بعد الاتصالات اللازمة تم تحديد موعد لجميلة ويوسف للذهاب للقناة لمقابلة المخرج ,كانت جميلة متحمسة جدا وسعيدة وهى ترتدى ملابسها لدرجة نسيت أن يوسف سيكون موجود معها ,تأنقت ,إرتدت بنطلون أسود وبلوزة ملونة قصيرة وجمعت شعرها للخلف وتركت خصلة فقط تتدلى على وجهها بنعومة , حملت حقيبتها وخرجت من الحجرة.. فنظرت لها امها وإبتسمت: ماشاء الله ياجميلة زى القمر, ياريتنا يابنتى عالجنا سنانك من وإنت صغيرة.
كل حاجة وليها وقت ياماما... انا هانزل بقى علشان ماتأخرش.
طيب أختك وجوزها جايين على الغداء متتأخريش.
حاضر.. ياحبيبتى.
قبلت جميلة وجه امها وخرجت بسرعة وذهبت لمقر القناة وقابلها هشام مساعد المخرج فور دخولها: اهلا آنسة جميلة
أهلا أستاذ هشام.
القى نظرة راضية عن مظهرها وقال: زميلك فين؟
معرفش زمانه جاى..
طيب تعالى نشرب حاجة على ماييجى ونتكلم مع بعض عن نظام الشغل..
لم يتأخر يوسف كثيرا وحضر أيضا فقال هشام: النظام بقى هايبقى فيه شغل طول الأسبوع.
كانت جميلة ستتكلم فرقع يده وأكمل: عارف ....محاضراتكم,, متقلقيش دكتور شادى قال لى على كل حاجة.. الحلقة بتتذاع أسبوعيا يعنى إعداد طول الأسبوع مطلوب منكم تتواجدو هنا بعد المحاضرات ,بتجهزو خطة الحلقة والأسئلة وتعرضوها على ونناقشها مع المخرج ومع سناء مقدمة البرنامج أعتقد ده مناسب ليكم.
إبتسمت جميلة: مناسب جدا...
تمام , تتعاونو مع بعض طبعا عايزين كل حلة تخرج فى أفضل صورة ده برنامج مهم...
بالتأكيد يا أستاذ هشام.
مفيش داعى لأستاذ إحنا بقينا زملاء.. هشام بس..
نظر يوسف بغيرة لنظرات هشام المعجبة والأبتسامة الجميلة التى منحتها له جميلة وفكر لماذا ترفض حتى الآن ان تتعامل معه بودية وبعض اللين؟؟
أخذهم هشام لقابلة المخرج أستاذ بدر ..وجلسو معه لفترة طويلة وحضرت سناء لتتعرف عليهم ورحبت بهم جدا ...
عادت جميلة للبيت لتحضر الطعام مع عائلتها ورحبت بزوج اختها ثم جلست مع خلود فى الحجرة وسألتها: مبسوطة ياخلود؟
مبسوطة قوى... عمر بيحبنى وبيعاملنى كويس قوى بس...
بس إيه؟
بأزهق لما بيروح الشغل ويسيبنى وبأفضل لوحدى وقت كبير.
قلت لك كملى دراستك ياخلود.. وإلا هو معترض؟؟
بيقول لى لازم نكون عائلة ونجيب ولاد و.
وقفت جميلة وقالت: طيب لما ييجى ولاد إبقى فكرى.. لكن دلوقتى قدامك وقت تكملى دراستك..أنا هاتكلم معاه.
أنت تقرأ
أنا جميلة
Romanceكل إنسان له نصيب من إسمه كما يقولون مرتبط بحياته وحظه ونجاحه , جميلة كانت مختلفة فنصيبها من الإسم لم يكن يمثل الحظ أو النجاح بل كان إسمها نقمة عليها ودائما ماكنت تلوم أمها لأنها إختارت لها هذا الإسم , جميلة كان مجرد إسم لاعلاقة له بالشكل لأنها فعلا...
