ايمن :ها يا كيمو عايزنا فإيه
كريم بجمود :عايز اسافر دبي امسك فرع الشركة الرئيسي اللي هناك
انتفضت كيان بحنان و لوع :ليه يا كريم عايز تسبني و تسافر تاني
ايمن بغيرة :تصدقي كنت هرفض بس بعد تسبني دي هبعته فشوال
كيان بعتاب :بس يا ايمن مش وقت هزاار
ثم وجهت حديثها لكريم :هتسافر و تسبنا يا كريم
اقترب كريم منها بحنان :انا مش ههاجر انا هسافر لفترة و ارجع تاني
كان الصمت هو اللغة الوحيدة السائدة بينهم
كريم ليقين :طب قوليلهم انتي يمكن يقتنعوا
لم ترد عليه يقين بل وقفت بهدوء :تصبحوا على خير عايز حاجة مني يا بابا
نظر لها ايمن بهدوء :لا يا قلبي روحي نامي
قبلت يقين جبهة ايمن كما اعتادت و جبهة كيان ثم اتجهت لغرفتها بصمت
أمجد بهدوء :و. انا كمان هروح انام
و لم ينتظر سماع ردهم و اتجه لغرفته
كريم :بابا لو سمحت سبني اخد قراري
ايمن :و انا من امتي ضغطت عليك فحاجة يا كريم عشان تقولي كدة
كيان بدموع :يعني ايه يعني انت مش هتمنعه يا ايمن
كريم بعصبية يحاول منعها :هو انا عيل يا ماما عشان يمنعني
كيان :اه بدام مش بتفكر صح تبقى عيل
ايمن بهدوء صارم :كيان
نظرت له كيان بدموع و غضب ام و صمتت
ايمن بهدوء :اطلعي استنيني فوق حبيبتي
نظرت له كيان بغضب
ايمن بهدوء و حنو و هو يقبل وجنتها : يالا يا روحي و انا شوية و جاي وراكي
نظرت كيان لكريم بعتاب و صعدت لغرفتها
فرك ايمن جبينه باصبعيه السبابة و الابهام :ها قول يا حبيبي كدة اللي عندك
كريم :عايز اسافر
ايمن بدون مقدمات :ليه
كريم :كدة هبقي مرتاح اكتر هناك
ايمن :ماهو معنى كلامك ان في حاجة مش مريحاك هنا عايز اعرفها
كريم بعصبية :هو لازم اكون مضايق عشان اسافر مانا روحت درست فالمانيا و حضرتك متكلمتش
ايمن :لان ساعتها كانت دي مصلحتك و انا مردتش أأيد حريتك و كنت شايفك فرحان لكن لما اشوف حزن مداريه ببرود يبقى ساعتها لازم اسأل
كريم :طيب انا مش مضايق و بقول لحضرتك عايز اسافر امسك شركة ابويا اظن من حقي أدير شغله اللي بناه
أنت تقرأ
كيان التوأمان الجزء ١ و الجزء٢ (السودا)
Romansaوجهان لعملة واحدة نعم متشابهان و لكن تشابههما يبعدهم كقطبي المغناطيس ذهب هو الوجه الجامد و تبقى بطلنا وقع أسير فتنتها وقع أسير حياته أين ستبقى به هذه الواقعة ستكون نقمته ام نعمته ستكون سبب لتعاسة ام ستكون سبب لفرحة
