مشاري وقاسم

4

يلا نحدث ..

3

2

1

.

.

رفع قاسم صوته عشان يصحي ابوه من فهاوته.

-" ابوي في كرسي هنا تقدر تجلس"

جلس الأبو وكانت اول جمله بعد ادراكه لمحيطه وتلاشي سحر ام مشاري: سود الله وجهك،الوعد في البيت

المدير : لا يا ابو قاسم الموضوع ماينحل كذا ماحصل الا الخير ،على بال ماتجي تكلمنا مع كل الأطراف وطلعوا هم المتنمرين وسارقين واجب مشاري وولدك صف معاه. صف مع الحق

تحولت كفهرت ابو قاسم الى شيء من الرضا : اييييه كذا اجل !! ،  كفو ياولدي ، وقف دايم مع الحق وزباين البسطه.

ثم انحنى بجسده للأمام وسوا نفسه كأنه يهمس بس بصوت مسموع: ووقف مع زباين البسطه

رغبته في التميلح لا تنتهي والان يرجع يسند ظهره وعينه شوي على المدير وشوي على ام مشاري :  انت مثل ابوك ماشاء الله ، ذيب وراعي فزعه ، يابخت من تخطبها ولا وشرايكم.

يضحك الابو لحاله ضحكه عاليه جدا خلت الجالسين يتلفتون على بعض متفشلين من ضحكته الغريبه وكأن في غاز ضحك تسرب بالغرفه.

تفرده بالضحك حسسه بثقل دمه فتصنع سريعاً السعال لين بلع ضحكته وقام ينفض ثوبه اساس ينظفه من شيء محد يشوفه.

كل هذا صار وبيان واقفه عند الباب مافي مقعد فاضي لها بس هي ولا مهتمه ، عيونها مصوبه على ام مشاري الي تشبه الى حد كبير الممثله ليلى سلمان .

من ضمن أخذ وعطى اولياء الامور مع المدير ، عرفت بيان ان ام مشاري جت مدرسة الأولاد نيابه عن زوجها المتوفي ومباشره صارت الأم بعينها طوق النجاه من الفقر ورغم انها تجهل حالتها الماديه لكن اكيد بيضل افضل من وضعها الحالي.