أنا جميلة

وأخيرا الحب 9

عقدت جميلة العزم على مصارحة يوسف بكل شئ ,لن تترك الحب يهرب منها مرة اخرى وستتمسك به.

أنهت جميلة محاضراتها وبحثت عن يوسف ولكنه لم يأتى اليوم فخرجت من الجامعة وقالت لرنا. روحى لوحدك يارنا انا ورايا مشوار مهم.

مشوار إيه ؟

مشوار حرب. ولازم أكسب فيها.

حرب إيه؟ فاهمة حاجة.

هاتفهمى بعدين ,هابقى اكلمك سلام, النهاردة معادنا مع أستاذ شوكت.

طيب ويوسف؟؟

هاييجى متقلقيش..

ركبت جميلة تاكسى وتركت رنا واقفة تفكر بحيرة وهى تتعجب من جميلة وقالت : ناوية على إيه البت دى؟؟ إيه ياخبر بفلوس..

وقفت جميلة أمام باب شقة يوسف ,ستواجه يوسف وعليها أن تتحلى بالشجاعة, حركت كتفيها وقالت: هاخسر إيه يعنى؟ على رأى تيتا, اللى يحصل يحصل
, اخذت نفس عميق ,, ودقت الجرس وإنتظرت فتحت والدته فقالت: مساء الخير ياطنط, حضرتك فاكرانى؟

أيوه يابنتى زميلة يوسف, اهلا وسهلا.

اهلا بحضرتك, معلش جيت من غير ميعاد,

لآ يابنتى متقوليش كده, إتفضلى

يوسف موجود؟

أيوه ياحبيبتى إتفضلى ..

كانت سلوى فى الصالة فنظرت بدهشة لجميلة وأسرعت لحجرة يوسف, ودخلت بسرعة, كان يوسف جالسا سارح بأفكاره فقالت :يوسف.. يوسف جميلة جت,

وقف بسرعة وقال: جت فين؟

جت هنا..

إرتبك يوسف : هنا !! تانى ؟؟ ليه؟؟؟

جاية لك طبعا ,يعنى جاية لى انا..

مش هاقابلها ,قولى لها نايم...

عيب دى جت لحد هنا ميصحش...

قولى لها زى ماقلت لك ,مش هاشوفها ..

متأكد؟؟؟؟

دخلت والدته وقالت: يوسف زميلتك جت تانى...

سلوى : مش عايز يقابلها ياماما..

ميصحش يابنى ,انا قلت لها إنك موجود وصاحى ,,

إنتظرت جميلة فى الصالون وبعد قليل دخل يوسف ونظر لها بدهشة : أهلا ..

إزيك يايوسف ..

جيتى تانى ليه؟

ياساتر , هو ده إستقبال؟؟ خلى عندك ذوق..

شعر يوسف بالإحراج وقال: أنا مش قصدى بس زرتينى قبل كده وانا بقيت كويس..

دى مش زيارة ,أنا جاية آخدك معايا ..