أنا جميلة

خطط فاشلة 11

تحركت إسراء فى غرفتها فى الفيلا بعصبية ,كانت غاضبة من تعليقات جميلة: بقى انا لسه باتعلم.. طيب إن ماخرجتك من البرنامج مبقاش انا ياجميلة...دقت الخادمة الباب وقالت: إسراء هانم .آنسة نهلة جت..

دخلت نهلة بسرعة وقالت: إيه يا إسراء طلبتنيى وقلقتينى..

أشارت إسراء للخادمة أن تخرج وقالت: البنت اللى إسمها جميلة تصورى بتقول على مبتدأةوإنى لسه باتعلم وإدتنى درس..

ده اللى مخليكى متعصبة قوى كده؟؟ وإنت من إمتى بتعملى حساب لكلام حد؟

قالت كده قدام يوسف.

جلست نهلة ومددت ساقيها وقالت: آه قدام يوسف.!! قولى كده بقى؟؟ .

أنا متضايقة منها جدا..

بيتهيألى إنها فاهماكى يا إسراء.

يعنى إيه؟

يعنى فاهمة إنت بتحاولى تعملى إيه ؟ علشان كده صاحية لك ومش هاتديكى الفرصة ..

وماله كده نبقى بنلعب على المكشوف...

هاتعملى إيه؟ عندى خطة تخليها تنشغل عن البرنامج وتركز مع يوسف وبعدين لما تخرج من البرنامج خالص أفوق لها انا بقى وآخد يوسف من إيدها..

وهو سهل كده مش بتقولى بيحبها؟؟

كل الرجالة سهلين بس اهم حاجة تعرفة تدخلى لهم منين...

ورينا شطارتك ولو إنى اشك إن يوسف هاسيبيها..

إنت قاصدة تغيظينى يانهلة,

لا أنا بأقولك تحطى كل الاحتمالات ..

زفرت إسراء بقوة وقالت: معنديش إحتمالات,,, انا للى هاكسب,,

نظرت لها نهلة : ياساتر لما تحطى عينك على حد...

إبتسمت إسراء بغرور وقالت: أديكى قلتيها محدش قدى..

لم تحالو جميلة ان تشغل تفكيرها بإسراء لأنها تعرف جيدا كيف ستتعامل معها وركزت على الحلقة الجديدة من لبرنامج ولاحظت بأن إسراء تحاول أن تجذب إنتباه يوسف دائما فى الاجتماع وإبتسمت بسخرية لأن يوسف كان يتكلم عن العمل فقط ولم يلاحظ أبدا ماتفعله إسراء او حتى يهتم..

فى موعد الحلقة الجدية والتى تذاع على الهواء ,جلس كل منهم فى مكانه وقالت جميلة: إسارء ياريت تركزى فى اللى قلته وبلاش تقاطعينى او تقاطعى الضيوف..

إخفت إسراء ضيقها وإبتسمت وهى تقول: اكيد الغلطة مش هاتتكرر...

بدأت الحلقة التى إستهل يوسف بالمقدمة فيها ودخل أول ضيف والتزمت إسراء فعلا ولم تقاطع جميلة او تحاول السيطرة على الحوار..وفى اول فاصل نظرت ليوسف وسألت بلهفة: إيه رأيك يايوسف.