طبعا توقف الجميع فى الإستوديو عندما سمعو كلام يوسف الذى لم يعد يستيطع كتمان مشاعره أكثر من ذلك وإنتظرو بترقب ليرو رد فعل جميلة وتابعها هشام وهمس لنفسه: اهدى ياجميلة وبالراحة عليه.... يارب تعالج الموقف صح...
مال عليه المخرج وقال: هو فيه إيه؟
بينهم مشكلة من زمان والواد بيحبها وهى قدامه زى الجدار ...
بدأت جميلة فى الضحك بسخرية وبصوت عالى عندما سمعت يوسف يقول أنه يحبها وقالت : مش ناقص غير اللعبة دى كمان..
لعبة إيه؟ أنا بأتكلم جد ياجميلة انا بأحبك...
وأنا بقى عبيطة علشان أصدقك تانى؟؟؟ حب إيه؟ إنت تعرف الحب؟؟
معرفوش ليه ؟ مليش قلب يعنى؟
مستحيل.. ... إلعب غيرها..
أمسك يوسف ذراعها حتى لاتبتعد وقال: لازم تسمعينى ياجميلة وأرجوكى كفاية هجوم بقى وكلام جارح.. انا بأحبك ليه مش مصدقة..
تفتكر ليه؟
اللى حصل زمان إعتذرت عنه أكتر من مرة وحاولت اتقرب منك وأصالحك إنتى اللى مش راضية ؟؟؟ بأحبك والله بأحبك...
ساد الصمت بعد هذه الجملة ونظرت له جميلة بحيرة وظهر صراع على وجهها كانت متوزعة بين رغبتها فى تصديقه وخوفها من ان يكون يلعب لعبة جديدة عليها تكسر قلبها هذه المرة وتقتله تماما قالت: صعب أصدقك بعد اللى عملته معايا...
ثار عليها يوسف وقال: اللى عمتله....... اللى عملته؟؟ ماخلاص, كانت غلطة وندمت عليها وأتعاقبت وضاعت سنة من عمرى ,,,, وإعتذرت لك مليون مرة.. وباجرى وراك علشان أرضيكى باى طريقة...
أنا مطلبتش منك تجرى ورايا ولاتراضينى, انا عايزاك تبعد عنى وتسيبنى فى حالى انا تعبت منك ومن مطاردتك لى .. تعبت...
وانا كمان تعبت , قلبى بيوجعنى منك,, كل مرة بتصدينى كأنك بتدخلى سكينة فى قلبى وانا مستحمل وصابر,, بس بجد تعبت .. تعبت من هجومك وكلامك القاسى ومعاملتك الجافة معايا بالرغم من كل محاولاتى...
بطل محاولات .. مش هاتجيب نتيجة..
أنا فاكر كلامك وقفتى تأدبينا وقلتى " أنا مش عايزة الشكل الحلو ويكفينى قلبى الطيب وروحى الحلوة ونفسى المتواضعة ...يكفينى إنى عمرى ماأذيت حد ولاعملت حاجة وحشة... خليكم إنتو فى قلوبكم الفاسدة " مش ده كلامك ياجميلة..
إندهشت جميلة لأنه تذكر كلماتها بالحرف وأكمل: كلامك اللى لمس قلوبنا وخلى وشنا فى الأرض أنا دلوقتى بأقولك إنك مطلعتيش مختلفة عننا لأنك أذيتينى ...أيوه أذيتينى ...إنت كان ممكن تنسى الموقف ونبدأ من جديد لكن إزاى؟؟ لازم تفضلى فاكراه وتفكرينى علشان تكسرينى قدامك .... أنا صحيح شاركت فى تصرف وضيع .. جرحك ووجعك ... لكن إنتى أذيتينى فى قلبى وده وجعه أكبر مليون مرة من الوجع اللى حسيتى بيه زمان ...... وقلبك النضيف اللى كنت بتفتخرى بيه بقى زي قلوبنا يومها ملوث,, قلب مليان حقد وكره ... سنتين وأنا بالف وراكى وباحاول ارضيكى بكل طريقة لكن قلبك الإسود إتملى حقد وكره .
أنت تقرأ
أنا جميلة
Roman d'amourكل إنسان له نصيب من إسمه كما يقولون مرتبط بحياته وحظه ونجاحه , جميلة كانت مختلفة فنصيبها من الإسم لم يكن يمثل الحظ أو النجاح بل كان إسمها نقمة عليها ودائما ماكنت تلوم أمها لأنها إختارت لها هذا الإسم , جميلة كان مجرد إسم لاعلاقة له بالشكل لأنها فعلا...
