إلتف جميع العاملين حول جميلة ويوسف مهنأين لنجاح الحلقة وإقتربت إحدى الفتيات بسرعة منهم تقول: مش ملاحقين على التليفونات الناس هاتتجنن من الحلقة
مهدى: الريت إرتفع جدا الكل معجب بشجاعتك ياجميلة..
وسيم: بصراحة أنا إتفاجئت بعرضك لصورك قبل وبعد, دى شجاعة تحسدى عليها
نظر لها يوسف بإعجاب وقال: جميلة طول عمرها جريئة وشجاعة بس بصراحة ده اكتر من اللى إتوقعته بجد إنت شجاعة قوى...
وقفت إسراء تتابع كلامهم وهى لاتصدق بأن جميلة سبقتها بخطوة وعرضت الصور وبطريقة ذكية أيضاسمع الجميع صوت إسراء تقول بعصبية: إزاى؟؟
إلتفت الجميع لإسراء و نظرت لها جميلة وقالت: إيه رأيك فى الحلقة يا إسراء؟
إرتجف جسم إسراء وهى تقول بثورة: إنت إيه؟ إزاى تحولى الحكاية لصالحك بالشكل ده؟ إزاى تعرضى صورتك؟
أنا عمرى ماخفت من صورى القديمة ,معملتش أى حاجة أخاف منها بالعكس صلحت حاجة طبية يعنى لاعملت تجميل ولاغيره وحتى لو كنت عملت تجميل ده حقى وحق أى بنت فيه حاجة فى شكلها مزعجة أو بتخليها عرضة للسخرية,, طول عمرى كنت باعانى من ناس زيك كتير لكن قدرت إنى أكمل حياتى وأنجح, لكن إنت بتفكيرك المريض ده عمرك ماهاتنجحى أو توصلى يا إسراء.. إستغليتى صورى القديمة علشان تهددينى أسيب البرنامج أو تفضحينى
نظر الجميع بدهشة وأكملت جميلة: هو ده تفكيرك,, أسيب البرنامج وبعدين تهددينى تانى أسيب يوسف باسبب الصور,,,, أنا محدش يلوى دراعى والمرة دى كمان خسرتى .. هاتعملى إيه تانى علشان تبعدينى عن البرنامج؟؟
هاتشوفى أنا هاعمل إيه؟ إنت هاتسيبى البرنامج بأى طريقة وانا الى هاقدمه وبكرة تشوفى ...
مسكينة بجد مسكينة, مبتتعلميش ابدا ولا هاتتعلمى .... إنت أنانية وحقودة وصدقينى محدش هايرضى يشغلك وإنت بالعقلية دى...
نظرت لها سراء بحيرة ودمعت عينها وإبتعدت وهى تدق الأرض بقوة وغضب وإقتربت منها يوسف: هددتك يعنى إيه ياجميلة؟؟
جت لى وهددتنى يا إما أسيب البرنامج أوتنزل صورى على النت وتفضحنى على حد قولها..
معقول؟ إيه الوقاحة دى؟ إزاى تعمل كده؟؟
وسيم: للدرجة دى تفكيرها سئ..
هى معتقدة إنها لما تبعدنى هاتقدم البرنامج وتنجح
وسيم: بس برافو ياجميلة سبقتيها..
كان لازم اعمل كده وإر كانت هاتههدنى تانى أبعد عن يسوف وهى حاطة عينها عليه والله أعلم كان ممكن تعمل إيه تانى أو تطلب إيه.. علشان كده عملت الحلقة دى وخليتها تخسر الورقة الرابحة اللى كانت معاها,
أنت تقرأ
أنا جميلة
Romanceكل إنسان له نصيب من إسمه كما يقولون مرتبط بحياته وحظه ونجاحه , جميلة كانت مختلفة فنصيبها من الإسم لم يكن يمثل الحظ أو النجاح بل كان إسمها نقمة عليها ودائما ماكنت تلوم أمها لأنها إختارت لها هذا الإسم , جميلة كان مجرد إسم لاعلاقة له بالشكل لأنها فعلا...
