ගුරු පාර දිගටම තියෙද්දී මමයි මල්ලියි ඇවිදන් ආවේ මඟදි අපිට හම්බ වෙච්ච චවික කියන කොල්ල මල්ලි එක්ක ඕපදූප කියවන් යද්දි. දොළ පාරක් පාර අයිනෙන් ගලා ගෙන යද්දි මඟදි හම්බ වෙච්ච බොක්කුවක් උඩ කොල්ලො ටිකක් ඉදගෙන හිටිය, අපිව පහු කරන් ගිය දඬු මොණරත් එතන නවත්තලා තියෙද්දී බයික් එකේ හිටපු කොණ්ඩ කුරුල්ලා දිහා මං හොඳින් බැලුවත් ඒ මූණ බලා ගන්න බැරි උනේ ඒකාගේ කොණ්ඩෙටම මූණ වැහිලා තිබ්බ නිසා.....
මල්ලිගෙන් අපේ විස්තර අහ ගත්ත චවික අර කොල්ලො ටික අපි ගැන අහද්දි අපි ගැන විස්තර කරේ හරියට වීරයෙක් වගේ. නිකන් උබලට වඩා මං ගොඩක් දේවල් දන්නවා වගේ ඇක්ෂන් එකක් උගේ තිබ්බෙ. එතනින් එන්න ලෑස්ති වෙලා ආයෙත් අර කොණ්ඩ කුරුල්ලා දිහා නිකමට බැලුවත් ඒ යකා මෙළෝ සිහියක් නැතිව ෆෝන් එක කනවා.මට බයික් වල රේස් යන කොල්ලො දැක්කම ළඟට ගිහින් කියන්න හිතෙනවා ඔච්චර හයියෙන් යන්න එපා කියලා. ඔයාලට ඔය ජිවිතේ වටින්නේ නැති උනාට අනිත් අයට ඔයාලව වටිනවා කියලා කියන්න හිතෙනවා.... මොකද මටත් කොහෙද මන්ද ලොකූ අමාරුවක් හැදෙනවනේ මුන් දැක්කම යහ මඟට ගන්න.........
"මං මේ දෙවට පාරෙන් යනවා, අර ඇහැළ ගහ පේනවා නේද... ආන්න එතන තමයි අපේ ගේ තියෙන්නේ, ඔයාලා ඔහොම්ම ඉස්සරහට යන්න, අර ගෙවල් මණ්ඩියක් පේනවා නේද, මෙහෙ ඉඳන් යද්දි දකුණු අත පැත්තෙ තියෙන තුන් වෙනි ගේ තමයි දිසානායක සර්ගෙ ගෙදර"
අර යකා කියෝගෙන කියෝගෙන ගිහින් අත් දෙක දිහා හොඳට බලලා දකුණු අත පෙන්නලා මල්ලිට විස්තරේ කියල මං දිහා බැලුවා. මොනව උනත් උදව්වක් කරපු එකා නිසා මං යන්තම් හිනාවක් දුන්නෙ අර යකා දත් තිස් දෙකකටත් වැඩියෙන් පේන්න කට ඇරලා හිනා වෙද්දි.
"අපි එහෙනම් යන්නම් අය්යේ, ඔයා චවික නේද, ගොඩක් ස්තූති හොඳේ"
"අයියෝ ඕක මොකක්ද මල්ලි, ඔයාලගේ නම් මොනාද"
"මං මින්සඳ, මේ මගේ අයියා සසඳ "
"නේත්‍ර, නේත්‍ර.... මගේ නම නේත්‍ර"
මට යකා නගින්නෙ ඉතින් නමේ අකමැති කෑල්ලක් කියවද්දි තමයි, සසඳ නේත්‍ර හසරැල් උනත් මං කැමති නේත්‍ර කියන කෑල්ලට විතරයි.අපේ පොඩි ඇටයත් මාව අවුස්සන්න ඕනවට කිව්වද මන්දා.
YOU ARE READING
දඬු මොණරු ✅
Non-Fiction"ඒයි ඇටිකිච්ච ඔහොම ඉන්නවා" "නේත්‍ර.....නේත්‍ර...මගේ නම නේත්‍ර" "ඒත් මට ඇටි කිච්චෙක්නෙ, මං ආසයි ඒ නම කියන්න" "හේතුව" "හේතුවද.... හේතුව තමයි තමුසෙව පොඩ්ඩක් අවුස්ස ගත්තම හරි ෂෝක්, නහයත් පුම්බන් තරහෙන් කියවද්දි බලන් ඉන්න ආස හිතෙනවා, වේගෙන් ඇස් පිල්ලම් ග...
