فى صباح اليوم التالى أخذت جميلة رنا معها للمركز وأصرت والدتها أن تكون موجودة وطلب منها الدكتور بعض التحاليل وطبعا الأشعة كانت موجودة وحدد موعد للعملية بعد ان تفك جميلة جبس ذراعها ,إنتظرت جميلة هذه الأيام بفارغ الصبر كان حلمها منذ الطفولة والآن حان وقت تحقيقه .
فكت جميلة ذراعها وإطمأن الطبيب على إلتحام عظمها بصورة جيدة ونظرت جميلة لذراعها وسالت دموعها مرة اخرى فقالت رنا: بتعيطى ليه دلوقتى؟
تذكرت جميلة يوم نجاحها الذى تعرضت فيه لإهانة وكسر ذراعها فقالت: إفتكرت اليوم اللى بوظو فيه فرحة نجاحى وسببو لى الألم.
إرميهم وراء ضهرك ياجميلة خلاص هم إنتهو ومعدش ليهم وجود حتى لو شفناهم تانى وخلى دراعك ده درس يعلمك ,, تثقى فى مين ومتثقيش فى مين..
دراعى هايفكرنى دايما متقلقيش.....
أخيرا حان اليوم المنتظر ودخلت جميلة للعمليات التى إستغرقت وقت طويل جدا وعندما خرجت طمأنهم الطبيب وقال: هى هاتعانى من بعض الآلام لكن تم تعديل الفك وتركيب الأسنان وبعد أسبوع او إتنين مش هايبقى فيها اى حاجة, مبروك...
عانت جميلة الكثير من الألم وتورم وجهها ولكنها تحملت, كل شئ يهون لتصبح فتاة عادية, لم تكن تطلب الجمال فقط ان تكون عادية فى عيون الناس حتى يكفو عن الاستهزاء بها والسخرية منها, إنتهى الأسبوعان وأمسكت جميلة مرآة لأول مرة لترى فمها بشكله الجديد , كانت تضحك وتبكى فى نفس الوقت من فرحتها أصبح فمها جميلا وأسنانها منتظمة وتغير شكلها ولأول مرة ترى نفسها جميلة, عيونها ظهر جمالها بعد تعديل الفم, ضمتها امها واختها بفرحة وقالت رنا: شكلك إتغير خالص ياجميلة ,, تصورى بقى فيكى شبه من خلود...
ظهرت ملامح جميلة التى كانت تختفى خلف فم كبير وأسنان ملتوية بارزة وبدا فعلا واضحا ملامحها التى تشبه اختها وقالت رنا: فاضل حاجة واحدة وتبقى تمام.
جميلة: هى إيه؟
رنا: شعرك اللى على طول رابطاه ده تعمليه وتفكيه.
جميلة: اعمله إيه؟
رنا: بروتين كرياتين بنسلين اى حاجة ,,,
ضحكو كلهم واكملت رنا : هى يعنى كل البنات اللى حواليكى شعرهم حلو طبيعى, دول عاملين فيه البدع ...
خلود: ايوه رنا عندها حق .. بس كده هاتبقى احلى منى ياجميلة وتآكلى الجو.
ضمتها جميلة وقالت: إنت مفيش احلى منك فى الدنيا ياخلود.
ربنا يديم المحبة بينكم ياللا بقى نروح وإلا هانفضل فى المركز....
عندما رأى احمد إبنته دمعت عيناه وضمها وقال: مبروك ياحبيبتى ,,ألف مبروك.
أنت تقرأ
أنا جميلة
Lãng mạnكل إنسان له نصيب من إسمه كما يقولون مرتبط بحياته وحظه ونجاحه , جميلة كانت مختلفة فنصيبها من الإسم لم يكن يمثل الحظ أو النجاح بل كان إسمها نقمة عليها ودائما ماكنت تلوم أمها لأنها إختارت لها هذا الإسم , جميلة كان مجرد إسم لاعلاقة له بالشكل لأنها فعلا...
