كيان التوأمان الجزء ١ و الجزء٢ (السودا)

التاسع عشر

انتهي الفرح و هاهم يقفوا بانتظار انتهاء تويع يقين لاسرتها

يقين بدموع و هي تعانق كيان : هتوحشيني اوي

كيان بدموع :كبرتي يا كوكو مين هيغلس عليا و انا بعمل الاكل طيب و لا مين هيديني الحضن اليومي بتاعك اللي بينسيني كل حاجة ممكن تزعلني او زعلتني قبل كدة

يقين :هجيلك كل يوم عادي

التفتت لخالد ببراءة و خوف :مش انت هتخليني اروحلهم كل يوم يا خالد

خالد بابتسامة :حاضر يا روحي

خرجت منه بتلقائية شديدة دون ان يعي ما قاله حتي

لوت نعمة شفتيها بحنق شديد

عانقها ايمن بشدة :حبيبتي خدي بالك من نفسك و لو عايزة اي حاجة كلميني فاهمة

اماءت له يقين و عانقته بشدة

عانقها كريم بحنان و دموع :مبارك يا روحي ربنا يسعدك و يحلي ايامك

ها حان موعد امجد الذي لم يداري هو ايضا دمعته فيقين هي اقرب من له بهذا المنزل :هتوحشيني يا كوكو

يقين بدموع : وانت كمان

امجد :لو عوزتي اي حاجة كلميني و لو صحيتي عايزة شوكولاتة و لا مارشملو كلميني و مش هتعصب عليكي  والله مش لازم تقوليله هو انا هجيبلك

اماءت يقين بدموع و هي تشدد من عناقه

ثم ابتعدت عنه و التفتت لخالد بثبات :خالد انا مش عايزة اتجوز خلاص غيرت رائيي

نظر لها خالد بغباء :نعم

نظر لها الجميع ببلاهة

عانقت يقين ايمن بشدة :انا خلاص مش عايزة اتجوز هروح معاهم

خالد :يقين يا ماما احنا اتجوزنا خلاص

يقين ببكاء و هي تشدد من امساكها بأيمن :لا انا عايزة بابا

كيان و هي تحاول تدارك الموقف :كوكو انتي مش صغيرة يا روحي يالا لازم تروحي بيتك

يقين ببكاء :لا انا عايزة بابا

كريم و هو يجعلها تنظر له :كوكو بصيلي يا قلبي في ايه مش ده خالد اللي وافقتي تتجوزوا مالك يا روحي

يقين :ايوة بس انا مش عايزة اسيبكوا

خالد و هو يحاول الخروج من صدمته :يقين انتي مش هتسيبيهم يا ماما دانتي هتشوفي دكتور ايمن كل يوم اصلا

ايمن و هو يعرف ان ما يقوله خاطئ و لكن تبا للاعراف و حديث العقل و ليشدد علي محاوطتها :خلاص يا جماعة مش لازم

شادي ببلاهة :مش لازم ايه يا ايمن انت بتهزر

ايمن :و هي مش عايزة تروح يا شادي خلاص تيجي معانا يومين او اسبوع كدة و بعدين انا هوديها