သင်္ကြန်အကြိုနေမှာ မီမီခန့် ဆိုင်သို့ အစောကြီးရောက်ချလာသည်။ လရောင်ရှိန်နဲ့ နေရောင်ထွန်းလျှံလည်း ရောက်နေပြီမို့ ဆိုင်ထဲမှာ ဟိုရှာဒီရှာနဲ့ မီမီခန့်ကို
" အစောကြီး ဘာလာလုပ်တာလဲ "
" ရွှန်းဝေရော... မရောက်သေးဘူးလား "
" ဒီနေ့ ခွင့်ယူထားတယ်... သူ့အမေကို တရားစခန်းလိုက်ပို့ပေးမလို့တဲ့ "
" ဟမ်..! လျှောက်လည်မယ်လို့ ပြောထားပြီးတော့ "
" ဒီနေ့မှ အကြိုနေ့ပဲရှိသေးတယ် မီခန့် "
" အကြိုနေ့လည်း သင်္ကြန်ပဲ.... သူ့အိမ်လိုက်သွားလိုက်ဦးမယ် "
" သူ့အိမ်ကို သိလို့လား "
ထွက်သွားပြီး အော်ပြောသွားတာ ဘာမှန်းသေချာမကြားလိုက်ရပါ။ အလျင်စလိုနဲ့ ကားမောင်းကာထွက်သွားသည်။
အကျနေ့မှာလည်း မီမီခန့်က ရွှန်းဝေကို အစောကြီး ခေါ်သွားသည်။ ထို့ကြောင့် ဆိုင်မှာ နေရောင်ထွန်းလျှံနဲ့ လရောင်ရှိန်တို့ နှစ်ယောက်တည်း။
ဖုန်းဝင်လာတာကြောင့် နေရောင်ထွန်းလျှံ ဖုန်းကိုင်လိုက်သည်။
" ဒီနေ့တော့ မလာနိုင်ဘူး... "
" ......... "
" ဆိုင်မှာက ဘယ်သူမှမရှိဘူး... မလာနိုင်လို့ တောင်းပန်ပါတယ်.... ခက်ဘာသာပဲ လျှောက်လည်လိုက်တော့နော် "
" ကိုနေ! ကိုနေ! ဟာ... ဖုန်းချသွားပြီ "
" နင့်ဘဲက ဘာတဲ့လဲ "
" မလာနိုင်ဘူးတဲ့... တကယ်ပါပဲ "
ခက်မေရီမျက်နှာက မကျေမနပ်နဲ့ သုန်မှုန်သွားသည်။ သူငယ်ချင်းတွေဆီမှာလည်း အလှောင်ခံရသေးသည်။
နေရောင်ထွန်းလျှံက ဆိုင်မှာရွှန်းဝေမရှိတော့ လရောင်ရှိန်တစ်ယောက်တည်းမို့ ဘယ်မှမသွားခြင်းဖြစ်သည်။
" ကိုနေ... သွားစရာရှိလို့လား "
" အရေးမကြီးပါဘူး "
ဤသို့နှင့် မီမီခန့်နဲ့ ရွှန်းဝေက ဆိုင်မကပ်သလောက် နေရောင်ထွန်းလျှံနဲ့ လရောင်ရှိန်မှာ ဆိုင်၌ဒိုင်ခံရှိနေရသည်။
YOU ARE READING
My Kind-hearted Boyfriend ( Completed )
RomantikNay+Lah Couple 🌞🌝💞💞 My second fiction... လရောင် ကိုယ့်ဆီပြန်လာဖို့ မလိုပါဘူး.... ကိုယ်က လရောင်ဆီ ရောက်အောင်လာခဲ့မယ်... လေရာင္ ကိုယ့္ဆီျပန္လာဖို႔ မလိုပါဘူး.... ကိုယ္က လေရာင္ဆီ ေရာက္ေအာင္လာခဲ့မယ္...
