فى بيت جميلة تحرك احمد بقلق وسأل: هى جميلة مطلبتش تقول لنا النتيجة ليه؟
أكيد نجحت ,جميلة شاطرة وعارفة مصلحتها كويس.
برضه تتصل تفرحنا بنجاحها .
أمسك أحمد هاتفه وإتصل فلم تجيب قال: وبعدين فى القلق ده؟
ياسيدى إطمن إنت مش عارف جميلة يعنى دى كانت بتذاكر ليل نهار..
بس عدم ردها حاجة تقلق....
تبادلت زوجته النطرات معه ولم تتكلم لأنها قلقت هى الأخرى..
فى القاعة نظر الجميع على جميلة الواقعة على الأرض كنت تئن بألم من ذراعها و أسرع يوسف يساعدها ولكنها رفضت يده الممدودة وإستندت على رنا رغم ألمها وأمسكت ذراعها وأمسكتها رنا لتصعد للمسرح ..وهى تقول: إنتو حيوانات مش بنى آدمين ... لاعندكم اخلاق ولارحمة..
كانت جميلة تتألم من ذراعها المكسور ولكنها امسكت الميكرفون وقالت: انا بأشكركم على الحفلة الجميلة والكلام الحلو... إنتو مش عاجبكم شكلى وبتتريقو على. نسيتو إنى خلفة ربنا زيكم ... بس عايزة أقول لكم حاجة الجمال سهل يتعمل بالفلوس واوحش بنت تقدر تبقى ملكة جمال بعملية تجميل لكن اللى لا يمكن يتجمل بفلوس الدنيا هو الروح الملوثة اللى زى أرواحكم ونفوسكم السيئة الى عمرها ماهاتبقى جميلة...
إحنو رؤوسهم بخجل وأكملت : أنا عمرى مافكرت اكون معاكم فى أى جروب لأنكم أقل منى فى كل حاجة أيوه, إنتو أقل منى ,أقل فى العقل والتربية والأخلاق, انا ساعدت بنية سليمة وإتقابلت بقلة أدب منكم وتصرفات غير اخلاقية ....وأنا مش عايزة الشكل الحلو ويكفينى قلبى الطيب وروحى الحلوة ونفسى المتواضعة ...يكفينى إنى عمرى ماأذيت حد ولاعملت حاجة وحشة... خليم إنتو فى قلوبكم الفاسدة والحمد لله إنى مش صديقة لحد فيكم لأنكم متعرفوش معنى الصداقة ولا الإنسانية.... إنتو فاكرين نفسكم قوايا بكرة هاييجى الأقوى منكم يهزمكم... الدنيا دوارة,,, شكرا يا اولاد الناس.. على كسر دراعى هايفضل ذكرى ليوم عمرى ماهانساه أبدا ولا هانسى إنكم قابلتم المعروف بقلة أدب وقسوة وعلمتونى إنى ماساعدش حد .. ومبروك النجاح على اكتافى.
نزلت من على المسرح وإتجهت للباب ولحق بها يوسف: جميلة أنا مكنتش اعرف و...
نظرت له جميلة بغضب وقالت: أنا ساعدتك لأنك محتاج المساعدة وكنت فاكرة إنك هاتقدر مساعدتى لكن طلعتو مش بنى آدمين.... أخص عليك. إخص عليكم كلكم...
صدقينى مكنتش اعرف .
كنت عارف إنهم جايبينى يتريقو على وقلت نضحك شوية,, مش كده؟؟ بس الحكاية وسعت منكم حبتين.... من فضلك معدتش تقرب منى تانى , مش عايزة اعرفك أو اعرف شلتك الفاسدة....
أشارت لذراعها وقالت: شكرا على الهدية...
أحنى يوسف رأسه أمامها وخرجت جميلة مع رنا وأخذتها للمستشفى ليقوم الطبيب بتجبيس ذراعها وكانت تبكى بشدة من ألم ذراعها وألم نفسها وروحها وقالت رنا: متزعليش هم اللى وحشين ياجميلة.
أنت تقرأ
أنا جميلة
Romanceكل إنسان له نصيب من إسمه كما يقولون مرتبط بحياته وحظه ونجاحه , جميلة كانت مختلفة فنصيبها من الإسم لم يكن يمثل الحظ أو النجاح بل كان إسمها نقمة عليها ودائما ماكنت تلوم أمها لأنها إختارت لها هذا الإسم , جميلة كان مجرد إسم لاعلاقة له بالشكل لأنها فعلا...
