بعد إنتهاء تصوير الحلقة حصلت جميلة على تصفيق حاد من طاقم التصوير والمخرج وهنأها الجميع وقال هشام: مذيعة مدهشة والله ياجميلة...
إقترب المخرج وهو يقول: قريب نعمل لك برنامج لوحدك...
مش للدرجة دى, ده انا كنت خايفة قوى..
لما تبقى مستعدة كويس عمرك ماتخافى.. بجد حلقة مبهرة...
رن هاتف المخرج فقال: أستاذ شوكت صاحب القناة.. الو .. اهلا شوكت بيه.. آه حصلت ظروف كده للأستاذة سناء... جميلة. لأ مش مذيعة دى بتشتغل فى الإعداد معانا ... آه موجودة طبعا..
ناول المخرج الهاتف لجميلة وقال: أستاذ شوكت عايز يكلمك...
مدت جميلة يدها المرتعشة لتمسك بالهاتف:الو اهلا أستاذ شوكت.... الله يخليك شكرا.. شكرا.... طبعا طبعا معنديش مانع أبدا.. تحت امرك....
اعادت الهاتف للمخرج ووضعت يديها على وجهها المتورد وقالت: بيقول عايز يقابلنى...
هشام: مش قلت لك قريب هايبقى لك برنامج بإسمك إنت.. أنا نظرتى متخيبش أبدا..
رمق يوسف هشام بغيرة ولكنه لم يتكلم... ,إقترب منهم المخرج بعد ان انهى كلامه مع شوكت وقال: إنتى اللى هاتقدمى باقى الحلقات لحد ماسناء ترجع وأستاذ شوكت هايديكى اجرهم طبعا.
أنا!! هاقدم البرنامج.؟؟؟
أيوه لحد ماسناء ترجع يعنى حلقتين كمان ويمكن اكتر..
إبتسمت جميلة بسعادة لأنها ستحقق اكثر من احلامها نظر لها يوسف: مبروك ياجميلة تستاهلى كل خير ...
أسرتها عيناه مرة اخرى وخفق قلبها وإحمر وجهها هذه المرة بسبب نظراته لها فهمست: الله يبارك فيك يايوسف...
رن هاتف هشام واجاب: خدى ياستى .. المدام عايز تبارك لك.
هى شافت الحلقة؟
أمال وعجبتها قوى..
امسكت جميلة هاتف هشام وإبتعدت وقال يوسف: المدام بتاعتك ؟؟إنت متجوز.
طبعا متجوز وعندى 3 اولاد ,, ومراتى من يوم ماتعرفت على جميلة وقعت فى حبها وإتصاحبت عليها.. دى ياما إتغدت عندنا وسهرت معانا.
تنفس يوسف براحة لأن ظنه لم يكن فى محله ومابين هشام وجميلة صداقة فقط وإبتسم بفرحة
دخلت جميلة بيتها وهى تصرخ بسعادة : ماما بابا إنتو فين؟
خرجو من حجرتهم وسألها أبوها: خير ياجميلة؟؟
خير طبعا , انا قدمت حلة برنامج النهاردة..
إزاى؟
اخبرتهم جميلة بما حدث فقالت امها بإحباط: مش تكلمينا نتفرج إحنا كمان ونقول للناس.
أنت تقرأ
أنا جميلة
Romanceكل إنسان له نصيب من إسمه كما يقولون مرتبط بحياته وحظه ونجاحه , جميلة كانت مختلفة فنصيبها من الإسم لم يكن يمثل الحظ أو النجاح بل كان إسمها نقمة عليها ودائما ماكنت تلوم أمها لأنها إختارت لها هذا الإسم , جميلة كان مجرد إسم لاعلاقة له بالشكل لأنها فعلا...
