මගේ ඉස්සරහ දිග ඇරෙන ෆිල්ම් එකේ ආතල් එක වැඩි කමටම මට හිනාව නවත්ත ගන්න බැරි වෙද්දි මං කරේ අත් දෙකෙන්ම කට වහන් පස්සෙන් පස්සට ආව එක. ඒ එක්කම උණුසුම් පපුවක වැදිලා මාව නතර වෙද්දි මං යන්තම් බෙල්ල ඇල කරලා පිටි පස්ස බැලුවේ මගේ බෙල්ලට වැදුණු උණුසුම් හුස්ම හුරු පුරුදු නිසාමයි....
යශ් අයියා ඇස් දෙකත් රතු කරන් මගේ මූණට එබුනා, පිවිතුරු අයියා වගේ වෙරි වෙලා නැතත් එයත් බීලා හිටියෙ.
"හැමෝටම සිරික්කිය දදා හිටපන්"
"අ... අය්යේ"
ඒ මූණේ තිබ්බ ඇස් වල තිබ්බ නපුරු කම දරා ගන්න බැරි නිසාම මට ගොත ගැහෙද්දි එක පාරටම මගේ අතින් අල්ල ගත්ත කෙනෙක් මාව යශ් අයියගෙන් ඈතට ඇදල ගත්ත.
"මගේ මල්ලිගෙන් ඈත් වෙලා ඉන්නවා"
ඒක නිකං අර 'දෝණිගෙන් ඈත් වෙලා ඉඳපන්' වගේ ටෝන් එකක්,තඹර අයියා සුදු අප්පච්චියෙක් වෙලා මාව එයාගෙ ළඟට අරන් එහෙම කියද්දි යශ් අයියා එයාට නක්කල් හිනාවක් දාලා මටත් ඔරවලා ගියේ පිවිතුරු අයියා ළඟට, මේ වෙද්දි දුවික අයියත් ඇවිත් පිවිතුරු අයියව එළියට එක්ක යන්න හදන ගමන් හිටියෙ. නැත්නම් ඉතින් අම්මයි තාත්තයි ඉස්සරහ එයාගෙත් කාඩ් කුඩු.
"තමන්ට දරන්න පුළුවන් ප්‍රමානෙට බොනවා මනුස්සයෝ, හිටගෙන ඉන්න වත් පණ නෑ, ඒ අස්සේ එනවා කරේ නගින්න, මගෙ කොන්දත් කැඩුනද මන්දා"
ඔන්න ඉතින් චීන පටස් එක පුපුරන්න ගත්ත. සීයා කෙනෙක් වගේ කොන්දට අතත් තිය තියා කැඩිලද බලනවා.....
"ඒ අඩෝ මේ බලපන්කෝ මට රෝස මලගෙ කට හඩත් ඇහෙනවා ඇහෙනවා වගේනෙ බං, අර හැම තිස්සෙම මට බනින කිංකිණි නාදය.... මේ ඇත්තටම රෝස මලද බං මේ ඉන්නෙ"
පිවිතුරු අයියා එයා දකින්නේ ඇත්තක්ද කියලා දැන ගන්න තුහින සර්ගෙ මූණ අල්ලන්න ගිය පාර සර් ඒ අත් දෙක ගසල දාලා එයාව තල්ලු කරන් අපි ඉන්න තැනට ඇවිත් අත් දෙකත් පපුව උඩින් බැඳගෙන ගස්සලා සෝෆා එකෙන් ඉඳ ගත්ත...
වැටෙන්න ගිය පිවිතුරු අයියව අල්ල ගත්ත යශ් අයියා එයාව එළියට එක්ක යන ගමන් අපේ ලඟ නැවතුනා.
YOU ARE READING
දඬු මොණරු ✅
Non-Fiction"ඒයි ඇටිකිච්ච ඔහොම ඉන්නවා" "නේත්‍ර.....නේත්‍ර...මගේ නම නේත්‍ර" "ඒත් මට ඇටි කිච්චෙක්නෙ, මං ආසයි ඒ නම කියන්න" "හේතුව" "හේතුවද.... හේතුව තමයි තමුසෙව පොඩ්ඩක් අවුස්ස ගත්තම හරි ෂෝක්, නහයත් පුම්බන් තරහෙන් කියවද්දි බලන් ඉන්න ආස හිතෙනවා, වේගෙන් ඇස් පිල්ලම් ග...
