ماردت ونطق سعود من جديد : جود بنتي ! ، قومي يـ عين ابوك
عقدت حواجبها جود بانزعاج وصدت للجهه الأخرى
ابتسم سعود ومد يده وهو يمسح على شعرها بحنيه ورفع نبرته صوته اكثر
: بس يـ جود قومي !
فتحت جود عيونها ببطئ وهمست بابتسامه
: ياربي وش هالحلم الحلو !
صدت للجهه الثانيه وفزت بسرعه لما لمحت جسد رجل قدامها
خافت بـ لحظتها لكن لما اتضحت لها ملامحه توسعت عيونها بصدمه ومن هول صدمتها ما تركت لنفسها مجال ابد لأجل تستوعب ونطت من مكانها وهي تحظنه ، ما تدري اذا هو قدامها صدق او وهم وحلم لكن اللي تدري فيه انها ماتبي تصحى من خيالها ويبعد طيفه عنها ابد
اطلق سعود ضحكه انتشر صداها بإرجاء المكان
وهمس : يـ بعد عين سعود والله
حاوطها بيدينها وهنا جود حست ان الدنيا كلها تضحك لها ، حست بفرشات تتراقص داخلها
أبعدت عنه وهي تناظر ملامح وجهه وبسمته العذبه تجمعت دموعها بمحاجرها وتنهدت بعمق وهب تهمس
: هو انت صدق قبالي يـ ابوي ؟ ولا من شوقي لك اتخيلك
هز راسه سعود بـ اي وهو يمد يدينه يمسح دموعها اللي انهمروا مثل المطر على خدها
ابتسمت جود وهي ترجع تحظنه ، تنهد سعود وهو يمسح على ظهرها ، ابعدها عنه بعد فتره ونطق وهو يمسح على خصل شعرها
: يلا يـ قلبي ، قومي
ابتسمت جود ، وقام سعود ونطق
: انتظرك تحت
ابتسمت جود وهي تقوم لناحيته وتقبل خده ونطقت بخفوت
_
: عسى ربي يديمك لي
ابتسم لها سعود وطلع من عندها
اما جود بمجرد ما طلع من عندها غمضت عيونها بقوه ورمت حالها على السرير ، عمق الفرحه اللي حاسه فيها حاليا ما تنوصف ابد
ما سالت من متى صاحي ؟ ، ولا كيف صحيت ؟ ، ما سالت عن شي ابد ولا تبي تسال ، يكفيها وجوده معها وهذا مغنيها عن كل شي وتحس من كبر فرحتها فيه نست أصلا تسال
وزين انها نست ! لانها لو درت انه صاحي من يومين ولا مخبرهم كان قلبت الدنيا وما فيها عليهم ، تنهدت بعمق وقامت من مكانها وتوجهت للحمام " يكرم القارئ "
_
~ عند بيت هزاع ~
جالسين فاتن وهزاع بالصاله ، جاء اتصال لـ هزاع من المركز ان تركي طلب يشوف فاتن قبل محاكمته بكره بسبب خطف بنت ولد من اهلهم وهم " منصور " و " فاتن " ، قفل الخط وكان مصدوم من الاتصال ، اما فاتن انصدمت من الخبر وهي نفسها يتقطع من البكاء ونطقت
: هزاع ليش بابا عنده محاكمه ووش يبون فيه ؟ ، بابا مستحيل يخطفني انا ومنصور
تقدم هزاع سحبها وحاوط أكتافها وحظنها لصدره ، كانت فاتن بنحيب قوي ودموعها ما وقفت ، ابعدها هزاع عنه بعد فتره ونطق وهو يمسح دموعها
: يلا ، يـ عيون هزاع
خرج هزاع من البيت دقايق وفاتن خلفه بكامل حشمتها ركب السياره وحرك للمركز ، بعد وصولهم للمركز استقبلهم الرائد هيثم بطلب من العقيد بحر وتوجه بهم لاحد السجون اللي يقطن فيها تركي
_
وخذاهم لاحد الغرف المخصصه للزياره وكلها كم دقيقه ودخل عليهم تركي بلبس السجناء وهو منزل راسه
