟာ ယောက်ျား မိန်းမ နှစ်မျိုးလုံးရဲ့ အသေးစိတ် ပုံစံ စရိုက်လက္ခဏာမျိုးပါဝင်တဲ့ အဆင်တန်ဆာတွေ ဝတ်ဆင်ခဲ့ကြရတယ် ။ ဥပမာ အားဖြင့်ပြောရရင် နားဆွဲ ၊ လည်ဆွဲ စသည်တို့ ဖြစ်တယ် ။ ရှဲ့လျန်တစ်ယောက် နတ်ချစ်တဲ့စစ်သည်တော်နေရာအတွက် ပြင်ဆင်ရတဲ့အခါ သူ့ နားကို ဖောက်ပြီး နားဆွဲတစ်စုံ ဝတ်ဆင်ခဲ့ထားခဲ့တယ် ။
အဲဒီ နားဆွဲတစ်စုံဟာ အလွန်အမင်း ရွှန်းလက် တင့်တယ်လှပတဲ့ ကြက်သွေးနီရောင် သန္တာပုလဲတစ်စုံ ဖြစ်တယ် ။ သန္တာပုလဲလုံးလေးတွေဟာ ကြက်သွေးနီရောင်စိုလဲ့ပြီး ချောမွေ့နေကာ တလက်လက်တောက်ပနေပြီး ထည်ဝါ ရှားပါးလွန်းကာ ရှုမောဖွယ်ရာကောင်းလွန်းလှတယ် ။ ဒါပေမဲ့ ရှဲ့လျန်တစ်ယောက် သူ့ဆံပင်တွေကို အာရုံစိုက် ဂရုထားလိုက်တဲ့အချိန် ကြက်သွေးနီရောင် သန္တာပုလဲ နားဆွဲတစ်ဖက်ဟာ ရှိမနေတော့ဘူး ။
သူက ပျောက်တယ်လို့ ပြောလိုက်တဲ့ တစ်ခဏ မုချင်ရဲ့ အေးဆေးသက်တောင့်သက်သာ ဖြစ်နေတဲ့ အမူအရာဟာ အေးခဲသွားပြန်တယ် ။ ဒါပေမဲ့ ကျန်နှစ်ယောက်ကတော့ သတိမထားမိကြဘူး ။ ဖုန်းရှင့်ဟာ ပထမဆုံး ခန်းဆောင်တစ်ခုလုံး နေရာအနှံ့ရှာဖွေတယ် ။ အတွင်းရော အပြင်ရော ဒါပေမဲ့ မကြာခင်မှာ လက်ဗလာနဲ့ ပြန်ရောက်လာပြီး ပြောတယ် ။
