هو لما فتحت الباب وشافها قدامه ظنها حلم ، كان يقول بداخله حتى ولو كان حلم المهم هي قدامي ، لحد ما نطقت هي نطقت تعذبه تعذب شوقه لها وتزيده ، ما كان
يستوعب بأنها الان بحضنه وأنه الأن معها وتحت سقف واحد ، كان يغطي ملامحه بشعرها ويبكي ، كانت الدموع منه كثيرة كثيرة بشكل ما تستوعبه عيونه ، كيف تفيض عينه بكل المخزون الخاص فيها ؟، ما عاد فيه دموع جفت عيونه ، ظلت بأحضانه لنصف ساعه ، ولا احد فيهم فكر يبعد
_
~ العشاء في قصر سعود ~
عند جود
دقت على صديقتها وعد لعل وعسى تخفف عليها
جود : وعد !
وعد : عييونيي
جود : تكفين تعببت
وعد : من ايش يـ قلبي !
جود : عندي قضيه عجزت احلها والمشكله الجلسه بكرا !
وعد : افاا جودي تبين اجيك ولا تجيني نتساعد ؟
جود : ايه تكفين حليت اغلبها بس باقي شي صغير واقلب الطاوله عليهم
وعد : خلاص بشوف السواق وبجيب بجامتي واجي عشان اذا تأخرنا
جود : يلا انتظرك
راحت وعد ترتب اغراضها وتحط اللي تحتاجه بالشنطه واخذت بجامه ونزلت تحت لأبوها وأمها تقول لهم السالفه ، وقالت لهم انها بتروح ودقت على السواق وركبت السياره وقالت له يمر ياخذ قهوه لها ولـ جود وتوجهت لبيت سعود
_
وصلت قدام البيت وسحبت جوالها تتصل على جود
وعد : هلا جود وصلت حبي
جود : يلا نازله لك
طلعت جود من غرفتها ، ونزلت تحت تستقبل صاحبتها وعد
وعد وهي تنتظر ، انفتح الباب
_
وعد : ما بغيتي كان فتحتي على الفجر احسن !
كانت منزله راسها تاخذ اغراضها والكوفي من الارض ويوم رفعت راسها انصدمت من اللي قدامها
_
عند بحر اللي كان ناسي جواله بالسياره ، ونزل يجيبه وشاف ظل عند الباب ويوم فتح الباب انصدم من اللي قدامه وحده متنقبه ومو باين الا عيونها ، ومعها كوبين كوفي وشنطه
نزلت جود ووقفت ورا بحر بس بعيد شوي ونطقت وهي رافعة صوتها
: مطولين مصدومين مع بعض ولا وش
حط يده بحر على رقبته من ورا وابعد عن الباب : معليش تفضلي
وعد تفشلت بس نطقت :
مدري عنه واقف يتفرج تعورت يدي وهو واقف ساد الباب !، دخلت وسوت نفسها مو متفشله
التفت عليها بحر ، مصدوم من كلامها ، ضحك وطلع
ضحكت جود : امشي امشي بترقعينها اعميتيها
وعد : حسيت ههه
دخلتها وعلى طول صعدو لغرفة جود وقعدوا على سريرها
وعد : ايوا نقول بسم الله ونبدا !
جود : اصبري اشرب قهوه راسي بينفجر صدعت
وعد : مين راعي القضيه ولد ولا بنت ؟
جود : بشرح لك القضيه ، سخيفه بس عجزت اقلب الطاوله عليهم ، بنت رافعه قضيه على شركة دفعت لهم حول 30 الف وماسوا اللي تبي وسحبوا عليها يقولون ما حولت الا 15 الاف ، المهم ان الشركه عندها محامي قوي ، اجيه يمين يجيني يمين اجيه يسار يجيني يسار عجزت احجر لهم
وعد : افاا ام التحجير ما قدرت تمسك عليهم شي !
_
جود : اقولك عجزت عجزت نظيفين مع انهم سراقين وينهبون العالم بس شغلهم نظيف وما يخلون وراهم شي
وعد : طيب بنحلها
قامت وعد تجيب ايبادها وتدخل موقع الشركه وجود فتحت الكمبيوتر وبدوا يشتغلون
وعد : طيب دخلتي على البنك ؟، شوفي التحويل كم بالضبط
جود : المشكله انها عطتهم كاش مو تحويل
مسكت وعد راسها : ياربي غبيه هي كيف تعطي هالمبلغ كاش !
جود : عاد صار اللي صار عطينا حل ثاني
وعد : كاميرات المراقبه شي ؟
جود : شفت ، عطتهم بظرف ما كان مبين المبلغ
وعد : ياربي الله يعين ، يبيلها قعده صدق ، يلا شوفي اذا البنت عندها محادثات ولا شي ، اتفاق عن المبلغ وانا بشوف المنسقه حقت شركتهم يمكن نقدر نسحب منها كلام
