وقفت جميلة امام المرآة وهى تكلم إرتداء ملابسها وإبتست وهى تتذكر إسراء وتمنت لو كانت موجودة وشوكت يخبرها بأنه ستقدم فقرة وحدها بالتأكيد ستكون صدمة عمرها ,رن هاتفها باتصال عبر الأنترنت اسرعت تمسكه بلهفة وفتحت الكاميرا: رنا حبيبتى ..
إزيك ياجى جى.
الحمد لله اخبارك إيه؟
تمام.. وحشتينى قوى ياجميلة.
إنت اكتر يارنا, هاتنزلو اجازة إمتى؟
لسه أسبوع كمان.. انا خلاص هاتخنق هنا لوحدى..
لسه برضه جوزك مش عايزك تشتغلى؟
لأ ياستى ومصمم إنى أفضل فى البيت خلاص إتخنقت..
معلش لما تنزلو احاول أقنعه لك.
ياريت ياجميلة... أخبار البرنامج إيه؟
ضحكت جميلة وقالت: ده انا عندى شوية مغامرات ,إسمعى ياستى..
تكلمت جميلة مع رنا وأخبرتها عن ماتفعله إسراء وضحكت رنا على المقلب الذى قامت به جميلة مع إسراء وسألتها: تفتكرى هاتنجح؟
طبعا لأ... مستحيل تقدر لوحدها. .
بس شكلها كده مش هاتسكت..
هاتعمل إيه يعنى؟ انا صاحية لها ...
طول عمرى بأقول إنك شخصية ياجميلة... بس برضه خدى بالك منها..
متقلقيش بصى انا لازم انزل ,الحلقة المرة دى على الهواء لما أرجع هاكلمك تانى واحكى لك على اللى حصل..
مر يوسف على جميلة وذهبا معا للأستوديو وطبعا اعدت جميلة مع يوسف مايخص فقراتهم وجلست تتناقش معه مرة اخرى قبل الهواء ودخلت إسراء وهى تبدو غاضبة وإقتربت منهما وقالت: إنت فاكرة إنك كده هاتقدرى تستولى على البرنامج.. تخلى عمو شوكت يفصلنى عنكم..
جميلة : مش إنت مش مرتاحة معانا ياإسراء.
نظرت لها إسراء بغيظ وقالت بغضب: انا عارفة إنك غيرانة منى لأنى هاسحب البساط من تحت رجليكى واتفوق عليكى علشان كده خايفة منى لكن انا مش هاديكى الفرصة دى أبدا وهاعرفك حجمك وساعتها هاتعرفى إنت مين وانا مين؟
لم يتحمل يوسف ووقف وقال بثورة: انا ماسمحكيش تكلمى جميلة بالطريقة دى ...
إبتسمت جميلة بفخر لأن يوسف يدافع عنها ولكن إسراء نظرت له بحزن: إنت بتزعق لى علشانها؟
تانى مرة إياكى تتكلمى معاها كده..
بلعت إسراء ريقها بصعوبة وتلفتت حولها, كان الجميع ينظر إليها بتشفى ,إرتجف وجهها وقالت: طيب... هاتشوفو ...
إبتعدت غاضبة وهى تدق الأرض بقوة وأشار لهم المخرج ليجلسو فى اماكنهم وإقترب مهدى وقال: الضيوف كلهم موجودين وهاندخلهم زى ماتفقنا,
أنت تقرأ
أنا جميلة
Romanceكل إنسان له نصيب من إسمه كما يقولون مرتبط بحياته وحظه ونجاحه , جميلة كانت مختلفة فنصيبها من الإسم لم يكن يمثل الحظ أو النجاح بل كان إسمها نقمة عليها ودائما ماكنت تلوم أمها لأنها إختارت لها هذا الإسم , جميلة كان مجرد إسم لاعلاقة له بالشكل لأنها فعلا...
